ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3 Iomraidhean Croise

ᒪᑎᔪᐤ 11:6

ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᐊᑐᐛᔨᒥᒂ᙮” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᒠᓇ ᐅᒋᔅᒋᓄᐊᒧᐛᑭᓂᔪᐛ᙮

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:40

ᒋ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:18

ᐊᑯ ᒥᓐ ᐅᔭ ᐛᑎᓇᑦ, ᐊᓐᑎᕈ, ᐱᓕᑉ, ᐸᕐᑥᓚᒥᔪ, ᒪᑎᔪᐤ, ᑥᒥᔅ, ᑭᔭ ᒋᒥᔅ᙮ ᐅ ᒪᒃ ᒋᒥᔅ, ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔭ᙮ ᑕᑎᔭᔅ ᒋ ᐃᓯᓂᐧᑲᓱᐤ ᒥᓐ ᑲ ᐅᑎᓇᑭᓄᐅᑦ, ᐊᑯ ᒥᓐ ᑯᑎᒃ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ,

ᓗᒃ 2:34

ᐊᑯ ᐊᓐ ᒋᓴᐃᔪᐤ ᓯᒥᐅᓐ ᒥᓯᐛ ᑲ ᓱᐛᔨᒪᑦ, ᐊᑯ ᒂ ᐃᑕᑦ ᐊᓂᔭ ᒪᕆᔨᒋ, ᒋᓴᓴ ᐅᑲᐎᔪᐛ, “ᐅ ᐊᐛᔅ ᒋ ᐅᑎᓂᑯᐤ ᒋᓴᒪᓂᑐᐛ, ᒋᑭ ᐃᑐᑐᐛᐤ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᐸᒋᓯᓂᔨᒋ, ᐊᑯ ᐊᓂᔭᔪᐛ ᑲ ᑕᑈᔭᔨᒥᑯᑦ ᒋᑭ ᐅᐱᑲᐳᐛᐤ᙮ ᐅ ᐊᐛᔅ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᐅᐱᒪᒋᐃᑯᓯᐅᓂᔪᐤ, ᒥᒄ ᒪᒃ ᒥᒐᑦ ᐊᐛᔪᐛ ᒋᑭ ᓂᔅᑯᔅᑕᑯᐤ᙮

ᓗᒃ 7:23

ᓱᐛᔨᑕᑯᓱᐤ ᐊᓐ ᐊᐛᓐ ᒐ ᐊᑲ ᐊᑐᐛᔨᒥᒂ᙮”

ᓗᒃ 8:20

ᒐᒃ ᒪᒃ ᒂ ᐃᑎᑯᑦ ᐊᐛᔪᐛ ᒋᓴᔅ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ᐛᐱᒥᔅᒡ᙮”

ᒠᓐ 14:22

ᒍᑎᔅ, ᓇᒪᔭᐤ ᐊᓐ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᐃᑕᐤ, “ᐅᑎᐸᔨᒋᒐᐤ, ᒐᒂᓐ ᐛᒋ ᐎ ᐃᑐᑐᐅᔭᒡ ᓂᔭᓐ ᒐᒋ ᒥᔪ ᒋᔅᒐᔨᒥᑕᒡ, ᐊᑲ ᒪᒃ ᐎ ᐃᑐᑐᐅᑥᐤ ᑯᑎᑭᒡ ᐊᐛᓐᒋ ᒐᒋ ᒥᔪ ᒋᔅᒐᔨᒥᔅᒡ ?”

ᒠᓐ 6:42

ᐊᑯ ᒂ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ᐃᔅᒋᔄᑦ ᒋᒋᒋᓯᑯᒡ ᐊ ᐅᒋᑦ ?”

ᐊᑈᔅᑕᓇᒡ 1:13

ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ ᒋ ᐱᒐᐅᒡ ᐊᓂᔭᔪᐤ ᒥᒋᐛᐱᔪᐤ ᒐ ᑕᒡ᙮ ᒋ ᑎᑯᓂᔪᐤ ᐊ ᐱᔅᒋᒐᔭᔨᒡ ᐃᔅᐱᒥᑎᑯᒡ ᐊᓂᔭᔪᐤ ᒥᒋᐛᐱᔪᐤ᙮ ᐊᑯᑕ ᑲ ᐃᓯ ᑯᔅᐸᑐᐛᒡ᙮ ᐊᐅᑯᓐᒡ ᐅᒡ ᑲ ᑕᒡ, ᐱᑕᕐ, ᒠᓐ, ᒋᒥᔅ, ᐊᓐᑎᕈ, ᐱᓕᑉ, ᑥᒥᔅ, ᐸᕐᑥᓚᒥᔪ, ᒪᑎᔪᐤ, ᒋᒥᔅ ᐊᓪᐱᔭᔅ ᐅᑯᓯᓴ, ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ, ᒋᒥᔅ ᐅᑯᓯᓴ᙮

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

1 ᑯᕆᓐᑎᔭᓇ 1:23

ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 9:4

ᓇᒪᐎᔾ ᐊ ᒪᒃ ᐃᓯᓇᑯᓐ ᑭᔭ ᓂᔭᓐ ᒐᒋ ᐊᓯᒥᑯᐅᔭᒡ ᑭᔭ ᒐᒋ ᒥᓂᐃᑯᐅᔭᒡ ᐊᓐ ᐊ ᐃᑕᐱᑎᓯᔭᒡ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮

1 ᐱᑕᕐ 2:4

ᐸᒋ ᓇᑎᒄ ᒪᒃ ᐅᑎᐸᔨᒋᒐᐤ ᒋᓴᔅ, ᐊᓐ ᑲ ᐱᒪᑎᓯᑦ ᐊᓯᓂᔾ ᑲ ᐃᓯᓂᐧᑲᑕᑭᓄᐅᑦ᙮ ᒋ ᐊᑐᐛᔨᒥᑯᐤ ᐊᐛᔪᐛ ᐅᑕ ᐊᔅᒋᒡ, ᒥᒄ ᒪᒃ ᒋᓴᒪᓂᑐᐛ ᒋ ᐅᑎᓂᑯᐤ ᐎᔾ ᓇᔅᒡ ᒐᒋ ᒋᔅᑕᔨᑕᑯᓯᑦ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮