ᑎᐱᑦ ᐅᓂᑭᒧᐅᓇ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒧᔭᒻ ᒪᒃ ᒥᔅᑎᒄ ᑲ ᓂᑕᐅᒋᑦ ᒋᒡ ᓯᐱᒡ ᒋᑭ ᐃᓯᓇᑯᓱᐤ: ᑲ ᒥᓂᓱᐅᑦ ᐛᑎᒋᐱᔨᒋ ᒐ ᒥᓂᓱᐅᑦ: ᐅᓂᐱᓯᒻ ᓇᒪᐎᔾ ᒋᑭ ᓂᓱᐅᓇᑎᓂᔪᐤ; ᑭᔭ ᒥᒄ ᒐᒂᔪᐤ ᒐ ᐃᑐᑕᐧᒃ ᒋᑭ ᒥᔪᐱᔪᐤ᙮

ᑎᐱᑦ ᐅᓂᑭᒧᐅᓇ 1:3 Iomraidhean Croise

ᒐᓂᓯᔅ 39:23

ᐅᑎᐸᔨᒋᒐᐤ ᒋ ᐎᒐᐛᐤ ᒍᓯᐸ ᒐᒋ ᑭᔅᒋᑕᔨᒋ ᒥᓯᐛ ᒐᒂᔪᐤ ᐊ ᐃᑐᑎᒥᔨᒋ᙮ ᐅᔭ ᐅᒡ, ᑲᓂᑲᓂᔅᑲᐧᒃ ᑲᒪᑯᓄᐛᓯᐅᒋᐛᐱᔪᐤ ᒋᒋᐛ ᒋ ᓱᒐᔨᒪᐤ ᒍᓯᐸ ᒥᓯᐛ ᒐᒂᔪᐤ ᐊ ᐃᑐᑎᒥᔨᒋ᙮

ᒐᓂᓯᔅ 39:3

ᒋ ᒋᔅᒐᔨᑎᒥᔪᐛ ᒍᓯᑉ ᐅᒋᒪᒪ ᐛᒋᐃᑯᑦ ᑎᐸᔨᒋᒐᓱᐛ᙮ ᐛᔅ ᒥᓯᐛ ᒐᒂᔪᐤ ᒍᓯᑉ ᑲ ᐃᑐᑕᐧᒃ ᒋ ᒥᔪᐱᔪᐤ᙮

ᑎᐱᑦ ᐅᓂᑭᒧᐅᓇ 128:2

ᐛᔅ ᒋᑭ ᒥᒋᓐ ᑲ ᐃᓯ ᐊᑐᔅᒐᔨᓐ ᒋᑎᒋᒡ: ᒋᑭ ᒥᔽᔨᒧᓐ, ᑭᔭ ᒋᑭ ᒥᔪᐱᔨᐃᑯᓐ᙮

ᑎᐱᑦ ᐅᓂᑭᒧᐅᓇ 129:8

ᓇᒪ ᑭᔭ ᐃᔅᒋᔄᐅᒡ ᐊᓐᒡ ᑲ ᐱᒧᑕᒡ, “ᐅᒥᔽᒋᒧᐛᐅᓐ ᑎᐸᔨᒋᒐᓱᐤ ᒋᑭ ᐅᑎᑎᑯᐛᓐ: ᒋ ᒥᔽᒋᒥᑎᓇᓐ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ᙮”

ᑎᐱᑦ ᐅᓂᑭᒧᐅᓇ 92:14

ᐃᔭᐱᒡ ᒋᑭ ᒥᓂᓱᐅᒡ ᐊ ᒋᓴᐃᔪᐅᒡ; ᒋᑭ ᐎᔨᔪᐅᒡ ᑭᔭ ᒋᑭ ᒥᔪ ᓂᑕᐅᒋᐅᒡ;

ᑎᐱᑦ ᐅᓂᑭᒧᐅᓇ 92:15

ᒐᒋ ᐛᐸᑎᔨᐛᒡ ᐊ ᑯᐃᔅᑯᑎᔨᒋ ᑎᐸᔨᒋᒐᓱᐛ: ᐎᔾ ᓂᒋᔅᑕᐱᔅᑯᒻ, ᓇᒪ ᑭᔭ ᓇᔅᒡ ᐱᒋᔅᑲᑯᐤ ᒥᒐᑎᓯᐅᓂᔪᐤ᙮

ᒪᑎᔪᐤ 13:6

ᐃᔅᐱ ᒪᒃ ᓯᔭᑲᔅᑐᐛᒋ ᐱᓯᒻ ᒋ ᐃᔎᑕᔪᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮

ᒪᑎᔪᐤ 21:19

ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮

ᒪᑎᔪᐤ 21:34

ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᒋ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮

ᒪᑎᔪᐤ 21:41

ᐊᑯ ᐊ ᑎᑯᑦ ᐊᓂᔭ ᑲ ᑎᐸᒋᒧᔅᑐᐛᑦ ᐃᔪᐛ, “ᑎᑯᓯᒐ ᐊᓐ ᐅᒋᒪᐤ ᒋᑭ ᓂᐸᐊᐤ ᐊᓂᔭᔪᐛ ᒥᒋ ᐊᐱᒋᐊᑭᓇ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᒪᒃ ᐅᔭ ᒐ ᒥᔨᑯᑦ ᐎᔾ ᑕᓐ ᐊ ᐃᓯ ᑎᐱᔨᐛᐅᓯᑦ ᐃᔅᐱ ᒋ ᐃᓯ ᓂᑕᐅᒋᓂᒂᐛ ᐊᓂᔭ ᐅᓂᑕᐅᒋᑕᑭᓇ᙮”

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᒍᑦ 1:12

ᒥᒄ ᐛ ᐊᓏᑕᓱᐅᒡ ᐊᓐᑕ ᐊ ᒥᑯᓴᐛᒄ ᐊ ᓄᑯᑕᔭᒄ ᐊ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ᒋᔅᐳᐃᓱᒡ ᐊ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ᓂᐱᒡ, ᐊᐅᑯᓐ ᐊ ᐃᓯᓇᑯᓯᒡ᙮

ᒋᔅᒐᔨᑕᑯᑕᒐᐅᓐ 22:2

ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮