ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:25 Iomraidhean Croise

ᒪᑎᔪᐤ 12:22

ᐱᔅᒐ ᐊᐛᓐᒋ ᒋ ᐸᓱᐛᐅᒡ ᓇᐸᐛ ᐊᓐᑕ ᒋᓴᓴ ᐊ ᑕᔨᒋ ᐊᑲ ᐛᐸᑎᒥᔨᒋ ᑭᔭ ᐊᑲ ᐅᒋ ᐃᔨᒥᔨᒋ, ᐊᒋ ᐱᒋᔅᑲᑯᔨᒋ ᒥᒋ ᐊᒐᒂ᙮ ᐊᑯ ᒋᓴᔅ ᑲ ᒥᓏᒋᐊᑦ ᐊᓂᔭ ᓇᐸᐛ, ᐊ ᐊᑲ ᐅᒋ ᓂᑕᐛᔨᒋ ᑭᔭ ᐊ ᐊᑲ ᐅᒋ ᐛᐸᑎᒥᔨᒋ᙮

ᒪᑎᔪᐤ 17:18

ᒋᓴᔅ ᒪᒃ ᒂ ᐃᔨᒪᐊᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᑎᐛᒡ ᒪᒃ ᒋ ᐎᐎᔪᐤ ᐊᓐ ᒥᒋ ᐊᒐᐧᒄ ᐊᑯ ᒂ ᐊᑎ ᒥᓏᑎᓯᑦ ᐊᓐ ᓇᐸᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:15

ᐊᓐᒡ ᒪᒃ ᐃᔪᒡ ᐃᔅᐱ ᐎᔭᐱᒪᒡ ᒋᓴᓴ, ᓇᔅᒡ ᑕᑈ ᒋ ᓯᔅᒋᑯᒋᐃᑯᐅᒡ, ᒂ ᒋᒋᓇᒡ ᒐᒋ ᐛᒋᔭᒪᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:24

ᑎᐛᒡ ᒂ ᐅᒋ ᐊᓯᒂᑦ ᐊᓐ ᐅᑕᐎᒪᐤ, “ᓂ ᑕᑈᑕᓐ ᒥᒄ ᒪᒃ ᓇᒪ ᓇᔅᒡ ᓂ ᑭᓄᐛᔨᑕᓐ ᑕᑈᑎᒧᐅᓐ᙮ ᐎᒋᐃ ᐊᑐᐎᔅ ᒐᒋ ᐊᔭᔭᓐ ᑕᑈᑎᒧᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:26

ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮”

ᓗᒃ 11:14

ᒋ ᑕᐤ ᓇᐸᐤ ᓇᔅᒡ ᐊᒋ ᐃᑐᑕᑯᑦ ᒥᒋ ᐊᒐᐧᒄ ᒐ ᐊᑲ ᒋ ᑭᔅᒋᐅᑦ ᐊ ᐃᔨᒥᑦ᙮ ᐃᔅᐱ ᒪᒃ ᒋᓴᔅ ᑲ ᐎᐎᑎᓴᐛᑦ ᐊᓂᔭ ᒥᒋ ᐊᒐᒂ, ᐊᑯ ᒂ ᐅᒋ ᓂᑕᐛᑦ ᐊᓐ ᓇᐸᐤ᙮ ᐊᑯ ᐊᓐᒡ ᐃᔪᒡ ᓇᔅᒡ ᑕᑈ ᒋ ᒪᒥᔅᑲᑕᔨᑎᒥᐃᑯᐅᒡ ᐅᔭᔪᐤ᙮

ᓗᒃ 4:35

ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮

ᓗᒃ 4:41

ᒥᒐᑦ ᒪᒃ ᐃᔪᒡ ᒋ ᐎᐎᔅᑲᑯᐅᒡ ᒥᒋ ᐊᒐᒂ ᐊ ᐃᓯ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ᒋᔅᒐᔨᒥᑯᐤ ᐎᔾ ᐊ ᐊᐎᑦ ᙭᙮

ᓗᒃ 8:29

ᐊᔪᐅᒄ ᐅᔭ ᑲ ᐃᓯ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ᐃᔅᒋᔄᑯᐱᓇ ᐊᓂᔭ ᒥᒋ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ᑎᐸᔨᒥᑯᑯᐱᓇ ᐊᓂᔭ ᒥᒋ ᐊᒐᒂ᙮ ᒧᔅ ᒪᒃ ᒋ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ᐱᔅᒋᐱᑎᒻ ᒪᓐ ᐊᓂᔭ ᐊᒋ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ᐃᑐᑕᑯᐤ ᒪᒃ ᐊᓂᔭ ᒥᒋ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮

ᓗᒃ 9:42

ᒪᒂᒡ ᒪᒃ ᐊ ᐸᒋ ᓇᑕᑦ ᐊᓂᔭ ᒋᓴᓴ ᐊᓐ ᓇᐸᔅ, ᒥᒋ ᐊᒐᒂ ᓇᔅᒡ ᒋ ᐛᐱᓂᑯᐤ ᐊᑯ ᒂ ᐃᑐᑕᑯᑦ ᒐᒋ ᐅᒋᐱᑎᑯᑦ᙮ ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒂ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᐊᑯᑕ ᒪᒃ ᑲ ᐊᑎ ᒥᓏᑎᓯᑦ ᐊᓐ ᓇᐸᔅ᙮ ᐊᑯ ᒋᓴᔅ ᒂ ᒋᐛᒥᔭᑦ ᐊᓂᔭ ᓇᐸᐛ ᐊᓂᔭᔪᐛ ᐅᑯᓯᔪᐛ᙮

ᐊᑈᔅᑕᓇᒡ 16:18

ᐊᐅᑯᓐ ᑲ ᐃᑎᑦ ᐊᓯᑯᒻ ᒋᓯᑲᐛ, ᑈᓪ ᒐᒃ ᑲ ᐱᒋᔅᑲᒋᒥᑯᑦ, ᐊᑯ ᒂ ᒂᔅᒋᑲᐳᔅᑐᐛᑦ, ᒂ ᐃᑕᑦ ᐊᓂᔭ ᒥᒋ ᐊᒐᒂ, “ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ ᒪᒋ ᐎᐎᔾ ᐊᓐᑕ ᐊ ᑕᑦ !” ᐊᑯ ᐊᓐ ᐊᒐᐧᒄ ᑎᐛᒡ ᒂ ᐎᐎᑦ ᐊᓐᑕ ᐊᓂᔭ ᐃᔎᓴ ᐊ ᑕᔨᒋ ᐅᒡ᙮

ᒍᑦ 1:9

ᓇᒪ ᐛᐛᒡ ᐊᓐ ᑲ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ᐃᑕᐤ, “ᐅᑎᐸᔨᒋᒐᐤ ᒋᑭ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ᐃᑕᑦ ᐃᔅᐱ ᑲ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮