ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑭᔭ ᒋᕈᓯᓕᒥᒡ, ᐃᑐᒥᔭᒡ, ᑭᔭ ᐊᑲᒥᒡ ᐊᓂᔭ ᒠᕐᑕᓐ ᓯᐱᔪᐤ ᒋ ᐅᑐᑕᔪᐛ᙮ ᑭᔭ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐅᑕᓇᐛ ᒋ ᐅᑐᑕᔪᐛ᙮ ᒋ ᐸᑎᒧᒡ ᐅᒡ ᐊᐛᓐᒋ ᒥᓯᐛ ᑕᓐ ᑲ ᐃᑎᔨᒋ ᒋᓴᓴ ᐊᑯ ᒂ ᐎ ᐸᒋ ᓂᑐᑐᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:8 Iomraidhean Croise

ᑎᐱᑦ ᐅᓂᑭᒧᐅᓇ 45:12

ᑕᐃᕐ ᐅᑕᓂᓴ ᒪᒃ ᐊᓐᑕ ᒋᑭ ᐸᑕᔪᐛ ᒥᔨᐛᐅᓂᔪᐤ; ᑭᔭ ᒥᒄ ᑲ ᐛᔪᑎᓯᒡ ᐃᔪᒡ ᒋᑭ ᓂᑐᐛᔨᑎᒧᒡ ᒋᒥᔪᒂᔅᑕᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 87:4

ᓂᑭ ᐊᔨᒧᑎᒪᐛᐅᒡ ᕋᐊᑉ ᑭᔭ ᐸᐱᓗᓐ ᐊᓐᒡ ᑲ ᒋᔅᒐᔨᒥᒡ: ᐛᐸᑎᒥᒄ ᐱᓕᔅᑕᐃᓐ, ᑭᔭ ᑕᐃᕐ, ᐊᓯᒡ ᐃᑎᔪᐱᔭ; “ᐅ ᐃᔪᐤ ᐊᓐᑕ ᒋ ᓂᑕᐅᒍᐤ᙮”

ᒪᑎᔪᐤ 11:21

“ᒋᔨᐛᐤ ᑲ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒡ ᒋᑭ ᒥᒋᐱᔨᓇᐛᐤ, ᑭᔭ ᒋᔨᐛᐤ ᐸᑦᓴᐃᑕ ᑲ ᑕᔭᒄ ᐊᐅᑯᓐ ᒧᔭᒻ ᒐ ᐃᓯ ᒥᒋᐱᔭᒄ ᑭᔭ ᒋᔨᐛᐤ᙮ ᐛᔅ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐎᒂᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᒋ ᐅᑕᓇᐛ, ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᐎ ᓄᑯᑕᒡ ᐊᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮

ᒪᑎᔪᐤ 4:25

ᒥᒐᑦ ᒪᒃ ᐊᐛᔪᐛ ᒋ ᐱᐸᒥᐎᒐᐅᑯᐤ ᒋᓴᔅ, ᐊᓐᑕ ᑲᓕᓕᒡ ᑲ ᐅᒋᔨᒋ ᑭᔭ ᐊᓐᑕ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ᐃᓯᓂᐧᑲᑕᔨᒋ, ᑭᔭ ᐊᓐᑕ ᒋᕈᓯᓕᒥᒡ, ᒍᑎᔭᒡ ᑭᔭ ᐊᓐᑕ ᒂᔅᑕᒐᑲᒻ ᒠᕐᑕᓐ ᓯᐱᒡ ᑲ ᑕᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:24

ᒋᓴᔅ ᒪᒃ ᒋ ᔅᑐᑕᐤ᙮ ᐊᓐᑕ ᐊᓂᔭ ᐊᔅᒋᔪᐤ ᒥᒋᒪ ᓴᐃᑐᓐ ᑭᔭ ᑕᐃᕋ ᑲ ᑎᑯᓂᔨᒡ ᐊᑯᑕ ᑲ ᐃᑐᑕᑦ᙮ ᑕᑯᓯᓂᑦ ᒪᒃ ᒋ ᐱᒐᐤ ᒥᒋᐛᐱᔪᐤ ᐊᑯ ᒂ ᐃᑎᓱᐛᑦ ᒐ ᐊᑲ ᒋ ᐎᑎᒧᐛᑭᓄᔨᒋ ᐊᐛᔪᐛ ᐊᓐᑕ ᐊ ᑕᑦ᙮ ᒥᒄ ᒪᒃ ᓇᒪ ᓇᐅᔅ ᐅᒋ ᐃᓯᓇᑯᓂᔪᐤ ᐅᔭ ᑲ ᐃᓯ ᓂᑐᐛᔨᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:31

ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᑕᐃᕋᒡ ᐅᒡ᙮ ᐃᔅᐱ ᐛᑎᑕᐧᒃ ᓴᐃᑐᓐ ᒥᒄ ᒋ ᓴᐳᑐᐛᔅᑭᒻ᙮ ᐊᑯ ᐊᓐᑕ ᐊᓂᔭ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ᑎᑯᓂᔨᒋ ᒂ ᐃᓯ ᐱᒧᑕᑦ ᒐᒃ ᒂ ᐅᑎᑕᐧᒃ ᑲᓕᓕ ᓴᑲᐃᑭᓂᔪᐤ᙮

ᓗᒃ 6:17

ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮