ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐅᑎᓇᑥᐛ ᒋᓇᐱᒂ, ᒪᒃ ᒥᓂᑥᐛ ᒐᒂᔪᐤ ᐊ ᒥᒋᓂᑐᐧᑯᓄᐎᒡ ᓇᒪ ᒋᑭ ᐅᒋ ᐎᔭᔅᑐᑕᑯᐅᒡ᙮ ᑲ ᐊᐧᑯᓯᔨᒋ ᐊᐛᔪᐛ ᒋᑭ ᓴᒥᓇᐅᒡ ᑭᔭ ᒐ ᒥᓏᑎᓯᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:18 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 91:13

ᒋᑭ ᑕᑯᔅᑲᑕᐤ ᒥᓯᐱᓱᐤ ᑭᔭ ᒋᓇᐱᒄ: ᒥᓯᐱᓯᔅ ᑭᔭ ᒥᔅᑎᒋᓇᐱᒄ ᒋᑭ ᒪᒪᑯᔅᑯᐛᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:23

ᒋ ᓂᑐᑎᒧᐛᐤ ᒋᓴᓴ ᐊ ᐃᑕᑦ, “ᓴᔅ ᒐᑲᑦ ᓂᐳᐤ ᓂᑕᓂᔅ᙮ ᒋ ᐎᓴᒥᑎᓐ ᒐᒋ ᐸᒋ ᓴᒥᓂᑦ ᒐᒋ ᒥᓏᑎᓯᑦ ᑭᔭ ᓇᒪ ᒋᑭ ᐅᒋ ᓂᐳᐤ᙮”

ᓗᒃ 10:19

ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮

ᐊᑈᔅᑕᓇᒡ 19:12

ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ᐃᑐᑕᑭᓄᐅᔪᐛ ᐊᓐᑕ ᑲ ᐊᐧᑯᓯᔨᒋ ᐊᐛᔪᐛ ᐊ ᑕᔨᒋ, ᑎᐛᒡ ᒪᒃ ᒋ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ᐊᒐᐧᑯᒡ ᒋ ᐎᐎᔪᒡ ᐊᓐᑕ ᐊᓂᔭ ᑲ ᐱᒋᔅᑯᐛᒡ ᐊᐛᔪᐛ᙮

ᐊᑈᔅᑕᓇᒡ 3:12

ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ, ᒐᒂᓐ ᐛᒋ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ᐱᒧᑕᑦ ᐅ ᓇᐸᐤ ?

ᐊᑈᔅᑕᓇᒡ 3:16

ᐊᓂᔭᔪᐤ ᐊ ᓱᒐᔨᑕᑯᓂᔨᒡ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᐅᒄ ᐅᔭ ᐛᒋ ᒥᓏᑎᓯᑦ ᐅ ᓇᐸᐤ᙮ ᔅᒋ ᒋᔅᒐᔨᒪᐛᐤ ᑭᔭ ᔅᒋ ᐛᐱᒪᐛᐤ ᑕᓐ ᑲ ᐃᓯᓇᑯᓯᑦ᙮ ᔅᒋ ᐛᐱᒪᐛᐤ ᒪᒃ ᐊᓐᑕ ᐅᑎᔅᑯᐤ ᐊ ᑕᔭᒄ ᑲ ᒥᓏᒋᐊᑭᓄᐅᑦ ᐊᓂᔭᔪᐤ ᐊ ᑕᑈᔭᔨᒪᑦ ᒋᓴᓴ ᐅᒡ᙮”

ᐊᑈᔅᑕᓇᒡ 4:10

ᒋᔅᒐᔨᑎᒥᒄ ᒥᓯᐛ ᐊᑎᓯᔭᒄ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐅᑦ ᐃᓯᓂᐧᑲᓱᐅᓐ ᐅᒋ ᐊᓐ ᒋᓴᔅ ᙭ ᓇᓴᕆᑎᒡ ᑲ ᐅᒋᑦ ᐊᓐ ᑲ ᒋᔅᑕᔎᑕᒄ ᒋᐱᔭᑎᑯᒡ ᑭᔭ ᒋᓴᒪᓂᑐᐤ ᑲ ᐅᓂᔅᑲᓇᑦ ᓂᐳᐅᓂᒡ ᐅᒡ, ᐊᐅᑯᐤ ᐅᒋ ᐅᐛ ᐃᔪᐤ ᒋᑦ ᐅᑎᔅᑯᑲᐳᔅᑕᑯᐛᐤ ᐊᒋ ᒥᓏᒋᐊᑭᓄᐅᑦ᙮

ᐊᑈᔅᑕᓇᒡ 4:22

ᐊᓐ ᒪᒃ ᓇᐸᐤ ᑲ ᒪᒥᔅᑲᒡ ᒥᓏᒋᐊᑭᓄᐅᑦ, ᐅᔅᑕ ᓇᐎᔪᐤ ᒋ ᐃᑕᑐᐳᓇᓱᐤ᙮

ᐊᑈᔅᑕᓇᒡ 4:30

ᐎᒋᐃᓇᓐ ᒪᒃ ᒐᒋ ᒥᓏᒋᐃᒋᒡ ᑲ ᐊᐧᑯᓯᒡ, ᑭᔭ ᑯᑎᑲ ᒪᒥᔅᑲᒡ ᐃᑐᐅᓇ ᒐᒋ ᐃᑐᑎᒪᒡ, ᒋᓴᔅ ᐊᓐ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐎᒋᑦ᙮”

ᐊᑈᔅᑕᓇᒡ 9:34

ᐊᑯ ᐱᑕᕐ ᒂ ᐃᑕᑦ, “ᐊᓂᔭᔅ, ᒋᓴᔅ ᙭ ᒋ ᒥᓏᒋᐃᒄ, ᐅᓂᔾ, ᒐ ᐅᑎᓂᒥᓐ ᒋᑦ ᐊᔅᐱᓯᒧᐅᓐ᙮” ᑎᐛᒡ ᒪᒃ ᒋ ᐅᓂᐤ ᐊᓂᔭᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:20

ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮ ᓂ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮

1 ᑯᕆᓐᑎᔭᓇ 12:9

ᐊᑯ ᑯᑎᑲ ᐊᐛᔪᐛ ᒪᔭᑦ ᓇᔅᒡ ᒐᒋ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒥᓐ ᑯᑎᑲ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᒥᓏᒋᐊᔨᒋ ᐊᐛᔪᐛ᙮