ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᐊᓂᔭ ᒥᒐᑦ ᐊᐛᔪᐛ ᐊᒋ ᒥᓏᒋᐊᑦ ᐊᑯ ᒥᒐᑦ ᑯᑎᑲ ᐊᐛᔪᐛ ᓂᓇᐧᑯᐤ ᐊ ᐃᑕᔅᐱᓇᔨᒋ ᒂ ᐸᒋ ᑯᐧᑯᓂᑐᔨᒋ ᐊ ᐎ ᑕᒋᓂᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:10 Iomraidhean Croise

ᒐᓂᓯᔅ 12:17

ᐅᓴᒻ ᒋᓴᐅᒋᒪᐤ ᑲ ᐅᑎᓇᑦ ᐊᑉᕋᒪ ᐎᐎᐛ, ᑎᐸᔨᒋᒐᓱᐤ ᒋ ᐃᑐᑐᐛᐤ ᒋᓴᐅᒋᒪᐛ ᑭᔭ ᒥᓯᐛ ᑲ ᑕᔨᒋ ᐎᒋᐛᔨᒡ ᒐᒋ ᒥᔅᑎᐊᐧᑯᓯᔨᒋ᙮

ᒪᑎᔪᐤ 12:15

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᑕᓐ ᐛᑐᑐᐛᑭᓄᐅᑦ ᒋ ᔅᑐᑕᐤ, ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ᙮ ᒋ ᒥᓏᒋᐊᐤ ᒪᒃ ᐊᓂᔭ ᒥᓯᐛ ᑲ ᐊᐧᑯᓯᔨᒋ ᐊᐛᔪᐛ᙮

ᒪᑎᔪᐤ 14:14

ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 14:36

ᐊᑯ ᐊᓐᒡ ᑲ ᐊᐧᑯᓯᒡ ᑲ ᓂᑐᑎᒧᐛᒡ ᒋᓴᓴ ᒐᒋ ᓇᐃᒥᑯᒡ ᒥᒄ ᒐᒋ ᑕᒋᓂᒺᒡ ᐊ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ᑕᒋᓂᒥᔨᒋ ᐅᑦ ᐊᑯᑉ ᒋ ᒥᓏᑎᓯᔪᐛ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:34

ᐊᑯ ᒋᓴᔅ ᒂ ᐃᑕᑦ ᐅᔭ ᐃᔎᐛ, “ᓂᑕᓂᔅ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᐊᔭ᙮ ᐛᔅ ᓴᔅ ᑕᑈ ᒋ ᒥᓏᑎᓯᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:56

ᒥᓯᐛ ᒪᒃ ᐊᓐᑕ ᑲ ᐊᑎ ᐃᑐᑕᑦ ᒋᓴᔅ ᐅᑕᓇᒡ ᑭᔭ ᐊ ᐅᑕᓇᐎᔨᒡ, ᒪᒃ ᓂᑕᐅᒋᑕᑭᓐ ᐊᔅᒋᒡ, ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᐃᑐᑕᐊᐅᒡ ᐅᑦ ᐊᐧᑯᓯᐎᒧᐛᐛ ᐊᓐᑕ ᒧᔅ ᑲᒋ ᒪᒧᐎᓇᓄᐎᒡ ᐊ ᐊᑕᐛᓄᐎᔨᒋ ᒐᒂᔪᐛ᙮ ᐊᑯ ᐊᓐᒡ ᑲ ᐊᐧᑯᓯᒡ ᒂ ᓂᑐᑎᒧᐛᒡ ᒋᓴᓴ ᒐᒋ ᓇᐊᔨᒥᑯᒡ ᒥᒄ ᒐᒋ ᑕᒋᓂᒺᒡ ᐊ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ᑕᒋᓂᒥᔨᒋ ᐅᑦ ᐊᑯᑉ ᒋ ᒥᓏᑎᓯᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:22

ᐃᔅᐱ ᐛᑎᑕᐊᒡ ᐸᑦᓴᐃᑕ ᒋ ᑕᐅᒡ ᐊᐛᓐᒋ ᐊ ᐸᓱᐛᒡ ᓇᐸᐛ ᐊᑲ ᐛᐸᑎᒥᔨᒋ᙮ ᓇᔅᒡ ᒋ ᓂᑐᐛᔨᒪᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮

ᓗᒃ 5:3

ᒋ ᐳᓱᐤ ᒪᒃ ᒋᓴᔅ ᐸᐃᒄ ᐅᐤᑎᔪᐤ, ᐊᓂᔭ ᓴᐃᒥᓐ ᐱᑕᕋ ᑲ ᑎᐱᔨᐛᐅᓯᔨᒋ᙮ ᒂ ᑯᒂᒋᒪᑦ ᓴᐃᒥᓐ ᐱᑕᕋ ᒐᒋ ᐊᐱᓯᔅ ᒧᓴᐅᐊᒥᔨᒋ᙮ ᐊᑯ ᒪᒃ ᒂ ᐛᐛᔨᐱᑦ ᒋᓴᔅ ᑲ ᒋᔅᑯᑎᒪᒐᑦ ᐊᓐᑕ ᐊ ᒥᓴᔨᒡ ᐅᐤᑎᒡ ᐅᒡ᙮

ᓗᒃ 6:19

ᒥᓯᐛ ᒪᒃ ᐊᐛᓐ ᒋ ᐎ ᑕᒋᓇᐤ ᒋᓴᓴ, ᐛᔅ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᒋ ᐅᒋᐱᔪᐤ ᐊ ᑕᔨᒋ᙮ ᑕᑐᐤ ᒪᒃ ᐊᐛᓐ ᑲ ᑕᒋᓇᑦ ᒋ ᒥᓏᒋᐊᑭᓄᐤ᙮

ᓗᒃ 7:2

ᒋ ᑕᐤ ᒪᒃ ᐊᓐᑕ ᐸᐃᒄ ᓂᑐᐱᔪᐅ-ᐅᒋᒪᐤ ᓇᔅᒡ ᐊᒋ ᓴᒋᐊᑦ ᐅᑦ ᐊᐱᒋᐊᑭᓇ᙮ ᒪᒂᒡ ᒪᒃ ᓇᔅᒡ ᒋ ᐊᐧᑯᓯᔪᐛ ᐊᓂᔭ ᐅᑦ ᐊᐱᒋᐊᑭᓇ ᒐᑲᑦ ᐊ ᐳᓂᐱᒪᑎᓯᔨᒋ᙮

ᓗᒃ 7:21

ᒪᒂᒡ ᒪᒃ ᐊᓂᔭᔪᐤ ᒋᓴᔅ ᒋ ᒥᓏᒋᐊᐤ ᒥᒐᑦ ᐊᐛᔪᐛ, ᓂᓇᐧᑯᐤ ᐊ ᐃᑕᔅᐱᓇᔨᒋ, ᑭᔭ ᒥᒋ ᐊᒐᒂ ᐊᒋ ᐎᐎᑎᓴᐛᑦ ᑭᔭ ᐊᒋ ᐃᑐᑐᐛᑦ ᐊᓂᔭᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ᙮

ᐊᑈᔅᑕᓇᒡ 5:15

ᐊᓐᒡ ᒪᒃ ᐃᔪᒡ ᐎᔭᐱᒪᒡ ᐊᓂᔭᔪᐛ ᐊᑈᔅᑕᓇ ᐊ ᐃᓯ ᒪᒥᔅᑲᒡ ᐃᑎᔨᒋ ᒋ ᐃᑐᑕᐊᐅᒡ ᐊᓂᔭᔪᐛ ᑲ ᐊᐧᑯᓯᔨᒋ ᐊᓐᑕ ᒪᔅᑭᓇᒡ ᐊᔅᐱᓯᒧᐅᓂᒡ ᑭᔭ ᑕᑎᔭᒋᓂᑭᓂᒡ ᐊ ᐱᒥᓯᓂᔨᒋ, ᐊ ᐃᑕᔨᑕᒡ ᐊᑎ ᒥᒄ ᑕᐅᐅᑯᑥᐛ ᐱᑕᕋ ᐊ ᑎᑲᔅᑕᓯᓂᔨᒋ ᒋᑭ ᒋ ᒥᓏᑎᓯᐅᒡ᙮

ᐃᑉᕈᐛ 12:6

ᐛᔅ ᒋᓴᒪᓂᑐᐤ ᑯᐃᔅᑯᓇᐤ ᐊᓂᔭ ᒥᓯᐛ ᑲ ᓴᒋᐊᑦ, ᑭᔭ ᑯᐃᔅᑯᓇᐤ ᐊᓂᔭ ᒥᓯᐛ ᐅᑦ ᐊᐛᓯᒪ ᑲ ᐃᓯ ᑭᓄᐛᐱᒪᑦ᙮”