ᐱᓕᐱᔭᓇ 1:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

ᐱᓕᐱᔭᓇ 1:27 Iomraidhean Croise

ᑎᐱᑦ ᐅᓂᑭᒧᐅᓇ 122:3

ᒋᕈᓯᓕᒻ ᒋ ᐅᓯᑕᑭᓄᐤ ᒧᔭᒻ ᐅᑕᓇᐤ ᑲ ᒪᒧᐛᒡ,

ᑎᐱᑦ ᐅᓂᑭᒧᐅᓇ 133:1

ᐛᐸᑎᒥᒄ, ᐊᔅᐱᔅ ᒥᔽᓯᔨᒡ ᑭᔭ ᒥᔪᓇᑯᓂᔨᒡ ᑲᐎᐧᑲᓂᓯᑕᑐᒡ ᒐᒋ ᐎᒋᒥᑐᒡ ᐊ ᐸᐃᑯ ᒥᑐᓇᔨᒋᑭᓂᒡ᙮

ᒪᑎᔪᐤ 12:25

ᒋᓴᔅ ᒪᒃ ᒋ ᒋᔅᒐᔨᒪᐤ ᑕᓐ ᐊ ᐃᓯ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᐃᔪᒡ ᐅᑕ ᐸᐃᒄ ᐅᑕᓇᒡ ᒪᓯᐧᑲᑐᑥᐛ ᒋᑭ ᓂᓱᐅᓇᒋᐃᑐᐅᒡ᙮ ᒧᔭᒻ ᑕᓐ ᐊ ᐃᓯᓇᒂᒡ ᐸᐃᒄ ᐅᑕᓄᐤ ᐊᐛᓐᒋ ᐊ ᒥᒋᐱᔨᒡ, ᐊ ᑎᐸᓂᐃᑐᒡ, ᐊ ᒥᒋᐱᔨᒡ ᓇᒪ ᒋᑭ ᐅᒋ ᒋᐧᑲᐛᒋᐱᔪᐅᒡ ᑭᔭ ᒋᑭ ᓂᓱᐅᓇᒋᐃᑐᐅᒡ᙮

ᐊᑈᔅᑕᓇᒡ 2:46

ᐊᓯᑯᒻ ᒋᓯᑲᐛ ᒪᒃ ᒋ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ᒥᔽᔨᑕᒡ ᐅᑕᐃᐛᒡ ᐊ ᒥᔨᑐᒡ ᑕᓐ ᐊ ᐃᓯ ᐊᔭᒡ᙮

ᐊᑈᔅᑕᓇᒡ 24:24

ᓇᒪ ᒪᒃ ᓇᐅᔅ, ᐊᑯ ᒥᓐ ᑲ ᑎᑯᓯᐧᒃ ᐊᓐ ᒋᓴᐅᒋᒪᐤ ᐱᓕᑭᔅ, ᐎᐛ ᑐᕈᓯᓚ ᐊ ᐸᒋ ᐎᒐᐛᑦ᙮ ᒍᐤ ᒋ ᐃᑎᔅᑲᓇᓯᔪᐤ ᐊᓂᔭ ᐎᐛ᙮ ᐊᑯ ᐱᓕᑭᔅ ᒂ ᐎᓴᒪᑦ ᐊᓂᔭ ᑈᓚ, ᒂ ᓂᑐᑐᐛᑦ ᐊ ᐊᔨᒧᑎᒥᔨᒋ ᐊ ᑕᑈᔭᔨᒪᑭᓄᔨᒋ ᒋᓴᔅ ᙭ᑕ᙮

ᐊᑈᔅᑕᓇᒡ 4:32

ᐊᑯ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ, ᒋ ᐸᐃᑯ ᒥᑐᓇᔨᑎᒧᒡ ᑭᔭ ᐸᐃᑯᓄᒡ ᒋ ᐃᓯ ᐎᔭᔨᑎᒧᒡ᙮ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᐛᓐ ᒐᒂᔪᐤ ᓇᒪ ᐅᒋ ᐃᑕᔨᑎᒻ ᒥᒄ ᐎᔾ ᐊ ᑎᐱᔨᐛᐅᓯᑦ, ᒥᓯᐛ ᐊᐛᔪᐛ ᒋ ᒪᒧᐤ ᐊᐱᒋᑕᔪᐛ ᑕᓐ ᑲ ᐃᓯ ᐊᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16

ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:9

ᐛᔅ ᒋᓴᒪᓂᑐᐤ ᓂ ᒋᔅᒐᔨᒥᒃ, ᒂ ᐊᑐᔅᑯᐅᒃ ᐊ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐅᑯᓴ ᐊᓐᑕ ᐊ ᐊᔨᒧᒪᑭᓄᔨᒋ ᓂ ᒋᔅᒐᔨᒥᒄ ᐊ ᑕᑈᐅᒡ᙮ ᓂ ᒋᔅᒐᔨᒥᒄ ᒧᔅ ᐊ ᒋᔅᒋᓯᑐᑕᑎᑯᒡ ᒧᔅ ᐊ ᐃᔨᒥᐃᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:8

ᒪᐅ ᐊ ᐃᓯ ᐊᔨᒧᑕᒡ ᑕᑈᑎᒧᐅᓂᒡ ᐊ ᐅᒋ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ, ᒋᓴᒪᓂᑐᐤ ᐅᐱᒪᒋᐃᐛᐤ ᒥᔽᒋᒧᐅᓐ ᒋ ᐸᓱᐛᐱᒥᑯᓇᐛᐤ᙮ ᒋᑭ ᒋ ᐎᑕᓐ ᐊ ᑕᑈᒥᑲᒡ ᑭᔭ ᒋᑭ ᒋ ᐅᑎᓇᓐ ᒋᑕᐃᒡ᙮ ᐊᐅᒄ ᒪᒃ ᐅ ᐊ ᐃᓯ ᐛᐎᑎᒪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:29

ᓂ ᒐᔅᑎᓇᐅᓐ ᒪᒃ ᑎᑯᓯᓂᔭᓇ ᐊᓐᑕ ᐊ ᑕᔭᒄ ᒐ ᐃᑐᑕᑎᑯᒡ ᓇᔅᒡ ᒐᒋ ᓱᐛᔨᒥᑕᒄ ᙭᙮

1 ᑯᕆᓐᑎᔭᓇ 1:10

ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓂᔅᑐᑎᒪᒄ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 9:13

ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐛᐸᑕᒂᐛ ᐊ ᓄᑯᓂᔨᒡ ᑕᑈ ᐊ ᑕᑈᑎᒪᒄ ᑭᔭ ᐊ ᓂᓇᐃᑎᒺᒄ ᒋᓴᔅ ᙭ ᐅᒥᔽᒋᒧᐅᓐ᙮ ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᔅᐱᔅ ᐎᒋᐊᑯᒡ ᑭᔭ ᑕᓐ ᑲ ᐃᔅᐱᔅ ᐎᒋᐃᒪᑯ ᑯᑎᑲ ᐊᐛᔪᐛ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᐃᐱᓯᔭᓇ 1:15

ᓂᒋ ᐸᑕᓐ ᐊ ᑕᑈᔭᔨᒪᒄ ᒋᓴᔅ ᒋᑎᐸᔨᒋᒐᓯᒥᓄᐤ ᑭᔭ ᐊ ᓴᒋᐊᑯᒡ ᒥᓯᐛ ᐊᐛᓐᒋ ᑲ ᑕᑈᑕᒡ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐱᓕᐱᔭᓇ 1:5

ᓂ ᒋᔅᒋᓯᓐ ᑕᓐ ᑲ ᐃᔅᐱᔅ ᐸᒋ ᒥᔪ ᐛᐎᒋᐃᐛᔭᒄ ᐊ ᐛᐎᑎᒧᐅᒂᐤ ᐊᐛᓐᒋ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒪᑭᓄᔨᒋ᙮ ᐊᐅᑯᓐ ᑲ ᐊᑎ ᐛᐎᒋᐃᐛᔭᒄ ᓂᔅᑎᒻ ᑲ ᐸᑎᒪᒄ ᒥᔽᒋᒧᐅᓐ ᐊᔅᒄ ᒪᒃ ᒪᒂᒡ ᐊᓄᒡ ᒋ ᐎᒋᐃᐛᓇᐛᐤ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮

ᐱᓕᐱᔭᓇ 2:24

ᓂᑕᑈᐅᒐᔨᒪᐤ ᐅᑎᐸᔨᒋᒐᐤ ᒐᒋ ᓇᐃᐱᔨᑕᑦ ᑭᔭ ᓂᔾ ᐎᐱᒡ ᒐᒋ ᓂᑐᐛᐱᒥᑎᑯᒡ᙮

ᐱᓕᐱᔭᓇ 3:18

ᐊᑎ ᓴᔅ ᒥᒐᑥᐤ ᐊᒋ ᐎᑎᒪᑎᑯᒡ ᐅ, ᒥᓐ ᒋ ᐎᑎᒪᑎᓇᐛᐤ᙮ ᓄᐅᒋᑯᐛᐱᓐ ᒪᒃ ᐊ ᐎᑎᒪᑎᑯᒡ᙮ ᒥᒐᑦ ᐃᓯ ᐱᒪᑎᓯᐅᒡ ᐊᑲ ᐊᐱᑕᔨᑕᒡ ᐊᓂᔭᔪᐤ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ ᒋᐱᔭᑎᑯᒡ ᐊᒋ ᓂᐸᐊᑭᓄᔨᒋ᙮

ᐱᓕᐱᔭᓇ 3:20

ᒋᔭᓄᐤ ᒪᒃ ᐎ ᒋᒋᒋᓯᑯᒡ ᒋᒋᐛ ᒋ ᐊᑎ ᐃᓯ ᑎᐸᔨᑕᑯᓯᓇᓄᐤ᙮ ᐊᑯᑕ ᐛᒋ ᓂᑐᐤ ᒧᓴᐊᒄ ᒐᒋ ᐅᑐᑕᑦ ᐅᐱᒪᒋᐃᐛᐤ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭᙮

ᐱᓕᐱᔭᓇ 4:1

ᐊᑯ ᒪᒃ ᓂᐧᑲᓂᓯᑐᒄ, ᒋᔨᐛᐤ ᓇᔅᒡ ᑲ ᓴᒋᐃᑎᑯᒡ, ᒧᔅ ᑲ ᒺᔅᑕᑎᑎᑯᒡ᙮ ᓄᐅᒡ ᒋᒥᔽᔨᑎᒥᐃᓇᐛᐤ ᑭᔭ ᒋ ᒪᒥᒋᐃᓇᐛᐤ ᒐᒋ ᑎᐸᒋᒥᑎᑯᒡ᙮ ᐊᐅᒄ ᐅ ᑲ ᐃᓯ ᐊᔨᒧᑎᒪᑎᑯᒡ ᐊ ᓂᑐᐛᔨᒥᑎᑯᒡ ᒐᒋ ᐊᔨᒋᑲᐳᐅᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

ᑯᓚᓯᔭᓇ 1:4

ᐛᔅ ᓂᒋ ᐸᑕᓇᓐ ᑕᓐ ᐊ ᐃᓯ ᑕᑈᔭᔨᒪᒄ ᙭ ᒋᓴᔅ ᑭᔭ ᓂᒋ ᐸᑕᓇᓐ ᑕᓐ ᐊᔅᐱᔅ ᓴᒋᐊᑯᒡ ᒥᓯᐛ ᐊᓐᒡ ᑲ ᑕᑈᑕᒡ᙮

1 ᑕᓴᓗᓂᔭᓇ 3:6

ᐊᑯ ᒪᒃ ᐊᒋ ᐸᒋ ᑎᑯᓯᐧᒃ ᑎᒧᑎ ᐊᓐᑕ ᐊ ᑕᐛᒄ ᐊ ᐅᑐᑕᑦ ᑭᔭ ᐊᒋ ᒥᔪ ᐊᔨᒧᑎᒧᔨᒥᑦ ᒋᑕᑈᑎᒧᐅᓄᐛᔪᐤ ᑭᔭ ᒋᓴᒋᐃᐛᐅᓄᐛᔪᐤ, ᐊᔪᐤ ᓂᒋ ᐎᑎᒪᑯᓇᓐ ᒧᔅ ᐊ ᒥᔪ ᒋᔅᒋᑐᐎᔭᒡ ᑭᔭ ᓇᔅᒡ ᐊ ᐎ ᐛᐱᒥᔭᒡ ᒧᔭᒻ ᓂᔭᓐ ᐛ ᐃᔅᐱᔅ ᐎ ᐛᐱᒥᑕᒡ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 1:19

ᓱᐧᒃ ᒧᓯᓇᐤ ᑕᑈᑕ ᑭᔭ ᓱᐧᒃ ᒧᔅ ᑯᐃᔅᒄ ᐃᑎᔾ ᑭᔭ ᓇᒪ ᒋᑭ ᐅᒋ ᒪᒥᓯᒪᔨᑕᓐ ᐊᑲ ᒥᒋᑐᑎᒥᓇ᙮ ᐛᔅ ᑕᐅᒡ ᐊᓐᒡ ᓇᔅᒡ ᐊᑲ ᐊᔨᒪᔨᑎᒥᐃᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒂ ᐊᑎ ᓂᓱᐅᓇᒋᑕᒡ ᐅᑕᑈᑎᒧᐅᓄᐛᐤ᙮

2 ᑎᒧᑎ 4:7

ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮

ᑕᐃᑕᔅ 2:10

ᒪᒃ ᒐᒋ ᑭᒐᒧᑎᒧᐛᒡ᙮ ᒋᐸ ᓄᑯᑕᐅᒡ ᐊ ᐃᔅᐱᔅ ᒥᔪ ᐊᐱᑎᓯᒡ ᑭᔭ ᐊᔅᐱᔅ ᑯᐃᔅᒄ ᐃᑎᒡ ᑭᔭ ᒐ ᒋᔅᑕᔨᑕᑭᓄᔨᒋ ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᓄᐎᒡ ᒋᓴᒪᓂᑐᐛ ᒋᐱᒪᒋᐃᐛᒥᓄᐛ ᐊ ᐊᔨᒧᒪᑭᓄᔨᒋ᙮

ᐸᐃᓕᒪᓐ 1:5

ᒧᔅ ᓂ ᐸᑕᓐ ᐊᔅᐱᔅ ᓴᒋᐃᑥᐤ ᑲ ᑕᑈᑕᒡ᙮ ᓂ ᐸᑕᓐ ᑭᔭ ᑕᓐ ᐊ ᐃᓯ ᑕᑈᔭᔨᒥᑦ ᒋᑎᐸᔨᒋᒐᓯᒥᓄᐤ ᒋᓴᔅ᙮

ᒋᒥᔅ ᐅᒥᓯᓇᐊᒪᒐᐅᓐ 3:18

ᐅᔭ ᐊ ᐃᓯ ᐱᒪᑎᓯᑦ ᐊᐛᓐ ᐊᔭᐛᐤ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮ ᐎᒋᐊᐤ ᑭᔭ ᑯᑎᑲ ᐊᐛᔪᐛ ᒐᒋ ᑯᐃᔅᑯᑕᑎᓯᔨᒋ ᒐᒋ ᐊᔭᔨᒋ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮