ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᓂᔭ ᒪᒃ ᓂᑕᐅᒋᑕᑭᓇ ᐱᑎᑕᔅᑭᓄᐤ ᑲ ᐸᒋᑎᒋ, ᐊᐅᑯᓐᒡ ᐅᒡ ᐊᐛᓐᒋ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ, ᑎᐛᒡ ᒥᒋᒥᓂᑐᐛ ᑎᑯᓯᓂᔪᐛ ᐊ ᐊᑎ ᐅᑎᓂᒥᔨᒋ ᐊᓂᔭ ᒋᐸ ᐃᓯ ᓂᑕᐅᒋᓂᔪᐤ ᐅᑕᐃᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:15 Iomraidhean Croise

ᒐᓂᓯᔅ 19:14

ᓗᑦ ᒂ ᓂᑐᐛᐱᒪᑦ ᐊᓂᔭ ᓇᐸᐛ ᑲ ᐎᐎᒋᒪᔨᒋ ᐅᑕᓂᓴ, ᒂ ᐃᑕᑦ, “ᐃᔭᓯᒋᒄ, ᓂᑭᑎᒥᒄ ᐅ ᐅᑕᓇᐤ, ᐛᔅ ᑎᐸᔨᒋᒐᓱᐤ ᒋᑭ ᓂᓱᐅᓇᒋᑕᐤ ᐅᔭ ᐅᑕᓇᔪᐤ᙮” ᒥᒄ ᐅᐎᑥᐤ ᒋ ᐃᑕᔨᒥᑯᐤ ᐅᓇᒋᒪ ᑭᔭ ᓇᒪ ᐅᒋ ᑕᑈᑕᑯᐤ᙮

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 22:5

“ᒥᒄ ᒪᒃ ᐊᓐᒡ ᑲ ᐎᓴᒪᑭᓄᐎᒡ ᓇᒪ ᐅᒋ ᐊᔭᐱᓯᑎᒧᒡ, ᐃᔭᒡ ᒋ ᐃᓯ ᔅᑐᑕᐅᒡ᙮ ᐸᐃᒄ ᐊᓐ ᐊᓐᑕ ᐅᓂᑕᐅᒋᑕᑭᓐ ᐊ ᑎᑯᓂᔨᒡ ᒋ ᐃᑐᑕᐤ᙮ ᐊᑯ ᒥᓐ ᑯᑎᒃ ᒋ ᐃᔭᑯᐱᓇ ᑕᓐ ᐊ ᐃᓯ ᐊᑕᐛᑦ᙮ ᐊᑯᑕ ᑲ ᐃᑐᑕᑦ ᐎᔾ᙮

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:14

ᐊᓐ ᐊᐛᓐ ᑲ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᒧᔭᒻ ᓂᑕᐅᒋᒐᓱᐤ ᓂᑕᐅᒋᑕᑭᓇ ᑲ ᐊᓯᒋᐛᐱᓇᐧᒃ ᐃᓯᓇᑯᓱᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:16

ᐊᑯ ᐊᓂᔭ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᑎᒋ ᐊᐅᑯᓐᒡ ᐅᒡ ᐊᐛᓐᒋ ᑎᐛᒡ ᒥᒄ ᑲ ᐃᓯ ᐅᑎᓇᒡ ᐅᔅᑭᒡ ᐱᔭᑕᒡ ᒥᔽᒋᒧᐅᓂᔪᐤ ᓇᔅᒡ ᐊ ᒧᒋᒐᔨᑎᒥᐃᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:4

ᐊᓂᔭ ᒪᒃ ᐊ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ ᐱᔅᒐ ᐊᓐᑕ ᐱᑎᑕᔅᑭᓄᐤ ᒋ ᐸᐸᒋᑎᓂᔪᐛ, ᐊᑯ ᐱᔭᓯᓴ ᒥᓯᐛ ᒂ ᒥᒋᔨᒋ᙮

ᓗᒃ 8:12

ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒋᒥᓂᑐᐛ ᑕᑯᓯᓂᔨᒋ ᒪᔅᑭᒥᑯᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑕᓐ ᐊᓂᔭᔪᐛ ᑲ ᐃᓯ ᐸᑕᒡ ᐊ ᐃᑕᔨᒥᑯᒡ ᒐ ᐊᑲ ᒋ ᑕᑈᑕᒡ ᑭᔭ ᒐ ᐊᑲ ᒋ ᐱᒪᒋᐅᒡ᙮

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᐊᑈᔅᑕᓇᒡ 5:3

ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

2 ᑯᕆᓐᑎᔭᓇ 2:11

ᐅ ᒪᒃ ᒋᑦ ᐃᑎᓇᓄᐤ ᒐ ᐊᑲ ᒋ ᐎᔭᓯᐃᑕᐧᒄ ᒥᒋᒥᓂᑐᐤ᙮ ᐛᔅ ᒋ ᒋᔅᒐᔨᒪᓄᐤ ᑕᓐ ᐛ ᐃᑎᑦ᙮

2 ᑕᓴᓗᓂᔭᓇ 2:9

ᐊᔅᒄ ᒪᒃ ᐊᑲ ᐃᔅᐱᔨᒡ ᐅ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒥᒋᒥᓂᑐᐛ ᒋᑭ ᒥᔨᑯᐤ ᓱᐧᑲᑎᓯᐅᓂᔪᐤ᙮ ᒪᒥᔅᑲᒡ ᐛᐸᑎᔨᐛᐅᓇ ᒋᑭ ᐛᐸᑎᔨᐛᐤ ᑭᔭ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᒋᑭ ᐃᑐᑎᒻ᙮ ᐊᔪᐅᒄ ᐅᔭ ᒐ ᐃᑎᑦ ᒐᒋ ᐅᒋ ᐎᔭᓯᐊᑦ ᐊᐛᔪᐛ᙮

ᐃᑉᕈᐛ 12:16

ᑭᔭ ᐃᔭᒂᒥᒄ ᐊᑲ ᐛᐛᒡ ᐸᐃᒄ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ ᒪᒃ ᒐᒋ ᐃᓯᓇᑯᓯᔭᒄ ᐊᑲ ᐊᐱᑕᔨᒪᒄ ᒋᓴᒪᓂᑐᐤ ᒧᔭᒻ ᐊᓂᔭ ᐃᓴᐅ ᑲ ᐃᑎᑦ᙮ ᒋ ᐱᔅᑎᓂᒻ ᐊᓂᔭ ᑕᓐ ᐊᔅᒄ ᒋᐸ ᐊᓱᐤ ᒥᔭᑭᓄᐤ ᐎᔾ ᐊ ᐅᔅᑕᓯᒪᐅᑦ, ᐊᑯ ᐸᐃᒄ ᐎᔭᑭᓐ ᒥᒋᒥᔪᐤ ᐃᔭᐱᒡ ᒂ ᐅᑎᓇᐧᒃ᙮

ᐃᑉᕈᐛ 2:1

ᐊᐅᒄ ᒪᒃ ᐊᓐ ᐛᒋ ᐃᑕᔨᑕᒂᒡ ᐊᑐᐎᔅ ᒐᒋ ᒥᒪᒋᑯᓂᒪᐧᒄ ᐊᓐ ᑕᑈᐅᓐ ᑲ ᐃᓯ ᐸᑎᒪᐧᒄ ᒐ ᐊᑲ ᒋ ᒋᐛᑲᐳᐅᔭᐧᒄ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 20:10

ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ᐎᔭᓯᒪᑦ ᐅᔭ ᐊᐛᔪᐛ, ᑲ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ᐛᐱᓇᑭᓄᐅᑦ ᐊᓐᑕ ᐊ ᐃᔎᑕᔨᒡ ᒐᒂᔪᐤ ᐊ ᐎᔄᐛᐸᑕᔨᒡ ᓇᔅᒡ ᐊ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ᐛᐱᓇᑭᓄᔨᒋ ᐊᓂᔭ ᒥᒋ ᐊᐛᓯᓴ ᑭᔭ ᐊᓂᔭ ᒥᒋ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ᐎᓯᒐᔨᑎᒧᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮

ᒋᔅᒐᔨᑕᑯᑕᒐᐅᓐ 20:7

ᐃᔅᐱ ᒪᒃ ᒋ ᐅᑎᒋᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ, ᐊᑯ ᒐ ᓴᓇᑭᓄᐅᑦ ᒥᒋᒥᓂᑐᐤ ᐊᓐᑕ ᐊᓂᔭ ᑲ ᒋᐸᐛᑭᓄᐅᑦ᙮