ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒥᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᑯᑎᑭᒡ ᐊᐛᓐᒋ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᒋᔅᑯᑎᒪᒐᐤ ᑎᐸᒋᒧᐅᓇ ᐎᑎᒧᐛᑭᓄᐎᒡ ᒐᒋ ᑎᐱᐱᔨᒡ ᐅ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:11 Iomraidhean Croise

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 13:16

“ᒋᔨᐛᐤ ᒪᒃ ᔅᒋ ᓱᐛᔨᒥᑯᐛᐤ ᒋᓴᒪᓂᑐᐤ ᐛᔅ ᒋ ᓂᔅᑐᓇᓇᐛᐤ ᑕᓐ ᐊ ᐃᓯ ᐛᐸᑎᒪᒄ ᑭᔭ ᒋ ᓂᔅᑐᑕᓇᐛᐤ ᑕᓐ ᐊ ᐃᓯ ᐸᑎᒪᒄ᙮

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:23

ᐊᑯ ᒋᓴᔅ ᒂ ᐎᓴᒪᑦ ᐊᑯ ᒂ ᐃᔨᒪᐊᑦ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ᐊᐱᒋᑕᑦ, “ᑕᓐᑕ ᒐᒋ ᐅᒋ ᐎᐎᑎᓴᐛᑦ ᒥᒋᒥᓂᑐᐤ ᒥᒋᒥᓂᑐᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:10

ᐃᔅᐱ ᒪᒃ ᒥᓐ ᒥᒄ ᐎᔨᐛᐤ ᐊ ᑕᒡ ᒋᓴᔅ, ᐱᔅᒐ ᐊᐛᔪᐛ ᑭᔭ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ, ᒋ ᑯᒂᒋᒥᑯᐤ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᑲ ᐃᓯ ᑎᐸᒋᒧᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:2

ᒥᔅᑎ ᒪᒃ ᒋ ᒋᔅᑯᑎᒧᐛᐤ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ᐊᐱᒋᑕᑦ᙮ ᒋ ᐃᑕᐤ ᒪᒃ,

ᓗᒃ 8:10

ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”

1 ᑯᕆᓐᑎᔭᓇ 4:7

ᐊᐛᓐ ᑲ ᒥᔨᑕᒄ ᓇᔅᒡ ᒋᒋᐛ ᒐᒋ ᐃᑕᔨᒥᓱᐛᒄ ? ᓇᒪᐎᔾ ᐊ ᒋᓴᒪᓂᑐᐤ ᒋ ᐅᒋ ᒥᔨᑯᐛᐤ ᒥᓯᐛ ᑕᓐ ᐊ ᐃᓯ ᐊᔭᐛᒄ ? ᒋᓴᒪᓂᑐᐤ ᐊᒋ ᒥᔨᑕᒄ ᐅᔭ ᒥᔨᐛᐅᓇ ᓇᒪ ᐃᓯᓇᑯᓐ ᒐᒋ ᒪᒥᒋᒧᔭᒄ ᒧᔭᒻ ᐊᑲ ᐎᔾ ᐅᒋ ᒥᔨᑕᒄ ᒐᒋ ᐃᑎᔭᒄ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐃᐱᓯᔭᓇ 1:9

ᒋ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ᐃᑐᑕᐧᒃ, ᔅᒋ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ᑕᔨᒋ ᐅᒡ᙮

ᑯᓚᓯᔭᓇ 4:5

ᓱᒃ ᐎ ᑭᒐᑕᐛᔨᑎᒧᒄ ᑕᓐ ᐊ ᐃᓯ ᐱᒪᑎᓯᔭᒄ ᒪᒂᒡ ᐊᓐᑕ ᐊᓐᒡ ᐊᑲ ᑕᑈᑕᒡ ᐊ ᐱᒪᑎᓯᔭᒄ᙮ ᒧᔅ ᐅᑎᓂᒪᓱᒄ ᑕᓐᑕ ᑎᔭᐅᐱᔨᒡ ᒪᓐ ᒐᒋ ᐃᔨᒪᐊᑯᒡ ᐊᓐᒡ ᐊᑲ ᑕᑈᑕᒡ᙮

1 ᑕᓴᓗᓂᔭᓇ 4:12

ᐊᑯ ᒪᒃ ᓇᒪ ᒋᑭ ᐅᒋ ᐱᑯᓴᔨᒪᐛᐅᒡ ᑯᑎᑭᒡ ᐊᐛᓐᒋ ᒐᒋ ᐅᑎᓂᒪᑕᑯᒡ ᑕᓐ ᐊ ᐃᓯ ᓄᑕᐱᔪᐛᒄ ᒐᒂᔪᐤ᙮ ᐅ ᐃᓯ ᐱᒪᑎᓯᔭᒂ ᐊᑯ ᐊᓐᒡ ᐊᐛᓐᒋ ᐊᑲ ᑕᑈᑕᒡ ᒐ ᒋᔅᑕᔨᒥᑕᑯᒡ᙮

1 ᑎᒧᑎ 3:7

ᑭᔭ ᐊᓐ ᐊᐛᓐ ᐅᔭ ᑲ ᐃᑕᐱᑎᓯᑦ ᒋᐸ ᒥᔪ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ᑎᐸᒋᒪᑭᓄᒐ ᓇᒪ ᒋᑭ ᒋ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮