ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᑯ ᒋᓴᔅ ᒂ ᒋᒋᐱᔨᑦ ᐊ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᓂᑐᐛᔨᑕᑯᓂᔪᐤ ᐃᔪᐤ ᐅᑯᓯᓴᓐ ᒐᒋ ᒥᔅᑎ ᐎᓯᒐᔨᑎᒥᐊᑭᓄᐅᑦ ᑭᔭ ᓇᒪ ᒋᑭ ᐅᒋ ᐊᐱᑕᔨᒥᑯᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮ ᒋᑭ ᓂᐸᐊᑭᓄᐤ, ᒥᒄ ᒪᒃ ᐃᔅᐱ ᓂᔅᑐ ᒋᓯᑲᐛ ᐅᑎᒋᐱᔨᒐ ᒋᑭ ᐅᓂᐤ ᓂᐳᐅᓂᒡ ᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:31 Iomraidhean Croise

ᑎᐱᑦ ᐅᓂᑭᒧᐅᓇ 118:22

ᐊᓐ ᐊᓯᓂᔾ ᑲ ᐊᑐᐛᔨᒥᑯᑦ ᑲᒪᓂᒐᓯᔨᒋ ᓴᔅ ᓂᑲᓐ ᐊᐳᐤ ᐊ ᒋᒐᔭᔨᒡ᙮

ᒪᑎᔪᐤ 12:40

ᒧᔭᒻ ᒍᓇ ᑲ ᐃᔅᐱᔅ ᑕᑦ ᐊᓐᑕ ᒥᔅᑎ ᓂᒪᓴ ᐎᑕᔨᒡ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ, ᐊᐅᑯᓐ ᑭᔭ ᐃᔪᐤ ᐅᑯᓯᓴᓐ ᒐ ᐃᔅᐱᔅ ᒋ ᓇᐃᐧᑯᐛᑭᓄᐅᑦ ᐊᓐᑕ ᐃᔅ ᐊᔅᒋᒡ᙮

ᒪᑎᔪᐤ 21:42

ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮ ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”

ᒪᑎᔪᐤ 27:63

ᐊᑯ ᒂ ᐃᑕᒡ, “ᐅᒋᒪᐤ, ᓂ ᒋᔅᒋᓯᓇᓐ ᐊᔅᒄ ᐊᒋ ᐱᒪᑎᓯᑦ ᐊᓐ ᑲ ᑭᑭᒋᔭᑦ ᐊᒋ ᐃᔅᒋᔄᑦ, ‘ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᓂᑯᐅᔭᓐ ᓂᐳᐅᓂᒡ ᐅᒡ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:10

ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮

ᓗᒃ 17:25

ᒥᒄ ᒪᒃ ᐊᔅᒄ ᐊᑲ ᐅᑎᒋᐱᔨᒐ ᐅ ᐊᓐᒡ ᐊᐛᓐᒋ ᒪᒂᒡ ᐊᓄᒡ ᑲ ᐱᒪᑎᓯᒡ ᓇᔅᒡ ᓂᑭ ᐎᓯᒐᔨᑎᒥᐃᑯᒡ ᑭᔭ ᓂᑭ ᐊᑐᐛᔨᒥᑯᒡ᙮”

ᓗᒃ 24:26

ᑕᑈ ᐊᐅᑯᓐ ᑲ ᐃᓯ ᓂᑐᐛᔨᑕᒂᒡ ᒐᒋ ᐃᔅᐱᔨᒡ, ᐊᐅᒄ ᐅ ᙭ ᒐᒋ ᐎᓯᒐᔨᑎᒧᒂ ᑭᔭ ᐊᓐᑕ ᒐᒋ ᐅᒋ ᒋᔅᑕᔨᑕᑯᓯᑦ᙮”

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 12:48

ᐊᓐ ᐊᐛᓐ ᔭᑐᐛᔨᒥᒂ, ᑭᔭ ᐊᑲ ᓂᓇᐃᑎᒧᒂ ᓂᒥᔽᒋᒧᐅᓂᔪᐤ, ᒋᑭ ᑎᐸᔅᑯᓇᑭᓄᐤ᙮ ᐊᓂᔭ ᐅᒋ ᑕᓐ ᑲ ᐃᔅᒋᔄᔭᓐ ᐊᔪᐅᒄ ᐊᓂᔭ ᒐ ᐅᒋ ᑎᐸᔅᑯᓇᑭᓄᐅᑦ ᒪᔅᑕᔾ ᒋᓯᑲᔨᒐ᙮

ᒠᓐ 2:19

ᐊᑯ ᒋᓴᔅ ᒂ ᐃᓯ ᐎᑎᒧᐛᑦ, “ᓂᓱᐅᓇᒋᑕᒄ ᐅ ᒋᓴᐊᔭᒥᐊᐅᒋᐛᑉ, ᓂᔅᑐ ᒋᓯᑲᐛ ᒪᒃ ᐃᔅᐱᔅ ᒥᓐ ᑯᑎᒡ ᓂᑭ ᐎᔨᑲᐳᐅᑕᓐ᙮”

ᐊᑈᔅᑕᓇᒡ 7:35

“ᒋ ᐊᑐᐛᔨᒪᐅᒡ ᒪᒃ ᐃᔅᕋᐃᓪ ᐃᔪᒡ ᐅᔭ ᒧᓱᓴ ᐊᒋ ᐃᑕᒡ, ‘ᐊᐛᓐ ᑲ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ᙮’ ᐊᐅᒄ ᒪᒃ ᐅᔭ ᐃᔭᐱᒡ ᑲ ᐃᑎᓴᐛᑦ ᒋᓴᒪᓂᑐᐤ ᒐᒋ ᐅᒋᒪᒥᒡ ᑭᔭ ᒐᒋ ᐎᐧᑯᒋᐃᑯᒡ᙮ ᒋᓴᒪᓂᑐᐤ ᒋ ᐃᔨᒪᐊᐤ ᒧᓱᓴ ᐊᓂᔭ ᐊᓐᒋᓇ ᐊᒋ ᐊᐱᒋᐊᑦ ᐊᓐᑕ ᐅᒋ ᑲ ᐱᔅᑯᑲᐳᐃᔨᒋ ᓂᐱᓯᔭᑎᒂ ᑲ ᐃᔎᑕᔨᒡ᙮”

1 ᑯᕆᓐᑎᔭᓇ 15:4

ᐎᑎᒪᒐᒥᑭᓐ ᐅ ᒥᔽᒋᒧᐅᓐ ᐊᒋ ᓇᐅᔅᑕᑭᓄᐎᒡ ᙭ ᐎᔪᐤ᙮ ᐃᔅᐱ ᒪᒃ ᑲ ᓂᔅᑐ ᒋᓯᑲᔨᒡ ᐊᑯ ᑲ ᐅᓂᔅᑲᓇᑭᓄᐅᑦ ᑲᐤ ᒐᒋ ᐱᒪᑎᓯᑦ᙮ ᐊᐅᒄ ᐅ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮