ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ᐸᐸᒋᑎᓂᔨᒋ, ᒋ ᒥᔪ ᓂᑕᐅᒋᓇ ᐅᔭ ᑭᔭ ᒂ ᒥᔪ ᒥᓂᓱᔨᒋ᙮ ᐱᔅᒐ ᐅᔭ ᓂᑕᐅᒋᑕᑭᓇ ᓂᔅᑐᔪᐤ ᓂᑕᐅᒋᑕᑭᓇ ᒋ ᐅᒋ ᓂᑕᐅᒋᓇ ᐊᓐᑕ ᐅᒋ, ᐊᑯ ᐱᔅᒐ ᐊᓱᑕᒡ ᑕᑐᔪᐤ ᒋ ᐅᒋ ᓂᑕᐅᒋᓇ, ᐊᑯ ᑯᑎᑲ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ᐎᑕᐧᒃ ᒋᓴᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:8 Iomraidhean Croise

ᒐᓂᓯᔅ 26:12

ᒪᒂᒡ ᑲ ᐎᒋᑦ ᐊᐃᓯᒃ ᐊᓐᑕ ᑭᕋᕐ ᑭᔭ ᑲ ᐛᓴᔄᐱᓂᒐᑦ ᒐᒋ ᓂᑕᐅᒋᑕᑦ ᒥᒋᒥᔪᐤ᙮ ᒋ ᐃᑐᑕᑯᐤ ᑎᐸᔨᒋᒐᓱᐛ ᒐᒋ ᒥᓯᐛ ᒐᒂᔪᐤ ᐃᓯ ᒥᔪᐱᔨᑦ᙮ ᐊᐃᓯᒃ ᒋ ᒪᒧᓴᒋᓂᒻ ᐸᐃᑯ ᒥᑕᓯᒥᑎᓄᐤ ᑕᑥᐤ ᐃᔅᐱᔅ ᐊᓂᔭ ᑲ ᐛᓴᔄᐱᓂᒐᑦ᙮

ᒪᑎᔪᐤ 13:23

ᐊᓐ ᒪᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᒥᔪ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒪᑎᔪᐤ 13:8

ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ᐸᐸᒋᑎᓂᔨᒋ, ᒋ ᒥᔪ ᓂᑕᐅᒋᓇ ᐅᔭ ᑭᔭ ᒂ ᒥᔪ ᒥᓂᓱᔨᒋ᙮ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:20

ᐊᑯ ᑯᑎᑭᒡ ᐊᐛᓐᒋ ᒧᔭᒻ ᐊᓂᔭ ᓂᑕᐅᒋᑕᑭᓇ ᑲ ᐸᒋᑎᒋ ᐊᓐᑕ ᐊ ᒥᔪᔅᑭᒥᑲᒡ ᐊᑯᓐ ᐊ ᐃᓯᓇᑯᓯᒡ᙮ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ ᑎᐛᒡ ᐅᑎᓂᒧᒡ ᑭᔭ ᓄᑯᓂᔪᐤ ᐅᐱᒪᑎᓯᐅᓄᐛᒡ ᒧᔭᒻ ᐊ ᐊᑎ ᒥᓂᓱᐅᒡ ᐊ ᐃᓯᓇᑯᓯᒡ᙮ ᒧᔭᒻ ᓂᑕᐅᒋᑕᑭᓇ ᐊ ᒥᔅᑎ ᒥᓂᓱᐅᒋ ᒐᒃ ᐊᑯᓐ ᐊ ᐊᑎ ᐃᓯᓇᑯᓯᒡ ᐅᒡ᙮ ᑯᑎᑭᒡ ᓂᔅᑐᔪᐤ ᒥᓂᓴ ᒋ ᓂᑕᐅᒋᓂᔪᐛ ᐊᓐᑕ ᐅᒋ ᐊ ᑕᒡ, ᐊᑯ ᑯᑎᑭᒡ ᐊᓱᑕᒡ ᑕᑐᔪᐤ, ᐊᑯ ᑯᑎᑭᒡ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᑲ ᑕᑈᔭᔨᒥᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:7

ᐊᑯ ᐊᓂᔭ ᓂᑕᐅᒋᑕᑭᓇ ᑲ ᐸᐸᒋᑎᒋ ᐊᓐᑕ ᑲ ᑲᓱᑕᐛᔅᑯᒋ ᓂᐱᓯᔭᑎᒂ ᐊ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ᓂᑕᐅᒋᓇ ᐊᓂᔭ ᑲ ᓂᑕᐅᒋᑕᑭᓄᐅᒋ ᐊᒋ ᒋᐱᔅᑲᑐᒥᑲᒋ ᐊᓂᔭ ᑲ ᑲᐛᔎᒋ ᓂᐱᓯᔭᑎᒂ᙮ ᓇᒪ ᒪᒃ ᐅᒋ ᒥᓂᓱᐅᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:9

ᒋ ᐃᑕᐤ ᒪᒃ, “ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ᓂᑐᑎᒻ᙮”

ᓗᒃ 8:15

ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”

ᓗᒃ 8:8

ᐱᔅᒐ ᐊᓐᑕ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐸᐸᒋᑎᓂᔨᒋ, ᐅᔭ ᒪᒃ ᓇᔅᒡ ᒋ ᒥᔪ ᓂᑕᐅᒋᓂᔪᐛ, ᑭᔭ ᒥᔅᑎ ᒥᒋᒥᔪᐤ ᑲ ᓂᑕᐅᒋᓂᔨᒡ ᐊᓐᑕ ᓱᒥᓂᒡ ᐅᒋ, ᑕᓐ ᐊᓂᔭᔪᐛ ᑲ ᐎ ᐃᔅᐱᔅ ᓂᑕᐅᒋᑕᑦ᙮ ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ᓂᔅᑐᑎᒻ᙮”

ᒠᓐ 15:5

“ᓂᔾ ᐊᐅᒄ ᓱᒥᓇᑎᒄ ᐊᑯ ᒋᔨᐛᐤ ᐅᑎᐧᑯᓇ᙮ ᐊᓐ ᐊᐛᓐ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒐ ᐊᐅᑯᓐ ᐊᓐ ᒐ ᐱᒋᔅᑯᐅᒃ ᑭᔭ ᐊᐅᑯᓐ ᐊᓐ ᒐ ᒥᔪ ᒥᓂᓱᐅᑦ ᐛᔅ ᑕᐸ ᓇᔅᒡ ᒐᒂᓐ ᒋᑭ ᒋ ᐃᑐᑕᓇᐛᐤ ᐊᑲ ᐱᒋᔅᑯᐅᔭᒂ᙮

ᒠᓐ 7:17

ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ᐃᑎᓱᒥᒂᓂ ᐊᓂᔭ ᒐᒋ ᐃᓯ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮

ᐊᑈᔅᑕᓇᒡ 17:11

ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᐃᐱᓯᔭᓇ 2:21

ᐛᔅ ᐎᔾ ᐃᑐᑐᐛᐤ ᐊᔭᔅᒃ ᒐᒋ ᐊᑎ ᐊᔨᒋᑲᐳᔨᒋ ᒥᓯᐛ ᐊᓂᔭᔪᐛ ᑲ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᐸᔭᒋᓯᔨᒋ ᐅᑎᐸᔨᒋᒐᐛ ᐃᔅ ᐊ ᑕᔨᒋ, ᒧᔭᒻ ᒋᓴᐊᔭᒥᐊᐅᒋᐛᑉ ᐊ ᐎᔨᑲᐳᐅᑕᑭᓄᐅᒡ ᒐᒋ ᐃᓯᓇᑯᓯᔨᒋ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᑯᓚᓯᔭᓇ 1:6

ᐅ ᒥᔽᒋᒧᐅᓐ ᒧᓯᓇᐤ ᐱᒥᐱᔪᐤ ᓱᐛᔨᒋᒐᐅᓐ ᐊᓐᑕ ᐅᒋ ᑭᔭ ᒧᓯᓇᐤ ᒥᓯᑕᐱᔪᐤ ᐊ ᐛᐎᑕᑭᓄᐅᒡ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒥᔽᒋᒧᐅᓐ ᐊᓐᑕ ᒪᒂᒡ ᐊ ᑕᔭᒄ ᐃᔅᐱ ᑲ ᐸᑎᒪᒄ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐤ ᐅᒋᓴᐛᑎᓯᐅᓐ ᑭᔭ ᑲ ᓂᔅᑐᑎᒪᒄ ᑕᓐ ᐊᓐ ᐊ ᐃᑕᔨᑕᑯᓂᔨᒡ᙮