ᐱᓕᐱᔭᓇ 2:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒥᓯᐛ ᒋ ᐱᔅᑎᓂᒻ, ᐊᑯ ᒧᔭᒻ ᐊᐱᒋᐊᑭᓐ ᑲ ᐃᑕᐃᓱᑦ᙮ ᐊᑯ ᑭᔭ ᓇᐸᐛ ᐊ ᐃᑕᔨᑕᑯᓯᔨᒋ ᒂ ᐃᑕᔨᑕᑯᓯᑦ᙮

ᐱᓕᐱᔭᓇ 2:7 Iomraidhean Croise

ᑎᐱᑦ ᐅᓂᑭᒧᐅᓇ 22:6

ᒪᒃ ᓂᔾ ᓂ ᒥᓐᑐᓱᐅᓐ; ᐊ ᒥᒪᔭᔨᒥᒡ ᐃᔪᒡ, ᑭᔭ ᐊ ᐊᑐᐛᔨᒥᒡ ᐃᔪᒡ᙮

ᒪᑎᔪᐤ 12:18

ᒪᐅ ᓂᑦ ᐊᐱᒋᐊᑭᓐ ᑲ ᐅᑎᓂᒃ, ᐊᓐ ᑲ ᓴᒋᐊᒃ, ᑭᔭ ᑲ ᓂᓇᐊᔨᑎᒥᐃᑦ᙮ ᓂᑭ ᒥᔭᐤ ᓂᑦ ᐊᒐᒂ ᑭᔭ ᒐ ᐎᑎᒧᐛᑦ ᒥᓯᐛ ᐊᐛᔪᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᒐ ᑎᐸᔅᑯᓇᑭᓄᔨᒋ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:12

ᐊᑯ ᒂ ᐃᓯ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ᓂᓇᐧᑲᑕᔨᒧᑦ ᑭᔭ ᒐ ᐊᑲ ᐅᒋ ᐊᐱᑕᔨᒪᑭᓄᐅᑦ ?

ᓗᒃ 22:27

ᐛᔅ ᐊᓐ ᑲ ᐊᐱᑦ ᐊᓐᑕ ᒥᒋᓱᐛᑭᓇᑎᑯᒡ ᐃᐛᒃ ᐃᔅᐸᔨᑕᑯᓱᐤ ᐃᑕᔨᒪᑭᓄᐤ ᐃᔅᐱᔅ ᐊᓐ ᑲ ᐊᐱᒋᐊᑭᓄᐅᑦ᙮ ᓂᔾ ᒪᒃ ᓂᒋ ᐱᐸᐃᑕᓐ ᐅᑕ ᐊ ᑕᔭᒄ ᒧᔭᒻ ᑕᑈ ᐊᐱᒋᐊᑭᓐ ᐊᒋ ᐱᐸᐃᓯᓇᑯᓯᔭᓐ᙮”

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:3

ᐅᑯᓯᓴ, ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ, ᐊᐅᑯᓐ ᐊᓂᔭᔪᐛ ᐊ ᐊᔨᒧᒪᑭᓄᔨᒋ ᐅᑕ ᒥᔽᒋᒧᐅᓂᒡ᙮ ᑲ ᐱᒪᑎᓯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᐊᓂᔅᒐ ᑲ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:3

ᐛᐛᒡ ᙭ ᓇᒪ ᐅᒋ ᐃᓯ ᐱᒪᑎᓯᐤ ᒥᒄ ᐎᔾ ᒐᒋ ᓇᐊᔨᑎᒥᑎᓱᑦ᙮ ᐃᔭᐱᒡ ᐊᓂᔭ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᐅᑯᓐ ᑲ ᐃᔅᐱᔨᒡ, “ᓂᔾ ᓂᒋ ᒪᔭᔨᒥᑯᒡ ᐊᓐᒡ ᑲ ᒪᔭᔨᒥᔅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:8

ᒋ ᐎᑎᒪᑎᓇᐛᐤ, ᙭ ᒋ ᑎᑯᓯᓄᐤ ᒐᒋ ᐊᑐᔅᑯᐛᑦ ᒍᐤ ᐃᔪᐛ, ᒋ ᐎ ᐛᐸᑎᔨᐛᐤ ᑕᑈ ᒐ ᐃᑐᑎᒥᔨᒋ ᒋᓴᒪᓂᑐᐛ ᐊᓂᔭᔪᐤ ᑕᓐ ᑲ ᐃᑕᔨᒋ ᒋᑦ ᐊᓂᔅᒐ ᐊᓂᔅᑯᑕᐸᓄᐛ ᒐᔅᑎᓇᔅ ᒐ ᐃᑐᑎᒧᐛᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

2 ᑯᕆᓐᑎᔭᓇ 13:4

ᐊᑎ ᐊᑲ ᐅᒋ ᓴᐱᓯᑦ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒋᓴᒪᓂᑐᐛ ᐅᓱᐧᑲᑎᓯᐅᓂᒡ ᐅᒡ ᐱᒪᑎᓯᐤ ᐊᓄᒡ᙮ ᐊᐅᑯᓐ ᒪᒃ ᐊ ᐃᓯᓇᑯᓯᔭᒡ ᑭᔭ ᓂᔭᓐ ᐊ ᐎᒐᐎᒋᒡ ᙭, ᓇᒪ ᓂᓴᐱᓯᓇᓐ᙮ ᒥᒄ ᒪᒃ ᙭ ᓂᑭ ᐱᒪᑎᓯᔅᑐᐛᓇᓐ ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ ᒋᔨᐛᐤ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᐱᓕᐱᔭᓇ 2:6

ᐊᑎ ᒋᓴᒪᓂᑐᐛ ᑲ ᐃᑕᔨᑕᑯᓯᔨᒋ ᐊᒋ ᐃᑕᔨᑕᑯᓯᑦ, ᐃᔭᐱᒡ ᒋ ᐱᔅᑎᓂᒻ ᐊᓂᔭᔪᐤ ᑕᐱᑐᐤ ᐊ ᐃᓯ ᐊᔭᒡ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮