ᐱᓕᐱᔭᓇ 1:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑎᑐᐤ ᒪᒃ ᒐ ᒥᔨᑯᐛᓇ ᒐᒋ ᐱᒪᑎᓯᔭᓐ ᐅᑕ ᐊᔅᒋᒡ, ᐊᑯ ᐊᑎᑐᐤ ᒐ ᒥᔪ ᐊᑐᔅᑯᐅᒃ ᙭ ᐊ ᐛᐎᑎᒪᓐ ᒥᔽᒋᒧᐅᓐ᙮ ᒥᔨᑯᔭᓐ ᒪᒃ ᒐᒋ ᐎᔭᔨᑎᒪᓐ, ᒐᒋ ᓂᐱᔭᓐ ᒪᒃ ᒐᒋ ᐱᒪᑎᓯᔭᓐ ᓇᒪᐎᔾ ᓂ ᒋᔅᒐᔨᑕᓐ ᑕᓐᑕ ᐊᐅᒄ ᓂᐸ ᐃᓯ ᐎᔭᔨᑕᓐ᙮

ᐱᓕᐱᔭᓇ 1:22 Iomraidhean Croise

ᒐᓂᓯᔅ 21:26

ᒥᒄ ᐊᐱᒪᓕᒃ ᒋ ᐃᑕᐤ, “ᓇᒪ ᓂ ᒋᔅᒐᔨᒪᐤ ᐊᐛᓐ ᐅᔭ ᑲ ᐃᑐᑕᐧᒃ ᓇᒪ ᒋ ᐅᒋ ᐎᑎᒧᐅᓐ ᓂᑦ ᐊᐱᒋᐊᑭᓐᒡ ᑲᒋ ᐅᑎᓇᒡ ᐅᔭ ᒧᓇᐃᐸᓂᔪᐤ ᑭᔭ ᐃᔭᒄ ᐅ ᐊᓄᒡ ᐱᔭᑎᒪᓐ᙮”

ᒐᓂᓯᔅ 39:8

ᒥᒄ ᓇᒪ ᐅᒋ ᑕᑈᑐᐛᐤ ᒍᓯᑉ᙮ ᒂ ᐃᑕᑦ, “ᓂᒋ ᒥᔨᒄ ᓄᒋᒪᒻ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᐊ ᐃᔅᐱᔨᒡ ᐅᑕ ᓄᑎᒻ ᐎᒋᒡ᙮ ᓂᒋ ᑕᑈᐅᒐᔨᒥᒄ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᑕᐱᔨᐛᐅᓯᑦ᙮

ᑎᐱᑦ ᐅᓂᑭᒧᐅᓇ 71:18

ᐊᓄᒡ ᑭᔭ, ᐊ ᒋᓴᐃᔪᐎᔭᓐ ᑭᔭ ᐊ ᐛᐱᔅᑎᒂᓇᔭᓐ, ᐊᑲᐎᔾ ᓇᑭᓯ; ᐸᑎᒪ ᒋ ᐛᐸᑎᔨᒂᐛ ᒋᒥᔅᑯᐅᓯᐅᓂᔪᐤ ᐊᓄᒡ ᑲ ᐱᒪᑎᓯᒡ, ᑭᔭ ᒋᑭᔅᒋᐅᓂᔪᐤ ᒥᓯᐛ ᑕᑐᐤ ᐊᐛᓐ ᒐ ᐸᒋ ᓄᑯᓯᑦ᙮

ᐊᒃᓱᑕᔅ 32:1

ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᑈᔅᑕᓇᒡ 3:17

“ᐊᑯ ᒪᒃ ᓂᐧᑲᓂᓯᑐᒄ, ᓂ ᒋᔅᒐᔨᑕᓐ ᒋᔨᐛᐤ ᑭᔭ ᐊᓐᒡ ᑲ ᓂᑲᓂᔅᑲᑕᑯᒡ ᐊᑲ ᐅᒋ ᒋᔅᒐᔨᑎᒪᒄ ᑕᓐ ᐊᓐ ᐊ ᐃᑎᔭᒄ ᐊᓂᔭᔪᐤ ᑲ ᐃᑐᑐᐛᒄ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:2

ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ᐃᔅᒋᔄᐤ,

2 ᑯᕆᓐᑎᔭᓇ 10:3

ᐊᑎ ᐅᑕ ᐊᔅᒋᒡ ᐊ ᑕᔭᐧᒄ ᓇᒪ ᒋ ᐊᑎ ᐃᓯ ᒪᓯᒐᓇᓄᐤ ᐊ ᐃᓯ ᒪᓯᒐᒡ ᐊᐛᓐᒋ ᐅᑕ ᐊᔅᒋᒡ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐱᓕᐱᔭᓇ 1:23

ᑕᐱᔅᑯᓐ ᓂ ᒧᔅᑕᓇᔨᑕᓐ ᐊᓂᔪᐛ᙮ ᓇᔅᒡ ᑕᑈ ᓂ ᐎ ᓂᑭᑕᓐ ᐅ ᐊᔅᒋᔾ, ᒋᓴᔅ ᙭ ᐊ ᑕᑦ ᒐᒋ ᑕᔭᓐ᙮ ᐊᐅᒄ ᐅ ᐅᔅᑕ ᒪᔽᓯᒡ᙮

ᐱᓕᐱᔭᓇ 1:24

ᒥᒄ ᒪᒃ ᒋᔨᐛᐤ ᐅᒋ, ᐅᔅᑕ ᐃᑕᔨᑕᑯᓐ ᒐᒋ ᐱᒪᑎᓯᔭᓐ ᐃᔅᐱᔅ ᐎ ᒐᒋ ᓂᐱᔭᓐ᙮

ᑯᓚᓯᔭᓇ 2:1

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ ᐊᑎ ᐊ ᐊᔨᒥᐅᔭᓐ ᒋᔨᐛᐤ ᐊ ᐎ ᐎᒋᐃᑎᑯᒡ ᑭᔭ ᐊᓐᒡ ᐊᓂᔭ ᐅᑕᓇᔪᐤ ᓚᐅᑎᓯᔭ ᑲ ᐃᓯᓂᐧᑲᑕᔨᒡ ᐊ ᑕᒡ ᑭᔭ ᒥᓯᐛ ᐊᓐᒡ ᑯᑎᑭᒡ ᐊᔅᒄ ᐊᑲ ᒋᔅᒐᔨᒥᒡ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮