ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒋᓴᔅ ᒪᒃ ᒋ ᐸᑐᐛᐤ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:17 Iomraidhean Croise

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 15:29

ᐊᑯ ᒂ ᐃᑕᑦ ᐅᑕᐎᔭ, ‘ᑭᓄᐛᐸᑕ ᒪ, ᒥᒐᑐᐱᐳᓇ ᐊᑯ ᑲ ᐃᔅᐱᔅ ᐊᑐᔅᑲᑕᓐ ᓇᒪ ᒪᒃ ᓂᑕ ᓂ ᐅᒋ ᐃᑎᓐ ᒐ ᐊᑲ ᒋ ᓂᓇᐃᑎᒪᓐ ᑕᓐ ᑲ ᐃᑎᓱᐛᔨᓐ᙮ ᒐᒂᓐ ᒪᒃ ᐛᒡ ᐊᑲ ᐸᒋ ᒥᔨᓐ ᓂᔾ ᒐᒋ ᐅᒋ ᐎᒋᒥᑯᓴᒥᒂᐤ ᓂᐎᒐᐛᑭᓂᒡ᙮

ᓗᒃ 15:7

ᒂ ᐃᔅᒋᔄᑦ ᒥᓐ ᒋᓴᔅ, “ᒋ ᐎᑎᒪᑎᓇᐛᐤ, ᒧᔭᒻ ᐊᐅᑯᓐ ᐊ ᐃᑕᔨᑕᒂᒡ ᒧᒋᒐᔨᑎᒧᐅᓐ ᐊᓐᑕ ᒋᒋᒋᓯᑯᒡ ᐃᔅᐱ ᐸᐃᒄ ᐅᒥᒋᑥᐤ ᐊ ᓇᑕᑦ ᒋᓴᒪᓂᑐᐛ ᐊ ᐎ ᒂᔅᑲᑎᓯᑦ, ᐅᔅᑕ ᐎᔾ ᒧᒋᒐᔨᑎᒥᐃᐛᐤ ᐃᔅᐱᔅ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᑲ ᑯᐃᔅᑯᑕᑎᓯᒡ ᐊᐛᓐᒋ ᓴᔅ ᐊ ᒂᔅᑲᑎᓯᒡ᙮”

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᒠᓐ 9:34

ᐊᑯ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᓇᐸᐛ ᐊ ᐃᑕᒡ, “ᒥᒐᑎᓯᐅᓂᒡ ᔅᒋ ᐅᒋ ᐱᒪᑎᓯᓐ ᑭᔭ ᐊᓐᑕ ᒥᒐᑎᓯᐅᓂᒡ ᐊᑯᑕ ᑲ ᐃᓯ ᓂᑕᐅᒋᓂᑯᔨᓐ, ᐊ ᐃᑕᔨᑎᒥᓐ ᒪᒃ ᐃᔭᐱᒡ ᒐᒋ ᒋᔅᑯᑎᒧᐅᔭᒡ᙮” ᐊᑯ ᒂ ᐎᐎᑎᓴᐛᒡ ᒋᒋᐛ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭᔪᐛ ᓇᐸᐛ᙮

ᒠᓐ 9:40

ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ᑕᐅᒡ ᐊᓐᑕ ᑭᔭ ᒋ ᐸᑐᐛᐅᒡ ᐊᓂᔭ ᑲ ᐃᔅᒋᔄᔨᒋ ᐊᑯ ᑲ ᑯᒂᒋᒪᒡ ᐊ ᐃᑕᒡ, “ᒋᑦ ᐃᔅᒋᔄᓐ ᐊ ᑭᔭ ᓂᔭᓐ ᐊᑲ ᐛᐸᑎᒪᒡ ?”

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᐊᑈᔅᑕᓇᒡ 26:20

ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ ᓂᒋ ᐱᐸᑭᒐᔅᒋᒧᓐ ᐊ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ᓄᑯᓂᔨᒡ ᑕᑈ ᐊ ᒂᔅᑲᑎᓯᒡ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮