ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒥᒄ ᒪᒃ ᐊᓐ ᐊᐛᓐ ᒐ ᐸᔅᑕᒪᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᓂᑕ ᒋᑭ ᐅᒋ ᐛᐸᔨᑎᒧᐛᑭᓄᐤ᙮ ᑲᒋᒡ ᒋᑭ ᓂᓱᐅᓇᒋᒪᑭᓄᐤ ᐅᔭ ᐊ ᐃᓯ ᒥᒋᑐᑕᐧᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:29 Iomraidhean Croise

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 9:3

ᐊᑯ ᐊᓐᒡ ᐊᓐᑕ ᑲ ᑕᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᐃᑎᑎᓱᐅᒡ, “ᐸᔅᑕᒧᐤ ᐅ ᓇᐸᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:40

ᐅᑎᓂᒺᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᐊᔭᒥᐊᐧᑲᓱᐅᒡ ᒪᒃ ᒥᒄ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐅᔅᑕ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:30

ᐊᔪᐅᒄ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭᔪᐛ ᐊᔭᒥᐊᐅ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐛᔅ ᒋ ᐃᑎᑯᐤ ᐊ ᐱᒋᔅᑲᑯᑦ ᒥᒋ ᐊᒐᒂ᙮

ᓗᒃ 12:10

ᒥᓯᐛ ᐊᐛᓐ ᑲ ᒥᒋ ᐊᔨᒧᒪᑦ ᐃᔪᐤ ᐅᑯᓯᓴᓐ ᒋᑭ ᒋ ᐛᐸᔨᑎᒧᐛᑭᓄᐤ᙮ ᐊᑯ ᒪᒃ ᐊᓐ ᐊᐛᓐ ᑲ ᐸᔅᑕᒪᑦ ᑲ ᐸᔭᒋᓯᔨᒋ ᐊᒐᒂ ᓇᒪ ᒋᑭ ᐅᒋ ᐛᐸᔨᑎᒧᐎᑭᓄᐤ᙮”

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

ᒍᑦ 1:13

ᒧᔭᒻ ᑭᔅᑭᓂᒡ ᐎᓂᐸᑯᒡ ᒪᒂᒡ ᓇᔅᒡ ᐊ ᒥᔅᑎᔪᑎᒡ, ᐊᐅᑯᓐ ᐊ ᐃᓯ ᐱᔅᑕᐅᑕᒧᒡ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᓴᒂᔨᑕᑯᓂᔨᒡ ᑎᐱᔨᐛ ᐅᒥᒋᑐᑎᒧᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᒥᒄ ᓂᑎᒥᒄ ᑲ ᐃᓯ ᐱᐸᒥᐱᔨᒡ, ᐊᐅᑯᓐ ᐊ ᐃᓯᓇᑯᓯᒡ᙮ ᑎᑯᓂᔪᐤ ᒪᒃ ᐊᓐᑕ ᒪᐅᒡ ᐛᑲᔅᑕᔭᔨᒡ ᐊ ᐊᔭᔅᑯᔅᑎᒪᑯᒡ ᒋᓴᒪᓂᑐᐛ ᑲᒋᒡ ᒐ ᑕᒡ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮