ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒂ ᐅᓂᑦ ᒋᓴᔅ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᔪᑎᓂᔨᒡ ᒐᒋ ᐳᓂᐱᔨᒡ, ᐊᑯ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ, ᐊᑯᓐ ᐊᑯ᙮” ᒋ ᒋᒥᔅᑎᓂᔪᐤ ᑭᔭ ᒂ ᐅᒋ ᐃᔽᔅᑎᓂᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:39 Iomraidhean Croise

ᑎᐱᑦ ᐅᓂᑭᒧᐅᓇ 107:29

ᐊᔽᔅᑎᓂᑕᐤ ᐊ ᒋᑎᔅᑎᓂᔨᒡ, ᐊᑯ ᐱᓂᐱᔨᒡ ᐊ ᒪᒪᐧᑲᐊᒡ᙮

ᑎᐱᑦ ᐅᓂᑭᒧᐅᓇ 148:8

ᐃᔅᑯᑕᐤ, ᑭᔭ ᐊ ᒂᑯᑲᐛᑕᒡ, ᑯᓐ ᑭᔭ ᐊ ᓂᐱᐛᐱᑕᒡ; ᐊ ᔪᑎᒡ ᐊ ᑎᐱᐸᔨᑕᒧᒥᑭᓂᔨᒡ ᐅᑦ ᐃᔨᒧᐅᓐ;

ᑎᐱᑦ ᐅᓂᑭᒧᐅᓇ 29:10

ᑎᐸᔨᒋᒐᓱᐤ ᑕᑎᐳᐤ ᐊᓐᑕ ᐊ ᐃᔅᒋᐳᑕᔨᒡ; ᓂᐦᐃ, ᑎᐸᔨᒋᒐᓱᐤ ᐊᐳᐤ ᐊ ᒋᓴᐅᒋᒪᐅᑦ ᑲᒋᒡ᙮

ᑎᐱᑦ ᐅᓂᑭᒧᐅᓇ 65:7

ᑲ ᒋᐱᑐᐛᒥᑲᑕᑦ ᐎᓂᐸᑯᔪᐤ, ᐊ ᒪᑥᔭᓂᔨᒡ, ᑭᔭ ᐊ ᒋᑕᔎᑯᓯᔨᒋ ᐃᔪᐛ᙮

ᑎᐱᑦ ᐅᓂᑭᒧᐅᓇ 89:9

ᒋ ᑎᐸᔨᑕᓐ ᐊ ᑯᔅᑕᑎᒂᒡ ᐎᓂᐸᒄ: ᐃᔅᐱ ᒪᒪᐧᑲᐊᒡ, ᒋ ᒋᐱᒋᑕᓐ᙮

ᐊᒃᓱᑕᔅ 14:16

ᐊᑯ ᒪᒃ ᒐ ᐅᐱᓂᒥᓐ ᒋᓯᔅᑲᐅᓐ, ᐎᓂᐸᑯᒡ ᒐ ᐃᓯ ᓱᓂᔅᒐᔨᓐ᙮ ᒋᑭ ᑎᐸᓂᐱᔨᐛ ᓂᐱᔭ ᐎᓂᐸᑯᒡ ᐊᑯ ᒐ ᐱᒧᑕᒡ ᐊᓐᑕ ᐊ ᐸᔅᑕᐛᔅᑲᒥᑲᔨᒡ᙮

ᐊᒃᓱᑕᔅ 14:22

ᐊᓐᒡ ᐃᔅᕋᐃᓪ ᐃᔪᒡ ᒪᒃ ᒋ ᐱᒧᑕᐅᒡ ᑕᑕᐅᒡ ᐎᓂᐸᑯᒡ ᐊ ᐸᒂᔅᑭᒥᑲᔨᒡ᙮ ᓂᐱᔭ ᒪᒃ ᒋ ᒪᓂᑭᓂᔅᑲᑯᐅᒡ ᐅᒥᔪᓄᐛᒡ ᐃᑕᒐ, ᑭᔭ ᐅᓂᔅᐸᒋᐅᓄᐛᒡ ᐃᑕᒐ᙮

ᒪᑎᔪᐤ 8:26

ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ᓇᔅᒡ ᑯᔅᑕᒋᔭᒄ, ᐅ ᒋᔨᐛᐤ ᑕᑈ ᐊᐱᓴᓯᒡ ᒋᑕᑈᑎᒧᐅᓄᐛᐤ ?” ᐊᑯ ᐛᓂᑦ ᒂ ᐃᑎᓱᐛᑕᐧᒃ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᐊ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐅᒋ ᐃᔽᔅᑎᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:38

ᐊᓐᑕ ᒪᒃ ᑕᐧᑯᐃᑭᓂᒡ ᒋ ᑕᐤ ᒋᓴᔅ ᐊ ᓂᐸᑦ ᐊ ᐊᔎᓯᒧᑦ ᐊᔎᓯᒧᓂᔪᐤ᙮ ᒋᔅᒋᓄᐊᒧᐛᑭᓐᒡ ᒪᒃ ᒋ ᐸᑯᓄᐅᒡ ᐊ ᐃᑕᒡ, “ᒋᔅᑯᑎᒪᒐᓱᐤ, ᓇᒪᐎᔾ ᐊ ᒐᒂᓐ ᒋᑭ ᐅᒋ ᐃᑕᔨᑕᓐ ᓂᔅᑕᐸᐛᔭᒐ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:25

ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”

ᓗᒃ 4:35

ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮

ᓗᒃ 4:39

ᒋᓴᔅ ᒪᒃ ᒋ ᓄᐛᑲᐳᐤ ᐊᓐᑕ ᐃᔅ ᐊ ᑕᔨᒋ ᐊᓂᔭ ᐃᔎᐛ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᒋᓯᑕᐅᐱᐃᓇᓄᐎᒡ ᒐᒋ ᓂᑭᑎᑯᔨᒋ᙮ ᑎᐛᒡ ᒪᒃ ᒋ ᓂᑭᑎᑯᔪᐛ, ᒂ ᐅᓂᑦ ᐊᓐ ᐃᔎᐤ ᒂ ᐊᑎ ᐱᐱᒥᓄᐅᑕᑦ ᐊᐛᔪᐛ᙮

ᓗᒃ 8:24

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐸᑯᓇᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ᐅᓂᐤ, ᒂ ᐃᔅᒋᔄᑦ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐃᔽᔅᑎᓂᔪᐤ᙮