ᐱᓕᐱᔭᓇ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ ᓂ ᐅᒋ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,

ᐱᓕᐱᔭᓇ 3:8 Iomraidhean Croise

ᑎᐱᑦ ᐅᓂᑭᒧᐅᓇ 126:6

ᐊᓐ ᑲ ᒋᑐᑕᑦ ᐊ ᐅᒋᑯᐛᐱᑦ, ᐊ ᐱᒧᐅᑕᑦ ᒥᔪ ᓯᒥᓇ, ᒐᔅᑎᓇᔅ ᒋᑭ ᐸᒋ ᒋᐛᐤ ᐊ ᒥᔽᔨᑕᐧᒃ, ᐊ ᐸᑕᑦ ᐅᒪᐛᓯᒂᐱᒋᑭᓇ᙮

ᑎᐱᑦ ᐅᓂᑭᒧᐅᓇ 73:25

ᐊᐛᓐ ᐊᔭᐅᒃ ᒋᒋᒋᓯᑯᒡ ᒋᔾ ᒥᒄ ? ᓇᒪ ᑭᔭ ᐊᐛᓐ ᐊᔅᒋᒡ ᓂ ᓂᑐᐛᔨᒪᐤ ᒋᔾ ᒥᒄ᙮

ᓗᒃ 1:43

ᓂ ᒥᔅᑲᑕᔨᑕᓐ ᒪᒃ ᒐᒂᓐ ᓂᔾ ᐛᒋ ᐸᒋ ᒧᐱᔅᑐᐎᓐ ᓂᑎᐸᔨᒋᒐᓯᒻ ᐅᑲᐎᔭ ?

ᓗᒃ 11:20

ᐛᔅ ᓇᒪᔭᐤ ᐊᓐ ᑲ ᓂᑲᓂᔅᑯᐛᑦ ᒥᒋ ᐊᒐᒂ ᒪᔨᑦ ᒐᒋ ᐎᐎᑎᓴᐅᒂᐤ ᒥᒋ ᐊᒐᐧᑯᒡ᙮ ᒋᓴᒪᓂᑐᐤ ᐊᐅᒄ ᑲ ᐸᒋ ᒥᔨᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐅᒥᒋ ᒥᒋ ᐊᒐᒂ᙮ ᐊᑯᑕ ᒪᒃ ᐛᒋ ᐛᐸᑎᔨᑯᔭᒄ ᑕᑈ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᓇᔅᒡ ᐊ ᐅᑎᑕᐅᑯᐛᒄ᙮”

ᒠᓐ 14:20

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᐸᒋ ᓂᑐᐛᐱᒥᑎᑯᒡ ᐊᑯᑕ ᒐ ᓂᔅᑐᑎᒪᒄ ᐊ ᐱᒋᔅᑯᐅᒃ ᓄᑕᐎᔾ ᑭᔭ ᐊ ᐱᒋᔅᑯᐅᔭᒄ, ᑭᔭ ᐊ ᐱᒋᔅᑲᑎᑯᒡ᙮”

ᒠᓐ 14:7

ᓴᔅ ᒪᒃ ᐊ ᒋᔅᒐᔨᒥᔭᒄ ᓴᔅ ᒋᐸ ᒋᔅᒐᔨᒪᐛᐤ ᑭᔭ ᓄᑕᐎᔾ᙮ ᐊᓄᒡ ᒪᒃ ᓴᔅ ᒋ ᒋᔅᒐᔨᒪᐛᐤ ᑭᔭ ᓴᔅ ᔅᒋ ᐛᐱᒪᐛᐤ᙮”

ᒠᓐ 16:3

ᐊᐅᒄ ᐅᔭ ᒐ ᐃᑐᑕᑕᑯᒡ ᐛᔅ ᓇᒪ ᓂᑕ ᐅᒋ ᒋᔅᒐᔨᒪᐅᒡ ᐅᑕᐎᒪᐛ ᑭᔭ ᓂᔾ ᓇᒪ ᓂ ᐅᒋ ᒋᔅᒐᔨᒥᑯᒡ᙮”

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 17:8

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐅᑎᓂᒧᒡ ᒪᒃ ᑕᓐ ᑲ ᐃᓯ ᐎᑎᒧᐅᒂᐤ᙮ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ ᑕᑈᑎᒧᒡ ᑭᔭ ᐅᔭ᙮”

ᒠᓐ 20:13

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ᒪᔨᓐ ?” ᐊᑯ ᒪᕆ ᒂ ᐃᑕᑦ, “ᒋ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ᒋᔅᒐᔨᒪᐅᒡ ᑕᓐᑕ ᑲ ᐃᑐᑕᐊᒡ᙮”

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:18

ᓂᔾ ᐊ ᐃᑕᔨᑎᒪᓐ ᑕᓐ ᐊ ᐃᓯ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᑕᔨᑕᑯᓐ ᒐ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:39

ᓇᒪ ᑎᑯᓇ ᓱᒐᔨᑕᑯᓱᐅᓇ ᐊᓐᑕ ᐃᔅᐱᒥᒡ ᑭᔭ ᒪᒃ ᐅᑕ ᓂᑕᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒋ᙮ ᑭᔭ ᓇᒪ ᑎᑯᓂᔪᐤ ᒐᒂᔪᐤ ᐊᒋ ᐅᓯᑕᑦ ᒋᓴᒪᓂᑐᐤ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒋ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᐊᑯᑕ ᑲ ᐛᐸᑎᔨᑕᐧᒄ ᑕᓐ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

1 ᑯᕆᓐᑎᔭᓇ 9:10

ᒥᓯᐛ ᐊᐛᔪᐛ ᑲ ᐊᑐᔅᒐᔨᒋ ᐊᔨᒧᒪᐤ ᒧᔭᒻ ᐊᓂᔭᔪᐛ ᐊᐛᔪᐛ ᑲ ᐱᑯᔅᑭᒥᑲᒐᔨᒋ ᒐᒋ ᐊᑎ ᓂᑕᐅᒋᑕᔨᒋ ᑭᔭ ᐊᓂᔭ ᑲ ᒪᒧᓴᒋᓂᒥᔨᒋ ᓂᑕᐅᒋᑕᑭᓇ ᐃᔅᐱ ᑲᒋ ᐃᓯ ᓂᑕᐅᒋᓂᔨᒋ᙮ ᐃᓯᓇᑯᓂᔪᐤ ᒪᒃ ᑕᐱᔅᑯᓐ ᐊᓐᒡ ᒐᒋ ᐅᒋ ᒥᒋᓱᒡ ᐊᓂᔭ ᑲ ᐃᓯ ᓂᑕᐅᒋᑕᒡ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᐃᐱᓯᔭᓇ 4:13

ᐊᐅᒄ ᒪᒃ ᐅ ᒐ ᐃᓯ ᐎᒋᐃᑯᔭᐧᒄ ᐸᑐᔅ ᒥᓯᐛ ᒪᒧᐤ ᐸᐃᑯᓄᒡ ᐃᓯ ᑕᑈᑎᒪᒂ ᑭᔭ ᓇᔅᒡ ᒥᓯᐛ ᒋᔅᒐᔨᒪᒂ ᒋᓴᒪᓂᑐᐤ ᐅᑯᓴ ᑕᓐ ᐊ ᐃᑕᔨᑕᑯᓯᔨᒋ᙮ ᑭᔭ ᐸᑐᔅ ᓇᔅᒡ ᒋ ᐃᓯ ᓂᑕᐅᒋᔭᒂ, ᐊᓐ ᐊ ᐃᑕᔨᑕᑯᓯᑦ ᙭ ᐃᑕᔨᑕᑯᓯᔭᒂ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

ᐱᓕᐱᔭᓇ 3:10

ᓇᒪ ᓂ ᐅᒋ ᐊᐱᑕᔨᑎᒥᐃᑯᓐ ᒥᓯᐛ ᐅᔭ ᒐᒂᔪᐛ ᐊᑐᐎᔅ ᒐᒋ ᒋᔅᒐᔨᒥᒃ ᙭, ᒐᒋ ᒋᔅᒐᔨᑎᒧᒡ ᓂᐱᒪᑎᓯᐅᓂᒡ ᐊᓂᔭᔪᐤ ᓱᐧᑲᑎᓯᐅᓂᔪᐤ ᑲ ᐅᓂᔅᑲᓂᑯᑦ ᑲ ᓂᐱᑦ, ᒐᒋ ᓂᓇᐧᑲᑕᔨᒧᔭᓐ ᑭᔭ ᓂᔾ ᑕᓐ ᑲ ᐃᓯ ᓂᓇᐧᑲᑕᔨᒧᑦ ᐎᔾ ᑭᔭ ᒐᒋ ᐱᔅᑎᓂᓱᔭᓐ ᑭᔭ ᓂᔾ ᒐᒋ ᓂᐱᔭᓐ ᒧᔭᒻ ᐎᔾ ᑲ ᐃᓯ ᐱᔅᑎᓂᓱᑦ᙮

ᐱᓕᐱᔭᓇ 3:12

ᓇᒪᐎᔾ ᐊᓐ ᐛ ᐃᔅᒋᔄᔭᓐ ᓴᔅ ᓇᔅᒡ ᐊ ᐃᑕᔨᑕᑯᓯᔭᓐ ᐅ ᑲ ᐃᓯ ᐱᑯᓴᔨᒧᔭᓐ ᒪᒃ ᓇᔅᒡ ᒐᒋ ᐃᑕᔨᑕᑯᓱᐅᒡ ᐊᓂᔭᔪᐤ ᑲ ᐃᓯ ᓂᑐᐛᔨᒥᑦ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐅᒡ᙮ ᒥᒄ ᒪᒃ ᓱᒃ ᓂᑭ ᑯᒋᑕᓐ ᐊᓐ ᒐᒋ ᐃᑕᔨᑕᑯᓯᔭᓐ, ᐛᔅ ᓴᔅ ᓂᑎᐸᔨᒥᒄ ᙭ ᒋᓴᔅ᙮

ᐱᓕᐱᔭᓇ 3:7

ᐊᓂᔭᔪᐛ ᒐᒂᔪᐛ ᑲᒋ ᐃᑕᔨᑎᒪᓐ ᐊ ᐎᒋᐃᑯᔭᓐ ᓴᔅ ᓂᒋ ᐛᐱᓇᓐ᙮ ᐊᑐᐎᔅ ᒐᒋ ᒋᔅᒐᔨᒥᒃ ᒋᓴᔅ᙮

2 ᑎᒧᑎ 4:6

ᓂᔾ ᒪᒃ ᓴᔅ ᐅᑎᒋᐱᔪᐤ ᒐ ᐱᔅᑎᓇᑭᓄᐅᒡ ᓂᐱᒪᑎᓯᐅᓐ ᒋᓴᒪᓂᑐᐤ ᐃᔅ ᐊ ᑕᑦ᙮ ᓴᔅ ᐅᑎᒋᐱᔪᐤ ᒐ ᓂᑭᑎᒪᓐ ᐅ ᐊᔅᒋᔾ᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

1 ᐱᑕᕐ 2:7

ᒋᔨᐛᐤ ᒪᒃ ᑲ ᑕᑈᑎᒪᒄ ᒋᒋᐛ ᒋᑦ ᐃᑕᔨᒪᐛᐤ ᐅ ᐊᓯᓂᔾ᙮ ᐊᑯ ᒪᒃ ᐊᓐᒡ ᐊᑲ ᑕᑈᔭᔨᒪᒡ ᒐ ᐎ ᒋᔅᒋᓯᒡ ᐅᔭ ᑲ ᐃᑎᔅᑕᔨᒡ ᐊᓐᑕ ᒥᓯᓇᐃᑭᓂᒡ ᐅᔭ ᐊᓯᓂᔭ ᐊ ᐊᔨᒧᒪᑭᓄᔨᒋ, ᐊᓂᔭ ᐊᓯᓂᔭ ᑲ ᐊᑐᐛᔨᒪᒡ ᐊᓐᒡ ᑲ ᒥᒋᐛᐱᒐᒡ, ᐊᐅᒄ ᐊᓂᔭ ᒪᐅᒡ ᓂᑲᓐ ᑲ ᐃᑕᔨᑕᑯᓯᔨᒂᓂ᙮

2 ᐱᑕᕐ 1:2

ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ ᒋᑭ ᐎ ᐊᔭᒋᑎᒪᑯᐅᓇᐛᐤ ᐊᓐ ᐅᒋ ᐊ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᒋᓴᔅ ᒋᑎᐸᔨᒋᒐᓯᒥᓄᐤ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 1:8

ᐊᐅᑯᓐ ᒪᒃ ᐅᔭ ᒐᒂᔪᐤ ᐊᔭᔅᒃ ᒋᐸ ᐛᔪᐅᒡ ᐊᔭᓇᐛᐤ ᒋᐱᒪᑎᓯᐅᓄᐛᒡ᙮ ᐛᔅ ᒧᔭᒻ ᑕᑈ ᐛᔪᐅᒡ ᐊᔭᔭᒂ, ᒋᑭ ᐃᑐᑕᑯᓇᐛᐤ ᑕᑈ ᒐᒋ ᐛᔪᐅᒡ ᐊᑐᔅᑯᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒄ ᒋᐱᒪᑎᓯᐅᓄᐛᒡ᙮ ᑭᔭ ᓇᔅᒡ ᑕᑈ ᒋᑭ ᒥᔪ ᐊᑐᔅᑯᐛᐛᐤ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮