Biblia Todo Logo
Bìoball air-loidhne

- Sanasan -




ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

38 ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

Faic an caibideil Dèan lethbhreac




ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38
44 Iomraidhean Croise  

ᐊᑯ ᒋᓴᔅ ᐊᑕᑦ, “ᐊᓄᒡ ᐊᐛᓐᒋ ᑲ ᐱᒪᑎᓯᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᐱᓯᒂᑎᓯᐅᒡ᙮ ᑲ ᑯᒂᒋᒐᒧᔭᒄ ᒐᒋ ᐛᐸᑎᔨᑯᐅᔭᒄ ᒪᒥᔅᑲᒡ ᐛᐸᑎᔨᐛᐅᓐ, ᓇᒪ ᒋᑭ ᐅᒋ ᐛᐸᑎᔨᑯᐅᓇᐛᐤ᙮ ᒥᒄ ᐊᓂᔭᔪᐛ ᑕᓐ ᑲ ᐃᓯ ᒪᒥᔅᑲᒡ ᐃᔅᐱᔨᑦ ᐊᓂᔭ ᐅᒋᔅᒋᐛᐃᒐᓱᐤ ᒍᓇ ᐊᐅᒄ ᒥᒄ ᐊᓐ ᒐ ᐛᐸᑎᔨᑯᐅᔭᒄ᙮


ᐃᔪᐤ ᐅᑯᓯᓴᓐ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᒥᒋᐱᒪᑎᓯᔨᒋ᙮


ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮


ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”


ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮


“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮


“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮


ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”


ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”


“ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮


ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”


ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᐧᒃ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ᙮


“ᐊᑯ ᐊᓐ ᐅᒋᒪᐤ ᒂ ᐃᔅᒋᔄᑦ, ‘ᒋᑦ ᐃᑎᓇᐛᐤ ᒪᒃ ᓂᔾ, ᒥᓯᐛ ᐊᐛᓐ ᑲ ᐅᓯᑕᑦ ᒐᒂᔪᐤ ᐊᑐᐎᔅ ᒋᑭ ᑎᑯᓂᔪᐤ ᒐ ᐃᓯ ᒥᔭᑭᓄᐅᑦ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᑲ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ᐊᐱᓯᔅ ᐊᔭᑦ ᒋᑭ ᐅᑎᓇᑭᓄᐅᔪᐤ᙮


ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ᒋᔅᑕᔨᑕᑯᓯᔨᒋ᙮


ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮


ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”


ᐊᑯ ᐊᓐᒡ ᐊᐛᓐᒋ ᑲ ᑕᒡ ᐊᓐᑕ ᒋ ᐃᓯ ᐎᑎᒧᐊᐅᒡ ᐊ ᐃᑕᒡ, “ᓂ ᐎᑎᒪᑯᐅᓇᓐ ᐊᓐᑕ ᓂᐎᓱᐛᐅᓇᒡ ᙭ ᑲᒋᒡ ᒐ ᐱᒪᑎᓯᑦ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ, ᐃᔪᐤ ᐅᑯᓯᓴᓐ ᒐ ᓂᐸᐊᑭᓄᐅᑦ ? ᐊᐛᓐ ᐊᓐ ᐃᔪᐤ ᐅᑯᓯᓴᓐ ᑲ ᐃᓯᓂᐧᑲᑕᑭᓄᐅᑦ ?”


ᒋ ᒥᔭᐤ ᑭᔭ ᐅᑯᓯᓯᒪᐛ ᑎᐸᔨᒋᒐᐅᓂᔪᐤ ᒐᒋ ᑎᐸᔅᑯᓂᒐᔨᒋ ᐛᔅ ᐎᔾ ᐊᐅᒄ ᐃᔪᐤ ᐅᑯᓯᓴᓐ᙮”


ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”


ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮


ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮


ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮


ᓇᔅᒡ ᒪᒃ ᒥᓐ ᔅᒋ ᐎ ᐛᐱᒥᑎᓇᐛᐤ ᐛᔅ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᒐᒋ ᐊᔭᔭᒡ ᐊᔅᐸᔨᒧᐅᓐ᙮ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᐛᒋ ᒧᒋᒐᔨᑎᒪᒡ᙮ ᑭᔭ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᓇᔅᒡ ᒐᒋ ᒐᔅᑎᓇᑕᔨᒧᔭᒡ ᒐᒋ ᐊᔨᒧᑎᒪᒡ ᑕᓐ ᑲ ᐃᓯ ᐸᒋ ᒥᔪ ᐊᐱᑎᓯᔭᒡ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ᙮


ᐊᑯᑕ ᒐ ᐅᒋ ᒥᔅᑯᓯᔨᑕᒄ ᑭᔭ ᑯᐃᔅᒄ ᒐ ᐃᓯ ᐱᒪᑎᓯᔭᒄ ᑭᔭ ᒐ ᐸᔭᒋ ᐱᒪᑎᓯᔭᒄ ᐃᔅᐱ ᐅᑎᔅᑯᑲᐳᔅᑎᐛᒂ ᒋᓴᒪᓂᑐᐤ ᒍᑕᐎᓄᐤ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᙭ ᐊ ᐸᒋ ᐎᒐᐛᑦ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ᙮


ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮


ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮


ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮


ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮


ᐊᓂᔭ ᒪᒃ ᒧᓱᔅ ᐊᒋ ᑕᑈᑕᐧᒃ, ᒋ ᐃᑕᔨᑎᒻ ᐊᔪᐛᒃ ᐊ ᒥᔽᔨᒡ ᒐᒋ ᒪᔭᔨᒪᑭᓄᐅᑦ ᐊᓂᔭ ᐅᒋ ᐊ ᒋᔅᒐᔨᒪᑦ ᐊᓂᔭ ᙭ᑕ ᒐ ᑎᑯᓯᓂᔨᒋ ᐃᔅᐱᔅ ᐎ ᒐᒋ ᐊᔭᑦ ᐛᔪᑎᓯᐅᓂᔪᐤ ᐊᓐᑕ ᐃᒋᑉᑎᒡ᙮ ᓴᔅ ᒋ ᐊᔭᔅᑯᐛᔨᑎᒻ ᒐᒋ ᐱᔅᑎᓇᐧᒃ ᒥᓯᐛ ᐊᓂᔭ ᐛᔅ ᐊᓐᑕ ᓂᑲᓄᒡ ᒋ ᐃᓯ ᐊᓱᐛᐸᑎᒻ ᐊᓂᔭ ᒐᒂᔪᐤ ᒐ ᒥᔨᑯᑦ ᒋᓴᒪᓂᑐᐛ ᐊ ᑎᐸᐊᒪᑯᑦ᙮


ᐊᑯ ᒪᒃ ᐎᐎᑕᐤ ᐊᓐᑕ ᐅᑕᓇᒡ ᒐ ᓂᑐᐛᐱᒪᐧᒄ ᒋᓴᔅ ᑭᔭ ᒋᔭᓄᐤ ᒐᒋ ᒧᓯᑕᐛᐧᒄ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮


ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮


ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮


ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮


ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮


Lean sinn:

Sanasan


Sanasan