ᑎᐱᑦ ᐅᓂᑭᒧᐅᓇ 109:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊ ᐊᑲ ᐅᒡ ᒋᔅᒋᑦ ᒐᒋ ᐛᐸᑎᔨᐛᑦ ᒋᓴᐛᑎᓯᐅᓂᔪᐤ, ᒪᒃ ᐊᒋ ᓇᓇᐧᑲᒋᐊᑦ ᑲ ᒋᔅᑎᒪᒋᓯᔨᒋ ᑭᔭ ᑲ ᐅᓂᓯᓂᔨᒋ ᐃᔪᐛ, ᒐᒋ ᒋ ᓂᐸᐊᑦ ᐊᓂᔭᔪᐛ ᑲ ᐱᑯᑕᐊᔨᒋ᙮

ᑎᐱᑦ ᐅᓂᑭᒧᐅᓇ 109:16 Iomraidhean Croise

ᒐᓂᓯᔅ 42:21

ᐎᐧᑲᓂᓯᒪᐅᒡ ᒂ ᐃᔨᒥᑐᒡ ᐅᑦ ᐃᔨᒧᐅᓄᐛᒡ, “ᐊᐅᑯᐤ ᐊᓯᓇᑯᓯᔭᐧᒄ ᑲ ᐃᓯ ᐎᓂᑐᑐᐛᐧᒄ ᒋᐧᑲᓂᓯᓄᐤ᙮ ᐃᔅᐱ ᑲ ᐳᑎᓯᐛᐱᓇᐧᒄ ᒧᓇᐃᐸᓂᒡ, ᑲ ᐱᑯᓴᔨᒥᑕᐧᒄ ᒐ ᒋᔅᑎᒪᒐᔨᒪᐧᒄ ᒥᒄ ᓇᒪ ᒋ ᐅᒋ ᓂᑐᑐᐛᓄᐤ᙮ ᐊᐅᑯᐤ ᐛᒋ ᐅᔅᑕᐱᐃᔭᐧᒄ᙮”

ᑎᐱᑦ ᐅᓂᑭᒧᐅᓇ 10:14

ᔅᒋ ᐛᐸᑕᓐ; ᐛᔅ ᒋ ᑭᓄᐛᐸᑕᓐ ᒥᒋᐃᑐᐅᓐ ᑭᔭ ᒥᒐᔨᒧᐛᐅᓐ, ᒐᒋ ᑎᐸᐊᒥᓐ ᒋᑎᒋᔾ ᐅᒡ: ᑲ ᒋᔅᑎᒪᑎᓯᑦ ᒋ ᐱᔅᑎᓂᑎᓱᔅᑕᒃ: ᒋ ᐎᒐᐅᒡ ᐊᑲ ᐅᑕᐎᒡ᙮

ᑎᐱᑦ ᐅᓂᑭᒧᐅᓇ 10:2

ᐅᒥᒋᑥᐤ ᐅᒋᔅᑕᔨᒧᐅᓂᒡ ᓇᓇᐧᑲᒋᐊᐤ ᑲ ᒋᔅᑎᒪᑎᓯᔨᒋ᙮ ᐊᑯᔅ ᒋᑭ ᓇᒂᑎᑯᐅᒡ ᐅᑦ ᐃᑕᔨᑎᒧᐅᓄᐛᐛ ᑲᒋ ᐃᑕᔨᑕᒡ᙮

ᑎᐱᑦ ᐅᓂᑭᒧᐅᓇ 34:18

ᑎᐸᔨᒋᒐᓱᐤ ᐸᓱᐛᐱᒪᐤ ᐊᓂᔭ ᑲ ᐱᑯᑕᐊᔨᒋ; ᐱᒪᒋᐊᐤ ᑭᔭ ᐊᓂᔭ ᑲ ᒋᔅᑎᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 37:14

ᐅᒥᒋᑥᐅᒡ ᒋ ᔭᔨᔅᒋᐱᑕᒧᒡ ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᒋ ᓯᑕᒐᐸᐅᒡ, ᒐᒋ ᓂᒋᐛᐱᓇᒡ ᐅᒋᔅᑎᒪᑎᓯᐛ ᑭᔭ ᐅᓇᐧᑲᑎᓯᐛ, ᑭᔭ ᒐᒋ ᓂᐸᐊᒡ ᐊᓂᔭ ᑯᐃᔅᒄ ᑲ ᐃᑕᑎᓯᔨᒋ᙮

ᑎᐱᑦ ᐅᓂᑭᒧᐅᓇ 37:32

ᐅᒥᒋᑥᐤ ᒋᒧᓴᐱᒪᐤ ᐅᑯᐃᔅᑯᑕᑎᓯᐛ, ᑭᔭ ᑯᒋᑕᐤ ᒐᒋ ᓂᐸᐊᑦ᙮

ᒪᑎᔪᐤ 5:7

ᓱᐛᔨᑕᑯᓱᐅᒡ ᐊᓐᒡ ᑲ ᓱᐛᔨᒪᒡ ᐊᐛᔪᐛ ᐛᔅ ᒋᑭ ᓱᐛᔨᒥᑯᐅᒡ ᒋᓴᒪᓂᑐᐛ᙮

ᒋᒥᔅ ᐅᒥᓯᓇᐊᒪᒐᐅᓐ 2:13

ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮