ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐛᔅ ᑕᐸ ᐅᑕᐃᒡ ᐱᒋᐱᔪᐤ ᐊᓂᔭ ᒥᒋᒥᔪᐤ ᐊᓐᑕ ᐅᔅᑭᑕᒡ ᐊᑯᑕ ᐊ ᐃᔅᐱᔨᒡ ᑭᔭ ᐛᐎᐱᔨᑕᑦ᙮” ᐅᔭ ᑲ ᐃᔅᒋᔄᑦ ᒋᓴᔅ ᒋ ᐎᑎᒻ ᒥᓯᐛ ᐊ ᐃᓯᓇᑯᓂᔨᒡ ᒥᒋᒥᔪᐤ ᐊ ᐸᔭᐧᑭᓂᔨᒡ ᒐᒋ ᒥᒋᓇᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:19 Iomraidhean Croise

ᒪᑎᔪᐤ 15:17

ᓇᒪ ᒋ ᓂᔅᑐᑕᓇᐛᐤ ᐊ, ᒥᓯᐛ ᐊᐛᓐ ᑕᓐ ᐊ ᐃᓯ ᐱᑕᐊᐧᒃ ᐅᑐᓂᒡ, ᒥᔅᑭᑕᒡ ᐃᔅᐱᔪᐤ, ᑭᔭ ᐊ ᐊᑎ ᐎᐎᐱᔨᑕᑦ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:18

ᒋᓴᔅ ᒪᒃ ᒋ ᐃᔅᒋᔄᐤ, “ᓇᒪᐎᔾ ᐊ ᒋ ᓂᔅᑐᑕᓇᐛᐤ ᑭᔭ ᒋᔨᐛᐤ ? ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑕᐸ ᓇᒪᔭᔪᐤ ᒥᒋᒥᔪᐤ ᑲ ᐃᑐᑕᑯᑦ ᐊᐛᓐ ᐛᒋ ᒥᒋᑐᑕᐧᒃ ?

ᓗᒃ 11:41

ᒂᔅᑲᑎᓯᒄ, ᐳᓂᒄ ᐊᓐ ᐊ ᐃᑎᔭᒄ ᒥᒄ ᒋᔨᐛᐤ ᐊ ᐎ ᐊᔭᔭᒄ ᒐᒂᓐ᙮ ᒥᔭᐧᑯᒡ ᐊᓐᒡ ᑲ ᒋᔅᑎᒪᑎᓯᒡ ᑕᓐ ᐊ ᐃᓯ ᓂᑐᐛᔨᑕᒡ᙮ ᐊᑯ ᒪᒃ ᒐ ᐸᔭᒋᓇᒂᒋ ᒋᐱᒪᑎᓯᐅᓄᐛᐤ᙮”

ᐊᑈᔅᑕᓇᒡ 10:15

ᐊᑯ ᒥᓐ ᒂ ᐸᑐᐛᑦ ᐊᐛᔪᐛ ᐊ ᐃᑎᑯᑦ, “ᐊᑲᐎᔾ ᐃᔅᒋᔄ ‘ᐊ ᐎᓇᒡ’ ᐊᓂᔭ ᒋᓴᒪᓂᑐᐤ ᐊᒋ ᐃᔅᒋᔄᑦ ‘ᐊ ᐸᔭᐧᑭᓂᔨᒡ᙮’ ”

ᐊᑈᔅᑕᓇᒡ 11:9

“ᐊᑯ ᒥᓐ ᒂ ᐅᒋ ᐸᑕᒂᒡ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ᐃᔅᒋᔄᑦ ᐊᐛᓐ, ‘ᐊᑲᐎᔾ ᐃᔅᒋᔄ ᐊ ᐎᓇᒡ ᐊᓂᔭ ᒋᓴᒪᓂᑐᐤ ᐊᒋ ᐃᔅᒋᔄᑦ ᐊ ᐸᔭᐧᑭᓂᔨᒡ᙮’

1 ᑯᕆᓐᑎᔭᓇ 6:13

ᓂᑭ ᒋ ᐃᑎᒄ ᐊᐛᓐ, “ᒋ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ᐊᑐᔅᑯᐛᐧᒄ ᒋᐸ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮

ᑯᓚᓯᔭᓇ 2:16

ᐊᑲᐎᔾ ᐅᒋ ᓂᑐᑐᐤ ᐊᐛᓐ ᐊ ᐎ ᐎᑎᒪᔅᒃ ᒐᒂᔪᐤ ᒐᒋ ᒥᒋᐅᑦ ᒪᒃ ᒐᒂᔪᐤ ᒐᒋ ᒥᓄᐅᑦ ᐊ ᐃᔅᒋᔄᑦ ᐊᔪᐅᒄ ᐅᔭ ᒐ ᓇᐊᔨᑎᒥᐃᑯᔨᒋ ᒋᓴᒪᓂᑐᐛ᙮ ᐊᑲᐎᔾ ᐅᒋ ᓂᑐᑐᐛᐧᑯᒡ ᐊᐛᓐᒋ ᐊ ᐃᔅᒋᔄᒡ ᔭᐃᑕᔾ ᒐᒋ ᓂᓇᑭᑐᐛᔨᑎᒺᒄ ᐊᓂᔭ ᓂᓇᐧᑯᐤ ᐊ ᒋᓯᑲᔨᒋ ᐊᓐᑕ ᑲᒋ ᒥᑯᓴᓄᐅᒡ, ᑭᔭ ᐊᓐᑕ ᐊᓯᑯᒻ ᐱᓯᒺ ᑲᒋ ᒥᔽᔨᑕᑭᓄᐅᒡ ᐊ ᐅᔅᒋᑦ ᑎᐱᔅᑲᐤ ᐱᓯᒻ᙮ ᐊᑲᐎᔾ ᓂᑐᑐᐛᐧᑯᒡ ᐊᓐᒡ ᒪᒪᒡ ᑲ ᐃᑎᓱᒥᑕᑯᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮