ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋ ᓂᑐᑎᒧᐛᐤ ᒋᓴᓴ ᐊ ᐃᑕᑦ, “ᓴᔅ ᒐᑲᑦ ᓂᐳᐤ ᓂᑕᓂᔅ᙮ ᒋ ᐎᓴᒥᑎᓐ ᒐᒋ ᐸᒋ ᓴᒥᓂᑦ ᒐᒋ ᒥᓏᑎᓯᑦ ᑭᔭ ᓇᒪ ᒋᑭ ᐅᒋ ᓂᐳᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:23 Iomraidhean Croise

ᑎᐱᑦ ᐅᓂᑭᒧᐅᓇ 107:19

ᐊᑯ ᒥᔭᑐᐛᒡ ᑎᐸᔨᒋᒐᓱᐛ ᐊ ᐊᔨᒥᓯᒡ, ᐎᐧᑯᒋᐃᑯᐅᒡ ᒪᒃ ᐅᓇᓇᐧᑲᑕᔨᒧᐅᓄᐛᒡ ᐅᒡ᙮

ᑎᐱᑦ ᐅᓂᑭᒧᐅᓇ 50:15

ᓇᓂᑐᒥ ᒪᒃ ᐊᔨᒥᓱᐤ ᒋᓯᑲᒐ: ᒋᑭ ᐎᐧᑯᒋᐃᑎᓐ, ᐊᑯ ᒐ ᒋᔅᑕᒋᒥᔨᓐ᙮”

ᒪᑎᔪᐤ 8:3

ᒋᓴᔅ ᒪᒃ ᒋ ᓱᐅᓂᔅᒐᔪᐤ, ᒋ ᑕᒋᓇᐤ ᐊ ᐃᑕᑦ, “ᒋ ᐎ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓐ ᓇᐸᐤ ᐊᓂᔭ ᑲ ᐃᑕᐧᑯᓯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:18

ᐅᑎᓇᑥᐛ ᒋᓇᐱᒂ, ᒪᒃ ᒥᓂᑥᐛ ᒐᒂᔪᐤ ᐊ ᒥᒋᓂᑐᐧᑯᓄᐎᒡ ᓇᒪ ᒋᑭ ᐅᒋ ᐎᔭᔅᑐᑕᑯᐅᒡ᙮ ᑲ ᐊᐧᑯᓯᔨᒋ ᐊᐛᔪᐛ ᒋᑭ ᓴᒥᓇᐅᒡ ᑭᔭ ᒐ ᒥᓏᑎᓯᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:24

ᒋᓴᔅ ᒪᒃ ᒋ ᐎᒐᐛᐤ ᐅᔭ ᓇᐸᐛ᙮ ᒥᒐᑦ ᐊᐛᔪᐛ ᒋ ᐎᒐᐅᑯᐤ ᐊ ᓯᓯᑐᐅᔅᑲᑯᑦ ᐊ ᐃᔅᐱᔅ ᒥᒐᑎᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:13

ᒋ ᐎᐎᑎᓴᐛᐅᒡ ᒥᒋ ᐊᒐᒂ ᑲ ᐱᒋᔅᑯᐛᔨᒋ ᐊᐛᔪᐛ ᑭᔭ ᒋ ᑐᒥᓇᐅᒡ ᒥᒐᑦ ᐊᐛᔪᐛ ᑲ ᐊᐧᑯᓯᔨᒋ, ᒋ ᒥᓏᑎᓯᔪᐛ ᒪᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:32

ᐊᑯᑕ ᒪᒃ ᐊᓐᑕ ᑲ ᑕᔨᒋ ᐊᐛᔪᐛ ᐊ ᐸᑥᑯᑦ ᓇᐸᐛ ᐊᑲ ᐸᑎᒥᔨᒋ ᑭᔭ ᐊᑲ ᓂᑕᐛᔨᒋ᙮ ᓱᒃ ᒪᒃ ᒋ ᐎ ᐊᔨᐧᑭᒥᐊᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:23

ᐊᑯ ᒋᓴᔅ ᒂ ᐅᑎᓂᒺᑦ ᐅᑎᒋᔪᐤ ᐊᓂᔭᔪᐛ ᓇᐸᐛ ᐊᑯ ᒂ ᐎᐎᑕᐊᑦ ᐊᓐᑕ ᐊᓂᔭ ᐅᑕᓇᔪᐤ᙮ ᐃᔅᐱ ᒪᒃ ᑲ ᓯᔅᑎᒂᑎᒺᑦ ᐅᔅᒋᓯᑯᔪᐛ ᒋ ᑕᒋᓇᐤ ᐊᑯ ᒂ ᐃᑕᑦ, “ᒋ ᐛᐸᑕᓐ ᐊ ᒐᒂᓐ ?”

ᓗᒃ 13:13

ᒂ ᑕᒋᓇᑦ᙮ ᑎᐛᒡ ᒪᒃ ᒋ ᐅᒋ ᑯᐃᔅᑯᑲᐳᐤ ᐊᓐ ᐃᔎᐤ ᐊ ᒪᒥᒋᒪᑦ ᒋᓴᒪᓂᑐᐛ᙮

ᓗᒃ 4:38

ᒋᓴᔅ ᒂ ᐎᐎᑦ ᐊᓂᔭ ᐊᔭᒥᐊᐅᒋᐛᐱᔪᐤ, ᐊᑯ ᐊᓐᑕ ᓴᐃᒥᓐ ᐱᑕᕋ ᐎᒋᔨᒡ ᒂ ᐃᑐᑕᑦ᙮ ᓴᐃᒥᓐ ᐱᑕᕐ ᒪᒃ ᐅᓯᑯᓴ ᒋ ᐊᐧᑯᓯᔪᐛ ᑲ ᒋᓯᑕᐅᐱᐃᓇᓄᐎᒡ ᐊᒋ ᐊᔭᔨᒋ᙮ ᒋ ᓂᑐᑎᒧᐛᐅᒡ ᒋᓴᓴ ᒐᒋ ᒥᓏᒋᐊᔨᒋ᙮

ᓗᒃ 4:40

ᐃᔅᐱ ᒪᒃ ᑲ ᐸᒋᓯᒧᔨᒋ ᐱᓯᒺ, ᐊᐛᓐᒋ ᒋ ᐸᑐᐛᐅᒡ ᒋᓴᓴ ᒥᓯᐛ ᐊᐛᔪᐛ ᐊ ᐊᐧᑯᓯᔨᒋ, ᓂᓇᐧᑯᐤ ᐊ ᐃᑕᔅᐱᓇᔨᒋ᙮ ᒋᓴᔅ ᒪᒃ ᒋ ᓴᒥᓇᐤ ᒥᓯᐛ ᐊᓂᔭ ᑲ ᐊᐧᑯᓯᔨᒋ, ᒂ ᒥᓏᒋᐊᑦ᙮

ᓗᒃ 7:12

ᐃᔅᐱ ᑲ ᐅᑎᑕᒡ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ ᒋ ᓂᒋᔅᑯᐛᐅᒡ ᐃᔪᐛ ᐊ ᐅᒋ ᐱᒧᑕᐊᔨᒋ ᐊᒋ ᐳᓂᐱᒪᑎᓯᔨᒋ ᓇᐸᐛ, ᒐ ᓇᐅᔅᑕᒡ᙮ ᐅᑲᐎᔭ ᒪᒃ ᐊᓂᔭ ᓇᐸᐤ ᒋ ᐸᐃᑯᓯᔪᐛ᙮ ᐊᐅᒄ ᒪᒃ ᐊᓂᔭ ᒥᒄ ᑲ ᐸᐃᑯᓯᑯᐱᓇᓂ ᐅᑯᓴ ᐊᓐ ᐃᔎᐤ᙮ ᒋ ᒥᒐᑎᔪᐛ ᒪᒃ ᐊᐛᔪᐛ ᐊᒋ ᐎᒐᐅᑯᑦ ᐊ ᐱᒥᓯᒪᑭᓄᔨᒋ ᐊᓂᔭ ᐅᑯᓴ᙮

ᒠᓐ 11:3

ᓚᓴᕋᔅ ᒪᒃ ᐎᐧᑲᓂᓴ ᒋ ᓂᑐᐛᔨᑎᒥᔪᐛ ᒐᒋ ᐎᑎᒧᐛᑭᓄᔨᒋ ᒋᓴᓴ ᐊ ᐊᐧᑯᓯᔨᒋ ᐊᓂᔭᔪᐛ ᐅᐎᒐᐛᑭᓇ ᑲ ᓴᒋᐊᑦ᙮

ᐊᑈᔅᑕᓇᒡ 28:8

ᐅ ᒪᒃ ᐳᐱᓕᔭᔅ ᐅᑕᐎᔭ ᒋ ᐊᐧᑯᓯᔪᐛ, ᐊ ᒋᓯᑕᐅᐱᔨᒋ ᑭᔭ ᐊ ᓱᐎᒂᔨᒡ ᐊ ᒥᓯᔨᒋ᙮ ᐊᑯ ᑈᓪ ᒂ ᐱᒐᐛᑦ ᐊᓐᑕ ᑲᐃᐱᓇᓄᐅᒡ, ᒂ ᑕᒋᓇᑦ ᐊ ᐊᔭᒥᐊᔅᑎᒧᐛᑦ, ᒂ ᒥᓏᒋᐊᑦ᙮

ᐊᑈᔅᑕᓇᒡ 6:6

ᐊᑯ ᒪᒃ ᐊᓐᒡ ᑲ ᑕᑈᑕᒡ ᒂ ᐃᑐᑕᐊᒡ ᐊᓂᔭᔪᐛ ᑲ ᐅᑎᓇᒡ ᓇᐸᐛ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ᑕᔨᒋ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᒂ ᑕᒋᓇᒡ ᑭᔭ ᑲ ᐊᔭᒥᐊᔅᑎᒧᐛᒡ ᐊᓂᔭᔪᐛ ᓇᐸᐛ᙮

ᐊᑈᔅᑕᓇᒡ 8:17

ᐊᑯ ᒪᒃ ᐱᑕᕐ ᑭᔭ ᒠᓐ ᒂ ᑕᒋᓇᒡ ᐊᓂᔭᔪᐛ ᐃᔪᐛ, ᐊᑯ ᒪᒃ ᑲ ᐊᔭᐛᔨᒋ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 9:12

ᒋ ᐃᓯᓂᒻ ᑭᔭ ᐊ ᐸᒋ ᐱᒐᔨᒋ ᓇᐸᐛ ᐊᓇᓇᔭᔅ ᐊ ᐃᓯᓂᐧᑲᓱᔨᒋ, ᐊ ᑕᒋᓂᑯᑦ ᒥᓐ ᑲᐤ ᒐᒋ ᐛᐸᑕᐧᒃ᙮”

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”