ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᓇᔅᒡ ᒋ ᒋᐧᑲᔭᐱᒪᐅᒡ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭ ᐊᑲ ᐅᒋ ᑲᓯᑎᒐᔨᒋ ᐊᔅᒄ ᐊᑲ ᒥᒋᓱᔨᒋ᙮ ᐊᒋ ᒪᒃ ᐃᑎᓱᐛᔨᒋ ᐸᕆᓯᐊ ᒐᒋ ᑲᓯᑎᒐᔨᒋ ᐊᐛᔪᐛ ᐊᔅᒄ ᐊᑲ ᒥᒋᓱᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:2 Iomraidhean Croise

ᒪᑎᔪᐤ 15:2

“ᑕᓐ ᐊ ᐃᑎᒡ ᐊᓐᒡ ᒋᒋᔅᒋᓄᐊᒧᐛᑭᓐᒡ ᐛᒋ ᐊᑲ ᓂᓇᐃᑕᒡ ᐊᓂᔭ ᐃᑐᐅᓂᔪᐤ ᐊᓂᔭᐧᑲ ᒍᑕᐎᓄᐅᒡ ᑲ ᐊᓱᐤ ᒥᔨᑕᐧᑯᒡ ? ᐛᔅ ᓇᒪ ᐃᑐᑎᒧᒡ ᐎᔨᐛᐤ ᒐᒋ ᒋᔅᑕᐸᐅᑕᒡ ᐅᑎᒋᐛᐛ ᐊᔅᒄ ᐊ ᐊᑲ ᒥᒋᓱᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:5

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᑯᒂᒋᒪᒡ ᒋᓴᓴ ᐊ ᐃᑕᒡ, “ᐅᒡ ᒪ ᒋᒋᔅᒋᓄᐊᒧᐛᑭᓐᒡ, ᒐᒂᔪᐤ ᐛᒋ ᐊᑲ ᐃᑐᑕᒡ ᑕᓐ ᑲ ᐃᓯ ᐸᒋ ᐊᓱᐤ ᓂᓇᑭᑐᐛᔨᑕᒡ ᒍᑕᐎᓄᐅᒡ ᒐᒋ ᐃᓯ ᓂᓇᑭᑐᐛᔨᑕᑭᓄᔨᒋ᙮ ᒥᒄ ᐃᓯ ᒥᒋᓱᐅᒡ ᐊᑲ ᐛᐛᒡ ᐃᑐᑕᒡ ᐊᓂᔭ ᒋᐸ ᐃᑐᐅᒡ ᐊ ᒋᔅᑕᐸᐅᑕᒡ ᐅᑎᒋᐛᐛ ?”

ᓗᒃ 11:38

ᒋ ᒥᔅᑲᑕᔨᑎᒻ ᐊᓐ ᐸᕆᓯ ᐊᑲ ᐅᒋ ᑲᓯᑎᒐᔨᒋ ᒋᓴᓴ ᐊᔅᒄ ᐊᑲ ᒥᒋᓱᔨᒋ᙮ ᐛᔅ ᐊᐅᑯᓐ ᑲᒋ ᐃᑎᓇᓄᐎᒡ ᒪᓐ᙮

ᐊᑈᔅᑕᓇᒡ 10:28

ᐊᑯ ᒂ ᐃᑕᑦ ᐊᓂᔭᔪᐛ ᐃᔪᐛ, “ᒋᑭ ᐊᔨᒧᑎᒪᑎᓇᐛᐤ ᒐᒂᓐ᙮ ᒋ ᒥᔪ ᒋᔅᒐᔨᑕᓇᐛᐤ ᐊᓐᑕ ᒍᐤ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊᑎᔅᑕᒡ ᐊᐛᓐ ᐊ ᒍᐎᐃᔪᑦ ᒐ ᐊᑲ ᒋ ᒧᐱᔅᑐᐛᑦ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑭᔭ ᒐ ᐊᑲ ᒋ ᐎᒐᐛᑭᓂᑐᐛᑦ᙮ ᒋᓴᒪᓂᑐᐤ ᒪᒃ ᓂᒋ ᐛᐸᑎᔨᒄ ᒐ ᐊᑲ ᒋ ᐊᑐᐛᔨᒥᒃ ᐊᐛᓐ, ᒐᒋ ᐃᑕᔨᒥᒃ ᐊᑲ ᐸᔭᒋᓯᑦ ᒪᒃ ᐊ ᒥᒋᓯᑦ ᒐᒋ ᐃᑕᔨᒪᒃ᙮

ᐊᑈᔅᑕᓇᒡ 11:8

“ᓂᒋ ᐃᔅᒋᔄᓐ ᒪᒃ, ‘ᓇᒪ ᓂᑭ ᐅᒋ ᐃᑐᑕᓐ ᐅ ᐅᑎᐸᔨᒋᒐᐤ, ᓇᒪ ᓂᑕ ᓂ ᐅᒋ ᒥᒋᓐ ᒐᒂᓐ ᐊ ᐎᓇᒡ ᐊ ᐃᑕᔨᑕᒂᒡ ᒍᐤ ᐎᓱᐛᐅᓂᒡ ᑲ ᐎᑕᒂᒡ ᐊᑲ ᓂᑕ ᒋᐸ ᐅᒋ ᒥᒋᓇᓄᐤ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:14

ᐊ ᐎᒐᐛᐧᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋ ᒋᔅᒐᔨᑎᒪᐧᒄ ᒥᓯᐛ ᐊ ᐃᓯᓇᒂᒡ ᒥᒋᒻ ᒐᒋ ᒥᒋᒄ᙮ ᒥᒄ ᒪᒃ ᒧᔭᒻ ᐊ ᑎᑯᓂᒂ ᐊᐛᓐ ᒐᒂᔪᐤ ᐊ ᐃᑕᔨᑕᐧᒃ ᐊᑲ ᒋᐸ ᐅᒋ ᓇᐊᔨᑎᒥᐃᑯᔪᐛ ᒋᓴᒪᓂᑐᐛ ᐊ ᒥᒋᑦ ᒪᒃ ᐊ ᒥᓐᑦ ᓇᒪᐎᔾ ᑭᑈ ᒋᐸ ᐅᒋ ᒥᒍᐤ ᑭᔭ ᓇᒪ ᒋᐸ ᐅᒋ ᒥᓄᐤ ᐊᓂᔭ ᒐᒂᔪᐤ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮