ᐸᐃᓕᒪᓐ 1:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑕᐸ ᐊᑯ ᐊᐱᒋᐊᑭᓐ ᒋᑭ ᐅᒋ ᐃᓯ ᑭᓄᐛᐱᒪᑭᓄᐤ᙮ ᐃᐛᒃ ᒋᔅᑕᔨᑕᑯᓱᐤ ᐃᔅᐱᔅ ᐊᐱᒋᐊᑭᓇ᙮ ᒧᔭᒻ ᑎᐱᔨᐛ ᒋᐧᑲᓂᓯᓄᐤ ᒋᑭ ᐃᓯ ᑭᓄᐛᐱᒪᓄᐤ᙮ ᐊᔪᐅᒄ ᐛᔅ ᑭᑈ ᓂᔾ ᐊ ᐃᓯ ᑭᓄᐛᐱᒥᒃ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔾ ᒐ ᐃᓯ ᑭᓄᐛᐱᒥᑦ, ᒧᔭᒻ ᑎᐱᔨᐛ ᒋᐧᑲᓂᔅ ᑭᔭ ᐅᑎᐸᔨᒋᒐᐤ ᐅᑦ ᐊᐱᒋᐊᑭᓇ᙮

ᐸᐃᓕᒪᓐ 1:16 Iomraidhean Croise

ᒪᑎᔪᐤ 23:8

“ᐊᑲᐎᔾ ᒪᒃ ᐎ ᒋᔨᐛᐤ ᓂᑐᐛᔨᑎᒧᒄ ‘ᒋᔅᑯᑎᒪᒐᓱᐤ’ ᒐᒋ ᐃᓯᓂᐧᑲᑎᑯᐅᔭᒄ, ᐛᔅ ᒥᓯᐛ ᒋ ᐎᐧᑲᓂᓯᑕᑐᓇᐛᐤ, ᑭᔭ ᒥᒄ ᐸᐃᑯᓱᐤ ᒋ ᒋᔅᑯᑎᒪᒐᓯᒧᐛᐤ᙮

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

ᑯᓚᓯᔭᓇ 3:22

ᒋᔨᐛᐤ ᐊᐱᒋᐊᑭᓂᑐᒄ ᒧᔅ ᓂᓇᐃᑐᐛᐧᑯᒡ ᒋᐅᒋᒪᒧᐛᐅᒡ ᑕᓐ ᐊ ᐃᑎᑕᑯᒡ᙮ ᐊᑲᐎᔾ ᒥᒄ ᐊ ᓂᓇᑭᑐᐛᔨᒥᑕᑯᒡ ᒋᑭ ᐅᒋ ᓂᓇᐃᑐᐛᐛᐅᒡ ᐊ ᐎ ᓂᓇᐊᔨᑎᒥᐊᑯᒡ᙮ ᒥᒄ ᐊ ᐃᑎᔭᒄ ᒋᐸ ᒥᔪ ᐊᑐᔅᑯᐛᐛᐅᒡ ᐊ ᒋᔅᑕᔨᒪᒄ ᐅᑎᐸᔨᒋᒐᐤ᙮

1 ᑎᒧᑎ 6:2

ᐊᑯ ᒪᒃ ᒋᐅᒋᒪᒧᐛᐅᒡ ᑎᔭᑈᑎᒧᐛᐛᒂ ᐊᑲᐎᔾ ᒋᑭ ᐅᒋ ᐃᑐᑐᐛᐛᐅᒡ ᒐ ᐊᑲ ᒋ ᒋᔅᑕᔨᒪᑯᒡ ᒥᒄ ᐊᓂᔭ ᐊ ᒋᔅᒐᔨᒪᑯᒡ ᐊ ᐎᐧᑲᓂᓯᑐᑐᐛᑯᒡ᙮ ᐃᔭᐱᒡ ᐊᑐᐎᔅ ᒋᐸ ᒥᔪ ᐊᑐᔅᑯᐛᐛᐅᒡ ᒐᒋ ᐎᒋᐊᑯᒡ ᐅᒡ ᒋᐧᑲᓂᓱᐛᐅᒡ ᑲ ᓴᒋᐊᑭᓄᐎᒡ᙮ ᐊᐅᒄ ᒪᒃ ᐅ ᒋᐸ ᐃᓯ ᒋᔅᑯᑎᒪᒐᓇᐛᐤ ᑭᔭ ᒋᐸ ᐃᓯ ᑭᒐᔅᒋᒧᓇᐛᐤ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮