ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᒋᓴᔅ ᒪᒃ ᒋ ᐃᑎᓱᒪᐤ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᑕᓐ ᑲ ᐃᔅᐱᔨᒡ᙮ ᐊᑯ ᒂ ᐃᑕᑦ ᒐᒋ ᒥᔭᑭᓄᔨᒋ ᐊᓂᔭ ᐃᔎᓴ ᒐᒂᔪᐤ ᒐᒋ ᒥᒋᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:43 Iomraidhean Croise

ᒪᑎᔪᐤ 17:9

ᒪᒂᒡ ᒪᒃ ᐊ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ᐃᑎᑯᐅᒡ ᔭᐃᑕᔾ ᒐ ᐊᑲ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ᐛᐸᑕᒡ ᐸᑐᔅ ᒋ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮

ᒪᑎᔪᐤ 8:4

ᐊᑯ ᒋᓴᔅ ᐊᑕᑦ, “ᐊᑲᐎᔾ ᐊᐛᓐ ᒋᑭ ᐅᒋ ᐎᑎᒧᐛᐤ ᑕᓐ ᑲ ᐃᔅᐱᔨᓐ, ᔅᑐᑕ ᒪᒃ, ᑎᐛᒡ ᓂᑐᐛᐱᒻ ᐊᔭᒥᐊᐅᒋᒪᐤ ᓇᔅᒡ ᒐ ᓇᓂᑐ ᒋᔅᒐᔨᒥᔅᒃ᙮ ᐊᑯ ᒐ ᐱᔅᑎᓂᒥᓐ ᐊᓐ ᒥᔨᐛᐅᓐ ᒋᐸ ᐱᔅᑎᓇᓐ ᐊᓂᔭ ᒧᓱᔅ ᑲ ᐃᑎᓱᐛᑦ ᒋᐸ ᐱᔅᑎᓇᑭᓄᐅᔪᐤ᙮ ᐊᑯᑕ ᒐ ᐅᒋ ᐛᐸᑎᔨᐛᔨᓐ ᑕᑈ ᐊᑯ ᐊ ᒥᓏᑎᓯᔨᓐ᙮”

ᒪᑎᔪᐤ 9:30

ᒋ ᒥᓏᒋᐊᑭᓄᐅᒡ ᒪᒃ ᐊᑯ ᒂ ᐛᐸᑕᒡ᙮ ᐊᑯ ᒋᓴᔅ ᐊᑎᓱᒪᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:43

ᐊᑯ ᒋᓴᔅ ᒂ ᐃᑕᑦ ᐊᓂᔭ ᓇᐸᐛ ᓱᒃ ᐊ ᐃᔨᒪᐊᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:12

ᒋᓴᔅ ᒪᒃ ᓱᒃ ᒋ ᐃᔨᒪᐊᐤ ᐊ ᐃᑕᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ ᐊᐛᓐ ᐊ ᐊᐎᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:42

ᑎᐛᒡ ᒪᒃ ᒋ ᐅᓂᐤ ᐊᓐ ᐃᔎᔅ ᑲ ᐊᑎ ᐱᐸᒧᑕᑦ᙮ ᓴᓯᑲᓐ ᒋ ᓂᓱᓴᐳᓇᓯᒐ ᐅ ᐃᔎᔅ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ᑕᒡ ᓇᔅᒡ ᒋ ᒥᔅᑲᑕᔨᑎᒥᐃᑯᐅᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:36

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐃᔪᐛ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ ᐊᒋ ᐃᔅᐱᔨᒡ᙮ ᒥᒄ ᒪᒃ ᐊᑎᓱᐧᒄ ᐊᒋ ᒋᑕᐊᒧᐛᑦ, ᐊᑐᐎᔅ ᒋ ᐱᐸᒪᒋᒧᔪᐛ ᐊ ᐛᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:9

ᐊᓂᔭ ᒪᒃ ᐊ ᐊᑎ ᓂᑎᒋᐛᒡ ᐱᔅᑯᑎᓇᔪᐤ ᒋᓴᓴ ᒋ ᐃᑎᓱᒥᑯᐅᒡ, “ᐊᑲᐎᔾ ᐊᐛᓐ ᐅᒋ ᐎᑎᒧᐛᐧᒄ ᐅ ᑲ ᐃᔅᐱᔨᒡ ᐸᑐᔅ ᒋ ᐅᓂᔅᑲᒐ ᐃᔪᐤ ᐅᑯᓯᓴᓐ ᓂᐳᐅᓂᒡ ᐅᒡ᙮”

ᓗᒃ 24:30

ᐃᔅᐱ ᒪᒃ ᐛᒋᒥᒋᓱᒪᑦ ᒋ ᐅᑎᓇᐤ ᐸᒂᓯᑭᓇ, ᒋ ᓂᓇᔅᑯᒧᐤ ᑭᔭ ᒋ ᐸᒂᓇᐤ ᐊᑯ ᒂ ᒪᑎᓂᒧᐛᑦ᙮

ᓗᒃ 5:14

ᒋᓴᔅ ᒪᒃ ᒋ ᐃᑎᓱᒪᐤ ᐊ ᐃᑕᑦ, “ᐊᑲᐎᔾ ᐎᑎᒧᐤ ᐊᐛᓐ ᑕᓐ ᑲ ᐃᔅᐱᔨᓐ᙮ ᒪᒋ, ᓄᑯᐃᓱᐤ ᐊᓄᒡ ᒍᐤ ᐊᔭᒥᐊᐅᒋᒪᐤ ᐊ ᑕᑦ ᒐ ᐛᐱᒥᔅᒃ ᐊᒋ ᒥᓏᒋᐃᑯᔨᓐ᙮ ᑭᔭ ᒐ ᐱᔅᑎᓂᒐᔨᓐ ᐊᓐ ᒐᒂᓐ ᐊᓂᔭ ᒧᓱᔅ ᑲ ᐃᑎᓱᐛᑦ ᒐ ᐱᔅᑎᓂᑲᓄᐎᒡ᙮ ᐅ ᒪᒃ ᐃᑎᔨᓇ ᒥᓯᐛ ᐊᐛᓐ ᒋᑭ ᒋᔅᒐᔨᑎᒻ ᑕᑈ ᓇᔅᒡ ᐊᒋ ᐸᔭᒋᐃᑯᔨᓐ᙮”

ᓗᒃ 8:56

ᐊᓂᔭ ᒪᒃ ᐅᓂᒋᐃᑯᔪᐛ ᓇᔅᒡ ᒋ ᑯᔅᑯᐱᔪᐛ᙮ ᐊᑯ ᒂ ᐃᑎᑯᒡ ᒋᓴᓴ ᒐ ᐊᑲ ᒋ ᐎᑎᒧᐛᒡ ᐊᐛᔪᐛ ᑕᓐ ᑲ ᐃᔅᐱᔨᒡ᙮

ᒠᓐ 5:41

“ᓇᒪ ᓂ ᐃᑐᑕᓐ ᒐᒂᓐ ᓇᐸᐤ ᒐᒋ ᐅᒋ ᐸᒋ ᒋᔅᑕᔨᒥᑦ᙮

ᐊᑈᔅᑕᓇᒡ 10:41

ᓇᒪᐎᔾ ᑭᑈ ᒥᓯᐛ ᐊᐛᔪᐛ ᐅᒋ ᓄᑯᓯᔅᑐᐛᐤ ᒋᓴᔅ, ᒥᒄ ᐊᓂᔭ ᐊᐛᔪᐛ ᒋᓴᒪᓂᑐᐛ ᑲ ᐅᑎᓂᑯᔨᒋ ᒐᒋ ᑎᐸᒋᒥᑯᑦ᙮ ᑭᔭ ᓂᒋ ᐎᒋ ᒥᒋᓱᒪᓇᓐ ᑲᒋ ᐅᓂᔅᑲᑦ ᓂᐳᐅᓂᒡ ᐅᒋ᙮