ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒪᕆ ᒪᒃᑕᓕᓐ ᒪᒃ ᒋ ᐎᑎᒧᐛᐤ ᐊᓂᔭ ᐊᐛᔪᐛ ᑲᒋ ᐛᐎᒐᐛᔨᒋ ᒋᓴᓴ᙮ ᒋ ᓇᐧᑲᒋᒧᔪᐛ ᑭᔭ ᒋ ᒪᔪᐛ ᒋ ᑯᓯᑯᑕᔪᐛ ᑲ ᐅᑎᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:10 Iomraidhean Croise

ᒪᑎᔪᐤ 19:22

ᐃᔅᐱ ᒪᒃ ᐱᔭᑕᐧᒃ ᐊᓐ ᓇᐸᐤ ᐅᔭᔪᐤ ᓇᔅᒡ ᑕᑈ ᒋ ᒥᒐᔨᑎᒻ ᐛᔅ ᓇᔅᒡ ᒋ ᐛᔪᑎᓯᐤ᙮

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 9:15

ᒋᓴᔅ ᒪᒃ ᒋ ᐃᑕᐤ, “ᒧᔭᒻ ᐊ ᓂᐳᐅᓇᓄᐅᒡ, ᓇᒪ ᒥᒐᔨᑎᒧᒡ ᐊᓐᒡ ᑲ ᐎᓴᒪᑭᓄᐎᒡ ᒪᒂᒡ ᐊᓐᑕ ᐊ ᑕᔨᒋ ᐊᓂᔭ ᑲ ᐅᔅᒋ ᓂᐳᔨᒋ᙮ ᐊᐅᑯᓐ ᒪᒃ ᐊᓯᓇᒂᒡ ᒪᒂᒡ ᐅᑕ ᐊ ᑕᔭᓐ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᑕᒡ ᒥᒄ ᒪᒃ ᐃᔅᐱ ᐅᑎᒋᐱᔨᒐ ᒐ ᐸᒋ ᐅᑎᓂᑯᔭᓐ ᐊᓐᑕ ᐊ ᑕᒡ ᐅᒋ, ᐊᑯ ᒪᒃ ᐃᔭᒄ ᒐ ᐃᑎᒡ ᐊᓯᑯᒻ ᐊ ᐊᑲ ᒥᒋᓱᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:72

ᑎᐛᒡ ᒪᒃ ᒥᓐ ᒋ ᐅᒋ ᐸᑕᑯᓱᐤ ᓇᐸ ᐱᑲᒂᓐ, ᐊᑯ ᐱᑕᕐ ᒂ ᒋᔅᒋᑦ ᑲ ᐃᑎᑯᑦ ᒋᓴᓴ, “ᐊᒺᔭ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮” ᐃᔅᐱ ᒪᒃ ᒥᔭᒥᑐᓇᔨᑕᐧᒃ ᐅᔭ, ᐊᑯ ᒥᔭᑦ ᐊ ᓂᓇᐧᑲᒋᒧᑦ᙮

ᓗᒃ 24:17

ᐊᑯ ᒂ ᑯᒂᒋᒥᑯᒡ, “ᒐᒂᓐ ᐅ ᑲ ᐊᔨᒧᑎᒪᒄ ᒪᒂᒡ ᐊ ᐱᒧᑕᔭᒄ ?” ᒋ ᒋᐱᒋᑲᐳᐅᒡ ᒪᒃ ᓇᔅᒡ ᐊ ᒥᒐᔨᑎᒧᐅᓇᑯᓯᒡ᙮

ᒠᓐ 16:6

ᐊᓄᒡ ᒪᒃ ᐊᒋ ᐎᑎᒪᑎᑯᒡ ᐊᑯ ᓇᔅᒡ ᐊ ᒥᓯᒪᔨᑎᒪᒄ᙮

ᒠᓐ 20:18

ᒪᕆ ᒪᒃᑕᓕᓐ ᒂ ᔅᑐᑕᑦ ᐊ ᓇᓂᑐᐛᐱᒪᑦ ᐊᓂᔭ ᒋᔅᒋᓄᐊᒧᐛᑭᓇ ᐊᑯ ᒂ ᐎᑎᒧᐛᑦ ᐊ ᐃᑕᑦ, “ᐅᑎᐸᔨᒋᒐᐤ ᓂᒋ ᐛᐱᒪᐤ᙮” ᒋ ᐎᑎᒧᐛᐤ ᑭᔭ ᐊᓂᔭ ᑕᓐ ᑲ ᐃᑎᑯᑦ ᒐ ᐃᑕᑦ᙮