ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᒋᓴᔅ ᒋ ᐊᑎ ᐃᑕᐤ, “ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᐱᑭᔅᑐᐛᐱᓇᑭᓄᐅᑦ ᐊᓐᑕ ᐎᓂᐸᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:42 Iomraidhean Croise

ᒪᑎᔪᐤ 17:27

ᐊᑯ ᒪᒃ ᓇᒪᐎᔾ ᑭᑈ ᓂᑐᐛᔨᑎᑯᓐ ᓂᔾ ᒐᒋ ᐱᔅᑎᓂᒪᓐ ᓱᓇᔭᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐃᔅ᙮ ᒥᒄ ᒪᒃ ᓇᒪ ᒋᑭ ᐅᒋ ᐎ ᒋᔄᐊᓄᐅᒡ ᐊᓐᒡ ᐃᔪᒡ᙮ ᐊᑯᔅ ᒪᒃ ᒋᑭ ᐱᔅᑎᓇᓇᓄᐤ ᓱᓇᔭᐤ᙮ ᓇᓯᐸ ᒪᒃ ᓇᑕ ᒐ ᐱᑭᔅᑐᐛᐊᒥᓐ ᒋ ᑯᔅᑭᓐ᙮ ᐊᓐ ᒪᒃ ᓂᔅᑎᒻ ᓂᒪᔅ ᒐ ᐅᒋᒂᑎᑦ ᒐ ᐅᑎᓂᑦ, ᐊᓐᑕ ᒪᒃ ᐅᑐᓂᒡ ᒋᑭ ᒥᔅᑯᐛᐤ ᓱᓇᔭᐱᔅᒄ, ᒋᑭ ᐃᔅᐱᓴᐤ ᐊᓐᑕ ᑕᐱᔅᑯᓐ ᐊ ᓂᓯᔭᐧᒄ ᑕᓐ ᒋᐸ ᐃᓯ ᐱᔅᑎᓇᓇᓄᐤ ᓱᓇᔭᐤ᙮ ᒐ ᐃᑐᑕᔨᓐ ᓇᑕ ᒋᓴᐊᔭᒥᐊᐅᒋᐛᐱᒡ ᒐ ᐱᔅᑎᓂᒥᓐ ᐊᓐ ᒋᐸ ᐃᔅᐱᔅ ᒋᓯᐧᑲᓱᓇᓄᐤ᙮”

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:6

“ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᓂᔅᑕᐸᐛᑦ ᐊᓐᑕ ᐊ ᒋᔅᑲᑎᒥᔨᒡ ᐎᓂᐸᑯᒡ᙮

ᐊᑈᔅᑕᓇᒡ 9:4

ᒋ ᐸᒋᓯᓄᐤ ᐊᔅᒋᒡ, ᐊᑯ ᒂ ᐸᑐᐛᑦ ᐊᐛᔪᐛ ᐊ ᐃᑎᑯᑦ, “ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:13

ᐊᑯᓐ ᐊᑯ ᐃᔅᐱᔅ ᑎᐸᔅᑯᓂᑐᑕᐤ᙮ ᐃᔭᐱᒡ ᒋᐸ ᐃᓯ ᐎᔭᔨᑕᓇᓄᐤ ᒐ ᐊᑲ ᐅᒋ ᐃᑐᑎᒪᐧᒄ ᒐᒂᓐ ᒐᒋ ᐃᑐᑕᑯᑦ ᒋᐧᑲᓂᓯᓄᐤ ᒐᒋ ᒥᒋᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:21

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᙭ ᐊ ᐊᔨᒧᒪᑭᓄᐅᑦ, ᐊᓐᒡ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᒋᑭ ᐛᐸᑎᒧᒡ, ᐊᑯ ᐊᓐᒡ ᐊᔅᒄ ᐊᑲ ᐅᒋ ᐸᑕᒡ ᒋᑭ ᓂᔅᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

2 ᑯᕆᓐᑎᔭᓇ 6:3

ᓇᒪ ᓂᑐᐛᔨᑕᓇᓐ ᓂᑎᒥᒄ ᒐᒋ ᐃᓯ ᐱᔅᑎᓇᑭᓄᐅᒡ ᑕᓐ ᐊ ᐃᓯ ᐊᑐᔅᑯᐅᒋᒡ ᒋᓴᒪᓂᑐᐤ ᑭᔭ ᓱᒃ ᒂᒋᑕᔭᒡ ᒐ ᐊᑲ ᒋ ᐃᓯ ᐱᒪᑎᓯᔭᒡ ᒐᒋ ᒋᐱᔅᑲᑯᑦ ᐊᐛᓐ ᒐᒋ ᐱᒪᒋᐅᑦ᙮

ᐱᓕᐱᔭᓇ 1:10

ᒋᑦ ᐊᔭᒥᐊᔅᑎᒪᑎᓇᐛᐤ ᒐᒋ ᐊᑎ ᒋᔅᒐᔨᑎᒪᒄ ᑕᓐ ᐊᓐ ᒪᐅᒡ ᐊ ᑯᐃᔅᑯᓇᒂᒡ ᒐᒋ ᐃᓯ ᐱᒪᑎᓯᔭᒄ ᐊᑯ ᒪᒃ ᒥᑐᓐ ᒐ ᐸᔭᒋ ᐱᒪᑎᓯᔭᒄ ᑭᔭ ᓇᒪᐎᔾ ᒥᑐᓐ ᒋᑭ ᐅᒋ ᑎᑯᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᑎᑯᓯᒐ ᒋᓴᔅ ᙭᙮

1 ᑎᒧᑎ 5:14

ᐅᔅᑕ ᒪᒃ ᒥᔽᔪᐤ ᐊᑯᔅ ᒥᓐ ᒐᒋ ᓂᐳᐅᒡ ᐅᒡ ᐃᔎᐅᒡ ᑲ ᐸᐃᑯᓯᒡ ᐊᔅᒄ ᑲ ᐅᔅᒋᐱᒪᑎᓯᒡ, ᑭᔭ ᒐᒋ ᐊᑎ ᐊᔭᐛᒡ ᐊᐛᓴ ᑭᔭ ᒐᒋ ᒥᔪ ᓂᓇᑭᑐᐛᔨᑕᒡ ᐎᒋᐛᐛ᙮ ᐅᔭ ᒪᒃ ᐃᑐᑕᒂᐛ ᓇᒪ ᓂᑎᒥᒄ ᒋᑭ ᐅᒋ ᐃᓯ ᐃᔭᔨᒺᐧᑲᑕᑯᐅᒡ ᐊᐛᔪᐛ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮