ᐱᓕᐱᔭᓇ 2:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᒪᒃ ᒥᔽᔨᑎᒥᐃᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓴᒋᐃᑐᔭᒄ᙮ ᐸᐃᑯᓄᒡ ᐊ ᐃᑕᔨᑎᒥᐃᑯᔭᒄ ᒐᒂᓐ ᑭᔭ ᐸᐃᑯᓄᒡ ᐊ ᐃᓯ ᐱᑯᓴᔨᒧᔭᒄ᙮

ᐱᓕᐱᔭᓇ 2:2 Iomraidhean Croise

ᑎᐱᑦ ᐅᓂᑭᒧᐅᓇ 122:8

ᓂᐧᑲᓂᓯᒡ ᑭᔭ ᓂᐎᒐᐛᑭᓐᒡ ᐅᒡ, ᐊᓄᒡ ᓂᑭ ᐃᔅᒋᔄᓐ, “ᑭᒪ ᒋᔭᒪᔨᑎᒧᐅᓐ ᐱᒋᔅᑲᑯᔨᓐ᙮”

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

ᐊᑈᔅᑕᓇᒡ 2:1

ᐃᔅᐱ ᒪᒃ ᐊᓐ ᐊ ᒋᓯᑲᒡ ᐸᓐᑎᑯᔅᑦ ᑲ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ᑕᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 2:46

ᐊᓯᑯᒻ ᒋᓯᑲᐛ ᒪᒃ ᒋ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ᒥᔽᔨᑕᒡ ᐅᑕᐃᐛᒡ ᐊ ᒥᔨᑐᒡ ᑕᓐ ᐊ ᐃᓯ ᐊᔭᒡ᙮

ᐊᑈᔅᑕᓇᒡ 5:12

ᒥᒐᑦ ᒪᒥᔅᑲᒡ ᐛᐸᑎᔨᐛᐅᓇ ᒋ ᐛᐸᑎᔨᐛᐅᒡ ᑭᔭ ᒋ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐊᓐᒡ ᐊᑈᔅᑕᓇᒡ ᐊᓐᑕ ᐊᓂᔭᔪᐤ ᐃᔪᐛ ᐊ ᑕᔨᒋ᙮ ᒥᓯᐛ ᒪᒃ ᐊᓐᒡ ᒧᔅ ᑲ ᒪᒧᐊᔭᒥᐊᒡ ᒋ ᒪᒧᐎᐅᒡ ᒪᓐ ᐊᓐᑕ ᓴᓚᒥᓐ ᐅᒋᐱᔎᒻ ᑲ ᐃᓯᓂᐧᑲᑕᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:16

ᒥᓯᐛ ᐊ ᑎᓯᔭᒄ ᓱᒃ ᐎ ᒥᔪ ᐎᒐᐅᑐᒄ᙮ ᐊᑲᐎᔾ ᒋᑭ ᐅᒋ ᒋᔅᑕᔨᒥᑎᓱᓇᐛᐤ᙮ ᐊᑲᐎᔾ ᓇᑲᐎᒄ ᒐᒋ ᐎᒐᐛᑯᒡ ᐊᓐᒡ ᓇᔅᒡ ᐊᑲ ᐊᐱᑕᔨᒥᑯᒡ ᐊᐛᔪᐛ᙮ ᐊᑲᐎᔾ ᒋᑭ ᐅᒋ ᐃᑕᔨᒥᓱᓇᐛᐤ ᓇᔅᒡ ᐊ ᐃᑈᐧᑲᔭᒄ᙮

1 ᑯᕆᓐᑎᔭᓇ 1:10

ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓂᔅᑐᑎᒪᒄ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

2 ᑯᕆᓐᑎᔭᓇ 2:3

ᐊᐅᑯᓐ ᐛᒋ ᒥᓯᓇᐊᒪᑎᑯᒡ ᐊᓐ ᑲ ᒥᓯᓇᐊᒪᑎᑯᒡ᙮ ᓇᒪ ᓂ ᐅᒋ ᓂᑐᐛᔨᑕᓐ ᒐᒋ ᒥᓯᒪᔨᑎᒥᐃᔭᒄ ᓂᑐᐛᐱᒥᑎᑯᒐ, ᐛᔅ ᒋᔨᐛᐤ ᒋᐸ ᒥᔽᔨᑎᒥᐃᓇᐛᐤ᙮ ᓇᔅᒡ ᓂᒋ ᒋᔅᒐᔨᑕᓐ ᒥᔽᔨᑎᒪᓇ ᑭᔭ ᒋᔨᐛᐤ ᒐ ᒥᔽᔨᑎᒪᒄ᙮

2 ᑯᕆᓐᑎᔭᓇ 7:7

ᓇᒪ ᒪᒃ ᒥᒄ ᐊᓐᑕ ᓂ ᐅᒋ ᒥᔽᔨᑎᒥᐃᑯᐅᓇᓐ᙮ ᑲ ᐸᑎᒪᒡ ᑭᔭ ᑕᓐ ᑲ ᐃᓯ ᐛᐎᒋᐊᒄ ᑕᐃᑕᔅ ᐊᐅᒄ ᐅ ᑭᔭ ᑲ ᒥᔽᔨᒧᐃᑯᐅᔭᒡ᙮ ᓂᒋ ᐎᑎᒪᑯᐅᓇᓐ ᓇᔅᒡ ᑕᑈ ᐊ ᐎ ᐛᐱᒥᔭᒡ ᑭᔭ ᑕᓐ ᑲ ᐃᓯ ᒥᑕᒋᔨᐛᔨᑎᒪᒄ᙮ ᒋ ᐊᔨᒧᑎᒻ ᑭᔭ ᑕᓐ ᑲ ᐃᓯ ᒪᒥᑐᓇᔨᒥᔭᒄ᙮ ᐊᑯ ᒪᒃ ᐊᑐᐎᔅ ᑲ ᒥᔽᔨᑎᒪᓐ᙮

ᐱᓕᐱᔭᓇ 1:4

ᑭᔭ ᓇᔅᒡ ᑕᑈ ᓂ ᒥᔽᔨᑕᓐ, ᑕᑥᐤ ᐊ ᐊᔭᒥᐊᔅᑎᒪᑎᑯᒋ᙮

ᐱᓕᐱᔭᓇ 2:16

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐛᐎᑎᒧᐛᑯᒡ ᐊᐛᓐᒋ ᒋᓴᒪᓂᑐᐛ ᐊ ᐱᒪᒋᐃᐛᔨᒋ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᙭ ᒐ ᑎᑯᓯᐧᒃ, ᐊᑯ ᒐ ᒪᒥᒋᐛᐃᔭᓐ᙮ ᐊᑯ ᒐ ᓄᒂᒡ ᐊᑲ ᓴᒐᐃ ᐅᒋ ᐊᑐᔅᒐᔭᓐ᙮

ᐱᓕᐱᔭᓇ 2:20

ᐛᔅ ᓇᒪ ᑕᐤ ᑯᑎᒃ ᐊᐛᓐ ᐅᑕ ᒥᔅᑎ ᐊ ᐃᑕᔨᒥᑕᒄ ᒧᔭᒻ ᓂᔾ ᐊ ᐃᑕᔨᒥᑎᑯᒡ᙮

ᐱᓕᐱᔭᓇ 4:2

ᓂ ᐱᑯᓴᔨᒪᐅᒡ ᐊᓐᒡ ᐃᔎᐅᒡ ᔪᐅᑎᔭ ᑭᔭ ᓯᓐᑎᑭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ ᐊᑲ ᒪᒥᒋᐱᔨᑐᒡ᙮

ᑯᓚᓯᔭᓇ 2:5

ᒧᔅ ᒋ ᒋᔅᒋᓯᑐᑕᑎᓇᐛᐤ ᐊᑎ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓂ ᓯᒋᔭᓯᓐ ᑭᔭ ᐊ ᐛᐸᑎᒪᓐ ᑕᓐ ᐊᔅᐱᔅ ᓱᒃ ᐃᑕᔨᑎᒪᒄ ᒪᒧᐤ ᐊ ᑕᑈᔭᔨᒪᒄ ᙭᙮

2 ᑕᓴᓗᓂᔭᓇ 2:13

ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ᑕᑈᑕᓇᐛᐤ ᑕᑈᐅᓐ᙮

2 ᑎᒧᑎ 1:4

ᓂ ᒋᔅᒋᓯᓐ ᑕᓐ ᑲ ᐃᓯ ᐅᒋᑯᐛᐱᔨᓐ ᒪᔅᑕᔾ ᑲ ᐛᐱᒥᑕᓐ᙮ ᑕᑈ ᓂᐸ ᒥᔽᔨᑕᓐ ᒥᓐ ᐛᐱᒥᑕᓐ ᐛᔅ ᓇᔅᒡ ᒋ ᐎ ᐛᐱᒥᑎᓐ᙮

ᐸᐃᓕᒪᓐ 1:20

ᐊᑯ ᒪᒃ ᐊ ᓴᒋᐃᑦ ᐅᑎᐸᔨᒋᒐᐤ, ᓂᐧᑲᓂᔅ, ᒋ ᐱᑯᓴᔨᒥᑎᓐ ᒐᒋ ᐃᑐᑎᒥᓐ ᐅ ᑲ ᐃᓯ ᑯᒂᒋᒥᑕᓐ ᒐᒋ ᐃᑎᔨᓐ᙮ ᓇᔅᒡ ᒋᑭ ᒥᔽᔨᑎᒥᐃᓐ ᐃᑐᑎᒥᓇ ᑕᓐ ᑲ ᐃᓯ ᑯᒂᒋᒥᑕᓐ᙮

2 ᒠᓐ 1:4

ᓇᔅᒡ ᑕᑈ ᓂᒋ ᒧᒋᒐᔨᑕᓐ ᐃᔅᐱ ᒐᔅᒐᔨᑎᒪᓐ ᐱᔅᒐ ᒋᑦ ᐊᐛᓯᒥᒡ ᑕᑈᐅᓂᒡ ᐊ ᐃᓯ ᐱᒪᑎᓯᒡ ᒧᔭᒻ ᐊᓂᔭ ᑲ ᐃᑎᓱᒥᑕᐧᒄ ᐅᑕᐎᒪᐤ ᒐᒋ ᐃᓯ ᐱᒪᑎᓯᐛᐧᒄ᙮

3 ᒠᓐ 1:4

ᓇᒪ ᑎᑯᓐ ᒐᒂᓐ ᐃᐛᒃ ᒐᒋ ᒥᔽᔨᑎᒥᐃᑯᔭᓐ ᐊ ᐃᑐᑕᑯᔭᓐ ᐊ ᐸᑎᒪᓐ ᓂᑦ ᐊᐛᓯᒥᒡ ᑕᑈ ᐊ ᐱᒪᑎᓯᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮