ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒪᒃ ᒐ ᐱᓯᒂᑎᓯᑦ, ᒪᒃ ᒐᒋ ᒧᔅᑕᓂᒧᐛᑦ ᐊᐛᔪᐛ ᒐᒂᔪᐤ ᐊ ᐃᓯ ᐊᔭᔨᒋ, ᒪᒃ ᒐᒋ ᒥᒋᑥᑦ, ᒪᒃ ᒐᒋ ᐎᔭᓯᐃᐛᑦ, ᒪᒃ ᒐᒋ ᐎᓂᓱᐛᑎᓯᑦ, ᒪᒃ ᒐᒋ ᐅᑕᔨᑕᐧᒃ, ᑭᔭ ᒐᒋ ᒥᒋ ᐊᔨᒧᒪᑦ ᐊᐛᔪᐛ, ᒪᒃ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᑭᔭ ᒐᒋ ᒋᔎᐤ ᐱᒪᑎᓯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:22 Iomraidhean Croise

ᑎᐱᑦ ᐅᓂᑭᒧᐅᓇ 10:4

ᐅᒥᒋᑥᐤ, ᐊ ᒋᔅᑕᔨᒧᓇᑯᓯᑦ, ᓇᒪᐎᔾ ᓇᓂᑐᐛᔨᒪᐤ ᒋᓴᒪᓂᑐᐛ: ᒋᓴᒪᓂᑐᐛ ᓇᒪᐎᔾ ᓇᔅᒡ ᑕᔪᐛ ᐅᒥᑐᓇᐃᒋᑭᓂᒡ᙮

ᑎᐱᑦ ᐅᓂᑭᒧᐅᓇ 119:36

ᐃᑎᔅᑕ ᓂᑕᐃ ᒋᑎᐸᒋᒧᐅᓂᒡ ᐃᓯ, ᐊᑲ ᒪᒃ ᒧᔅᑕᓇᒪᒐᐅᓂᒡ ᐃᓯ᙮

ᒪᑎᔪᐤ 20:15

ᓇᒪᐎᔾ ᐊ ᒋ ᒋᔅᒐᔨᑕᓐ ᒥᒄ ᐛ ᐃᑐᑎᒪᓐ ᓂᓱᓇᔭᓂᒻ ᓂᑭ ᑐᑕᓐ ? ᓇᒪᐎᔾ ᒋ ᓇᐊᔨᑎᒥᐃᑎᓐ ᐊ ᐊ ᒥᔪᑥᔭᓐ ?”

ᒪᑎᔪᐤ 6:23

ᐊᑯ ᒪᒃ ᒥᔭᔭᑎᓄᒂᓂ ᒋᔅᒋᓯᒂ, ᒥᓯᐛ ᒋᔪᐤ ᓇᔅᒡ ᒋᑭ ᓴᑭᔅᒋᓇᐤ ᐅᑲᔅᑕᔭᐅᓐ᙮ ᒧᔭᒻ ᒪᒃ ᐊᓐ ᐛᔅᑕᐅᓐ ᑲ ᐱᒋᔅᑲᑯᔨᓐ ᐊ ᐅᑲᔅᑕᔭᐅᓂᒂ, ᑕᑈ ᑭᑈ ᓄᐛᒡ ᐅᑲᔅᑕᔭᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:21

“ᐛᔅ ᐊᓐᑕ ᐅᑕᐃᒡ ᐊᑯᑕ ᐊᐛᓐ ᓇᔅᒡ ᓂᑎᒥᒄ ᒐᒋ ᐃᑕᔨᑕᐧᒃ ᑭᔭ ᓂᑎᒥᒄ ᒐᒋ ᐃᑎᑦ, ᒪᒃ ᒐᒋ ᑭᒐᒧᑎᑦ, ᒐᒋ ᓂᐸᐃᐛᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:23

ᒥᓯᐛ ᒪᒃ ᐅᔭ ᐊ ᐃᓯ ᒥᒋᑐᑕᐧᒃ ᐊᐛᓐ ᐱᒡ ᐊᓐᑕ ᐊ ᑕᑦ ᐅᒋᐱᔪᐤ, ᐊᔪᐅᒄ ᒪᒃ ᐅᔭ ᒪᒋᓇᑯᐃᑯᑦ᙮”

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

1 ᐱᑕᕐ 2:15

ᐛᔅ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᓇᔅᒡ ᒐᒋ ᒥᔪᓇᒂᒋ ᒋᐱᒪᑎᓯᐅᓄᐛᐛ ᐊᑲ ᓇᔅᒡ ᓂᑎᒥᒄ ᒐᒋ ᐃᓯ ᐊᔨᒧᑕᒡ ᒥᔽᒋᒧᐅᓂᔪᐤ ᐊᓐᒡ ᐊᑲ ᒋᔅᒐᔨᑕᒡ ᑕᓐ ᐊ ᐃᓯ ᒋᔎᐤ ᐃᔨᒥᒡ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮