ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓇᒪ ᒥᒐᑐᐤ ᒋᓯᑲᐛ ᐅᒋ ᐎᒪᐱᔪᐛ ᐊᑯ ᒋᓴᔅ ᒥᓐ ᒂ ᐱᒐᑦ ᐊᓂᔭ ᐅᑕᓇᔪᐤ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᐃᔪᒡ ᑲ ᐸᑕᒡ ᒥᓐ ᐊᒋ ᐸᒋ ᒋᐛᔨᒋ ᐊᑯ ᒂ ᒥᓯᑕᔭᒋᒧᓇᓄᐎᒡ ᒥᓐ ᐊ ᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:1 Iomraidhean Croise

ᒪᑎᔪᐤ 4:13

ᐊᑯ ᓂᑭᑕᐧᒃ ᓇᓴᕆᑎᔪᐤ, ᑭᔭ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᒥᒋᒪ ᑲᓕᓕ ᓴᑲᐃᑭᓂᒡ ᑲ ᑎᑯᓂᔨᒡ ᐊᑯᑕ ᑲ ᐎᒋᑦ, ᐊᓐᑕ ᓴᐳᓕᓐ ᑭᔭ ᓇᑉᑕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᒪᑎᔪᐤ 9:1

ᐊᑯ ᒋᓴᔅ ᑈᓯᑦ ᐅᐤᑎᔪᐤ ᒂ ᐊᓱᐊᒡ ᐊᓂᔭ ᓴᑲᐃᑭᓂᔪᐤ, ᐊᓐᑕ ᐅᑕᓇᔪᐤ ᑲ ᐎᒋᑦ ᐊᑯᑕ ᑲ ᐃᔅᒋᒪᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:45

ᒂ ᔅᑐᑕᑦ ᐅ ᓇᐸᐤ᙮ ᒥᒄ ᒪᒃ ᐃᔭᐱᒡ ᒋ ᐛᐎᑎᒧᐛᐤ ᒥᓯᐛ ᐊᐛᔪᐛ᙮ ᐅᔭ ᒪᒃ ᐊᒋ ᐃᑎᑦ ᓇᒪ ᐛᐛᒡ ᐅᒋ ᐱᒐᔪᐛ ᒋᓴᓴ ᐅᑕᓇᒡ ᐊᑲ ᒧᓯᐊᑭᓄᔨᒋ᙮ ᐊᑯ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᐊᑯᑕ ᒥᒄ ᑲ ᑕᑦ ᒋᓴᔅ ᐊᓐᑕ ᐊᑲ ᐃᑕᓄᐎᒡ᙮ ᐃᔭᐱᒡ ᒪᒃ ᒋ ᐸᒋ ᓂᑐᐛᐱᒥᑯᐤ ᐊᐛᔪᐛ ᓂᓇᐧᑯᐤ ᐊ ᐅᑐᑕᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:2

ᑎᐛᒡ ᒪᒃ ᒥᒐᑦ ᐊᐛᔪᐛ ᒋ ᐸᒋ ᑎᑯᓯᓂᔪᐛ, ᒐᒃ ᓇᒪ ᐅᒋ ᑕᐱᔅᑲᑐᔪᐛ ᐊᓂᔭ ᒥᒋᐛᐱᔪᐤ, ᐛᐛᒡ ᐊᓐᑕ ᐎᐎᑎᒥᒡ ᒋᐱᔎᒡ ᒐᒋ ᑐᐛᔨᒡ᙮ ᒋᓴᔅ ᒪᒃ ᒋ ᑭᒐᔅᒋᒪᐤ ᐊᓂᔭᔪᐛ ᑲ ᑎᑯᓯᓂᔨᒋ, ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑎᒧᐛᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:20

ᐊᑯ ᒂ ᒋᐛᑦ ᒋᓴᔅ ᑕᓐᑕ ᐊᓂᔭ ᒪᒂᒡ ᑲ ᑕᑦ᙮ ᐊᑯ ᒥᓐ ᒂ ᒥᒐᑎᔨᒋ ᐊᐛᔪᐛ ᐊ ᐸᒋ ᒪᒧᐎᔨᒋ᙮ ᒐᒃ ᓇᒪ ᐛᐛᒡ ᐅᒋ ᐃᔅᐱᓯᔪᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒐᒋ ᒥᒋᓱᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:17

ᐃᔅᐱ ᒪᒃ ᓇᑭᑕᑦ ᐊᓂᔭ ᑲ ᐸᒋ ᒪᒧᑲᐳᔅᑕᑯᑦ ᒋ ᐱᒐᐤ ᐊᓐᑕ ᒥᒋᐛᐱᒡ᙮ ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ᑯᒂᒋᒥᑯᑦ ᒐᒋ ᐎᑎᒧᐛᑦ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᑲ ᐃᔅᒋᔄᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:24

ᒋᓴᔅ ᒪᒃ ᒋ ᔅᑐᑕᐤ᙮ ᐊᓐᑕ ᐊᓂᔭ ᐊᔅᒋᔪᐤ ᒥᒋᒪ ᓴᐃᑐᓐ ᑭᔭ ᑕᐃᕋ ᑲ ᑎᑯᓂᔨᒡ ᐊᑯᑕ ᑲ ᐃᑐᑕᑦ᙮ ᑕᑯᓯᓂᑦ ᒪᒃ ᒋ ᐱᒐᐤ ᒥᒋᐛᐱᔪᐤ ᐊᑯ ᒂ ᐃᑎᓱᐛᑦ ᒐ ᐊᑲ ᒋ ᐎᑎᒧᐛᑭᓄᔨᒋ ᐊᐛᔪᐛ ᐊᓐᑕ ᐊ ᑕᑦ᙮ ᒥᒄ ᒪᒃ ᓇᒪ ᓇᐅᔅ ᐅᒋ ᐃᓯᓇᑯᓂᔪᐤ ᐅᔭ ᑲ ᐃᓯ ᓂᑐᐛᔨᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:28

ᒂ ᐊᑎ ᔅᑐᑕᑦ ᒋᓴᔅ ᐊᑯ ᒂ ᐱᒐᑦ ᒥᒋᐛᐱᔪᐤ᙮ ᐅᒋᔅᒋᓄᐊᒧᐛᑭᓇ ᒪᒃ ᒋ ᑯᒂᒋᒥᑯᐤ ᒥᒄ ᐎᔨᐛᐤ ᐊ ᑕᒡ, “ᒐᒂᓐ ᐛᒋ ᐊᑲ ᐅᒋ ᐃᑐᑐᐅᒋᒡ ᓂᔭᓐ ᒥᒋ ᐊᒐᐧᒄ ᒐᒋ ᐎᐎᑦ ᐊᓐᑕ ᐊᓂᔭ ᐊᐛᔪᐛ ᑲ ᐱᒋᔅᑯᐛᑦ ?”

ᓗᒃ 4:23

ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”

ᓗᒃ 5:18

ᒪᒂᒡ ᒪᒃ ᐊ ᒋᔅᑯᑎᒪᒐᑦ ᒋᓴᔅ ᒋ ᐅᒋ ᐸᓱᐛᐅᒡ ᓇᐸᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐊᔅᐱᓯᒧᓂᒡ ᐊ ᐱᒥᓯᓂᔨᒋ᙮ ᒋ ᐎ ᐱᑎᑲᐊᐅᒡ ᐊᓐᑕ ᒥᒋᐛᐱᒡ ᐊᒋ ᐎ ᐱᒥᓯᒪᒡ ᑎᐱᔅᑯᒡ ᒋᓴᓴ ᐊ ᑕᔨᒋ᙮

ᒠᓐ 4:47

ᐃᔅᐱ ᐱᔭᑕᐧᒃ ᐊᓐ ᐅᒋᒪᐤ ᐊᒋ ᑎᑯᓯᓂᔨᒋ ᒋᓴᓴ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᒍᑎᔭ ᐊᔅᒋᒡ ᐊ ᐅᑐᑕᑦ, ᒋ ᓂᑐᐛᐱᒪᐤ ᐊᑯ ᒂ ᐊᔨᐧᑭᒥᐊᑦ ᒐᒋ ᐃᑐᑕᔨᒋ ᐊᓐᑕ ᑲᐳᕐᓇᐊᒥᒡ, ᒐᒋ ᒥᓏᒋᐊᔨᒋ ᐊᓂᔭ ᐅᑯᓴ, ᐛᔅ ᓴᔅ ᒐᑲᑦ ᓇᒪ ᐅᒋ ᐱᒪᑎᓯᔪᐛ᙮

ᐊᑈᔅᑕᓇᒡ 2:6

ᐃᔅᐱ ᒪᒃ ᐱᔭᑕᒡ ᐅᔭ ᐊ ᐃᑎᑕᑯᓂᔨᒡ ᒥᒐᑦ ᐊᐛᓐᒋ ᒋ ᐃᔅᐸᔨᑐᐅᒡ ᐊᓐᑕ᙮ ᒋ ᑯᔅᑯᐱᔪᒡ ᒪᒃ ᐛᔅ ᒋ ᐸᑐᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᒥᓯᐛ ᐊᓂᔭᔪᐤ ᐎᔨᐛᐤ ᑕᓐ ᐊ ᐃᓯ ᐃᔨᒥᒡ ᐊ ᐃᓯ ᐃᔨᒥᔨᒋ᙮