ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒋᓴᔅ ᒪᒃ ᑲᐤ ᒋ ᓇᓯᐸᐤ ᐊᓂᔭ ᑲᓕᓕ ᓴᑲᐃᑭᓂᔪᐤ᙮ ᒋ ᒥᒐᑎᔪᐛ ᐊᐛᔪᐛ ᐊ ᐸᒋ ᓂᑐᐛᐱᒥᑯᑦ ᐊᑯ ᒂ ᒋᔅᑯᑎᒧᐛᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:13 Iomraidhean Croise

ᒪᑎᔪᐤ 13:1

ᐊᓂᔭ ᒪᒃ ᐸᐃᑯᑕᐤ ᐊ ᒋᓯᑲᔨᒡ ᒋᓴᔅ ᒋ ᓂᑭᑎᒻ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᑕᑦ, ᐊᑯ ᐊᓐᑕ ᓇᓯᐸᑎᒥᒡ ᒂ ᐃᑐᑕᑦ ᐊᑯ ᐊᓐᑕ ᓯᓱᒡ ᒂ ᐛᐛᔨᐱᑦ᙮

ᒪᑎᔪᐤ 9:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ᐱᒧᑕᑦ, ᒋ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊᒋ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ᐱᓯᑯᑦ, ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:45

ᒂ ᔅᑐᑕᑦ ᐅ ᓇᐸᐤ᙮ ᒥᒄ ᒪᒃ ᐃᔭᐱᒡ ᒋ ᐛᐎᑎᒧᐛᐤ ᒥᓯᐛ ᐊᐛᔪᐛ᙮ ᐅᔭ ᒪᒃ ᐊᒋ ᐃᑎᑦ ᓇᒪ ᐛᐛᒡ ᐅᒋ ᐱᒐᔪᐛ ᒋᓴᓴ ᐅᑕᓇᒡ ᐊᑲ ᒧᓯᐊᑭᓄᔨᒋ᙮ ᐊᑯ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᐊᑯᑕ ᒥᒄ ᑲ ᑕᑦ ᒋᓴᔅ ᐊᓐᑕ ᐊᑲ ᐃᑕᓄᐎᒡ᙮ ᐃᔭᐱᒡ ᒪᒃ ᒋ ᐸᒋ ᓂᑐᐛᐱᒥᑯᐤ ᐊᐛᔪᐛ ᓂᓇᐧᑯᐤ ᐊ ᐅᑐᑕᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:1

ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᐊᓂᔭ ᑲ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ᒥᒐᑎᔪᐛ ᐊ ᐸᒋ ᓂᑐᐛᐱᒥᑯᑦ᙮ ᐊᑯ ᒂ ᐃᑐᑐᐛᑦ ᑕᓐ ᑲᒋ ᐃᑐᑐᐛᑦ ᒪᓐ ᐊᐛᔪᐛ ᐊ ᓂᑐᐛᐱᒥᑯᑦ, ᒋ ᒋᔅᑯᑎᒧᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:2

ᑎᐛᒡ ᒪᒃ ᒥᒐᑦ ᐊᐛᔪᐛ ᒋ ᐸᒋ ᑎᑯᓯᓂᔪᐛ, ᒐᒃ ᓇᒪ ᐅᒋ ᑕᐱᔅᑲᑐᔪᐛ ᐊᓂᔭ ᒥᒋᐛᐱᔪᐤ, ᐛᐛᒡ ᐊᓐᑕ ᐎᐎᑎᒥᒡ ᒋᐱᔎᒡ ᒐᒋ ᑐᐛᔨᒡ᙮ ᒋᓴᔅ ᒪᒃ ᒋ ᑭᒐᔅᒋᒪᐤ ᐊᓂᔭᔪᐛ ᑲ ᑎᑯᓯᓂᔨᒋ, ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑎᒧᐛᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:1

ᐸᐃᒂᐤ ᒥᓐ ᐊ ᒋᔅᑯᑎᒪᒐᑦ ᒋᓴᔅ ᓯᓱᒡ ᑲᓕᓕ ᓴᑲᐃᑭᓂᒡ, ᒐᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᐊ ᐸᒋ ᓂᑐᑕᑯᑦ᙮ ᐊᑯ ᒂ ᐳᓯᑦ ᐅᐤᑎᔪᐤ, ᑲ ᐊᑯᒧᑦ ᐊᓐᑕ ᓴᑲᐃᑭᓂᒡ᙮ ᐊᑯ ᐊᓂᔭ ᒥᒐᑦ ᐊᐛᔪᐛ ᒂ ᐸᒋ ᑎᑯᓯᓂᔨᒋ ᐊ ᐎ ᓂᑐᑕᑯᑦ ᐊᓐᑕ ᓯᓱᒡ ᒋ ᑕᔪᐛ᙮

ᓗᒃ 19:48

ᒥᒄ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᑎᒡ ᒐᒋ ᓂᐸᐊᒡ ᐛᔅ ᒥᓯᐛ ᐊᓂᔭ ᐃᔪᐛ ᓇᔅᒡ ᐃᔭᒂ ᒋ ᓂᑐᑐᐛᔪᐛ ᒥᓯᐛ ᐊᒋ ᐎ ᐸᑎᒥᔨᒋ ᑕᓐ ᐊ ᐃᔅᒋᔄᔨᒋ ᒋᓴᓴ᙮

ᓗᒃ 21:38

ᐎᐱᒡ ᒪᒃ ᒋᔭᒋᓴᐸᔭᔨᒋ, ᒥᓯᐛ ᐃᔪᒡ ᒋ ᐃᑐᑕᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒐᒋ ᓂᑐᑐᐛᒡ ᒋᓴᓴ᙮