ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐃᔅᐱ ᒋᓴᔅ ᑲᐸᑦ ᐊᓂᔭ ᐅᐤᑎᔪᐤ ᒋ ᐛᐱᒪᐤ ᐊᓂᔭ ᐃᔪᐛ ᐊ ᒥᒐᑎᔨᒋ᙮ ᓇᔅᒡ ᒪᒃ ᒋ ᒧᓯᑕᐤ ᐊ ᒋᔅᑎᒪᒐᔨᒪᑦ ᒧᔭᒻ ᒪᔭᑕᓂᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᓂᓇᑭᑐᐛᔨᒥᑯᒡ ᐊ ᐃᓯᓇᑯᓯᒡ᙮ ᐊᑯ ᒂ ᒋᔅᑯᑎᒧᐛᑦ ᒥᒐᑦ ᒐᒂᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:34 Iomraidhean Croise

ᒪᑎᔪᐤ 14:14

ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 15:32

ᐊᑯ ᒋᓴᔅ ᒂ ᐎᓴᒪᑦ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᓇᔅᒡ ᐊ ᒋᔅᑎᒪᒐᔨᒥᒂᐤ ᐅᒡ ᐃᔪᒡ, ᓴᔅ ᓂᔅᑐ ᒋᓯᑲᐛ ᑕᐅᒡ ᐅᑕ ᐊ ᑕᐅᒡ, ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮ ᓇᒪ ᑭᔭ ᓂ ᐎ ᒋᑎᓴᐛᐅᒡ ᐊ ᓯᐛᔨᒡ, ᒂᔄᓐ ᒋᑭ ᐊᑎ ᓄᑕᐧᑭᑕᐅᒡ ᒪᒂᒡ ᐊ ᐱᒧᑕᒡ᙮”

ᒪᑎᔪᐤ 9:36

ᐃᔅᐱ ᒪᒃ ᐎᔭᐱᒪᑦ ᐊᓂᔭ ᒥᒐᑦ ᐃᔪᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐛᔅ ᓇᔅᒡ ᐊ ᒥᑯᔅᑲᑕᔨᑎᒥᐊᑭᓄᔨᒋ ᑭᔭ ᐊᑲ ᐊᔭᔨᒋ ᐊᔅᐸᔨᒧᐅᓂᔪᐤ, ᒧᔭᒻ ᒪᔭᑕᓂᓯᒡ ᐊ ᐃᓯᓇᑯᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᑭᓄᐛᔨᒥᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:33

ᒥᒐᑦ ᒪᒃ ᐊᐛᔪᐛ ᒋ ᐛᐱᒥᑯᐅᒡ ᑭᔭ ᑎᐛᒡ ᒋ ᓂᔅᑐᓇᑯᐅᒡ ᑲ ᐛᐱᒥᑯᒡ᙮ ᓂᓇᐧᑯᐤ ᒪᒃ ᐅᑕᓇᒡ ᒋ ᐅᒋᐸᔨᑐᐅᒡ ᐊ ᐎ ᐅᑎᑕᒡ ᐊᓐᑕ ᑲ ᐎ ᐃᔅᒋᒪᔨᒋ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓂᔪᐛ᙮ ᐊᓐᒡ ᒪᒃ ᐃᔪᒡ ᒋ ᐎ ᐊᑎᔅᑯᐛᐅᒡ ᓇᑕ ᒐ ᓇᑎᑭᒪᒥᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:35

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ᓇᑕᐅᒡ ᒋᓴᓴ ᐊᑯ ᒂ ᐃᑕᒡ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐅ ᑲ ᐃᑕᔭᐧᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:1

ᓇᒪ ᓇᐅᔅ ᐊᓐᑕ ᐃᔅ ᐊᑯ ᒥᓐ ᒥᒐᑦ ᐊᐛᓐᒋ ᒂ ᐸᒋ ᒪᒧᐎᒡ᙮ ᐃᔅᐱ ᒪᒃ ᐊᑲ ᑎᑯᓂᔨᒡ ᒐᒂᔪᐤ ᒐ ᒥᒋᒡ ᒋᓴᔅ ᒋ ᐎᓴᒪᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:2

“ᓂ ᒋᔅᑎᒪᒐᔨᒪᐅᒡ ᐅᒡ ᐃᔪᒡ᙮ ᓴᔅ ᓂᔅᑐ ᒋᓯᑲᐛ ᑲ ᐃᔅᐱᔅ ᑕᒡ ᐅᑕ ᐊ ᑕᐅᒡ ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮

ᓗᒃ 9:11

ᐃᔅᐱ ᒪᒃ ᒥᒐᑦ ᐊᐛᓐᒋ ᑲ ᐸᑕᒡ ᐊᒋ ᔅᑐᑕᔨᒋ ᐊᑯ ᒂ ᓄᓱᔅᑯᐛᒡ᙮ ᒋᓴᔅ ᒪᒃ ᒋ ᒥᔽᔨᑎᒻ ᐊ ᑎᑯᓯᓂᔨᒋ᙮ ᒋ ᐛᐎᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᑕᔨᑕᑯᓂᔨᒡ ᑭᔭ ᒋ ᒥᓏᒋᐊᐤ ᐊᓂᔭᔪᐛ ᐊᐛᔪᐛ ᑲ ᓂᑐᐛᔨᑎᒥᔨᒋ ᒐᒋ ᒥᓏᒋᐊᑭᓄᔨᒋ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮