ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐃᔅᐱ ᑲ ᐎᒪᐱᔨᒡ ᒍᐤ ᐃᔪᒡ ᐅᑦ ᐊᔭᒥᐊᐅᒋᓯᑲᒧᐛᐤ, ᒪᕆ ᒪᒃᑕᓕᓐ, ᑭᔭ ᒪᕆ ᒋᒥᔅ ᐅᑲᐎᔭ, ᑭᔭ ᓴᓗᒥ ᒋ ᐅᑎᓂᒧᒡ ᓂᓇᐧᑯᐤ ᐊ ᐃᓯᓇᑯᓂᔨᒋ ᐊ ᐎᒋᒪᑯᓂᔨᒋ ᑐᒥᓂᑭᓇ ᒐᒋ ᑐᒥᓂᒺᒡ ᒋᓴᓴ ᐎᔭᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:1 Iomraidhean Croise

ᒐᓂᓯᔅ 50:2

ᐊᑯ ᒍᓯᑉ ᐊᑕᑦ ᐊᓂᔭ ᑲ ᐃᑐᑕᑯᔨᒋ ᓂᑐᐧᑯᐃᔨᓴ ᒐ ᐊᔭᔅᑯᐎᑐᑎᒥᔨᒋ ᐅᑕᐎᔭ ᐎᔭᔪᐤ ᒐᒋ ᓇᐃᐧᑲᑭᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:3

ᐸᑕᓂᒡ ᒪᒂᒡ ᑲ ᑕᑦ ᒋᓴᔅ, ᓴᐃᒥᓇ ᑲ ᐅᒥᒋᐛᔅᐱᓇᔨᒋ ᐊᓐᑕ ᐎᒋᔨᒡ ᐊᑯᑕ ᑲ ᑕᑦ᙮ ᒥᒋᓱᐛᑭᓇᑎᑯᒡ ᒪᒂᒡ ᒋ ᐊᐳᐅᒡ ᐊ ᒥᒋᓱᒡ ᑲ ᐅᒋ ᐱᒐᔨᒋ ᐃᔎᐛ ᐊ ᑕᐧᑯᓂᒥᔨᒋ ᓇᔅᒡ ᐊ ᒥᔽᓯᔨᒡ ᐳᑕᔪᐤ ᐊᓯᓂᐅᐎᔨᒡ᙮ ᐊ ᒥᔅᑎ ᓱᓇᔭᐎᔨᒡ ᑐᒥᓂᑭᓂᔪᐤ ᐊ ᐎᒋᒪᑯᓯᔨᒡ ᐊᓐᑕ ᒋ ᐱᒋᑎᓂᔪᐤ᙮ ᒋ ᒧᔅᑕᑭᒥᔪᐤ ᒪᒃ ᐅᔭ ᑐᒥᓂᑭᓂᔪᐤ, ᓇᕐᑦ ᒋ ᐃᓯᓂᐧᑲᑕᔪᐤ᙮ ᒋ ᐱᑯᓂᒻ ᐊᓂᔭ ᐳᑕᔪᐤ, ᐊᑯ ᒂ ᑯᑎᐱᓇᐧᒃ ᐊᓂᔭ ᑐᒥᓂᑭᓂᔪᐤ ᐊᓐᑕ ᒋᓴᓴ ᐅᔅᑎᒂᓂᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:8

ᐅ ᐃᔎᐤ ᒋ ᐃᑐᑎᒻ ᐎᔾ ᐃᔅᐱᔅ ᐊ ᑭᔅᒋᑕᑦ᙮ ᓂᑲᓐ ᒋ ᑐᒥᓂᒻ ᐊᓂᔭᔪᐤ ᐊ ᐊᔭᔅᑯᐎᐧᑲᐧᒃ ᒐᒋ ᓇᐃᐧᑲᑭᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:40

ᒋ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:42

ᓴᔅ ᒋ ᐅᑕᑯᓯᔪᐤ ᑲ ᑎᑯᓯᐧᒃ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ᙮ ᐊᕆᒪᑎᔭ ᒋ ᐃᓯᓂᐧᑲᑕᔪᐤ ᐊᓐᑕ ᑲ ᐅᒋᑦ᙮ ᓇᔅᒡ ᒋ ᒋᔅᑕᔨᒥᑯᐤ ᐎᒋ ᐅᒋᒪᐛ ᑲ ᒪᒧᐱᔨᒋ᙮ ᑭᔭ ᐎᔾ ᒋ ᓇᓂᑐᐛᐸᑎᒺᐤ ᒋᓴᒪᓂᑐᐛ ᐅᒋᒪᐅᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:47

ᒪᕆ ᒪᒃᑕᓕᓐ ᑭᔭ ᒪᕆ, ᒍᓯᔅ ᐅᑲᐎᔭ ᐊᑯᑕ ᑲ ᑕᒡ, ᒋ ᐛᐸᑎᒺᐅᒡ ᑕᓐᑕ ᑲ ᐱᒥᓯᒪᑭᓄᔨᒋ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:2

ᐎᐱᒡ ᒪᒃ ᒋᔭᒋᓴᐸᔭᔨᒡ, ᓂᔅᑎᒻ ᐊ ᒋᓯᑲᔨᒡ ᐊᓂᔭᔪᐤ ᒥᓐ ᒐ ᐊᑎ ᒥᓇᔅᑕᑭᓄᐎᒡ, ᐃᔅᐱ ᐱᔭᒋ ᓴᑲᔅᑐᐛᔨᒋ ᐱᓯᒺ, ᒋ ᐃᑐᑕᐅᒡ ᐊᓐᑕ ᑲ ᐛᑎᒂᐱᔅᑲᐃᑭᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:8

ᐊᑯ ᒂ ᐎᐎᐸᔨᑐᒡ ᐊᓐᒡ ᐃᔎᐅᒡ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ ᐊ ᓂᓇᒥᐱᔨᒡ ᑭᔭ ᐊ ᓴᒋᓯᒡ᙮ ᓇᒪ ᐊᐛᔪᐛ ᐅᒋ ᐃᔨᒥᐊᐅᒡ ᑲ ᐃᔅᐱᔅ ᒋ ᑯᔅᑕᒋᒡ᙮

ᓗᒃ 23:54

ᐊᐅᒄ ᐅ ᐊ ᒋᓯᑲᒡ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᑭᔭ ᒪᒃ ᓴᔅ ᒋ ᐸᓱᓇᑯᓐ ᐊ ᒍᐤ ᐊᔭᒥᐊᐅᒋᓯᑲᒡ᙮

ᓗᒃ 23:56

ᐊᑯ ᒪᒃ ᒂ ᒋᐛᒡ ᒂ ᐊᔭᔅᑯᔅᑕᒡ ᐊᓂᔭ ᑲ ᐎᒋᒪᑯᓯᔨᒋ ᒥᔅᑯᓱᐛ ᑭᔭ ᑐᒥᓂᑭᓇ ᐊᓂᔭᔪᐛ ᒐ ᐊᐱᒋᑕᒡ ᐊ ᒥᔪᐧᑲᒡ ᐊᓂᔭ ᒥᔭᔪᐤ᙮ ᐊᓂᔭ ᒪᒃ ᒍᐤ ᐅᑦ ᐊᔭᒥᐊᐅᒋᓯᑲᒥᔪᐤ ᒋ ᐊᔅᑕᔭᔅᑯᓯᐅᒡ ᐛᔅ ᐊᑯᓐ ᑲ ᐃᓯ ᐃᑎᓱᐛᑕᑭᓄᐎᒡ ᒋᓴᒪᓂᑐᐛ ᐅᐎᓱᐛᐅᓂᒡ ᒐ ᐃᑐᐛᒂ᙮

ᓗᒃ 24:1

ᓂᔅᑎᒻ ᒪᒃ ᐊ ᒋᓯᑲᔨᒡ ᐊᓂᔭ ᐊ ᒥᓇᔅᑕᑭᓂᔨᒡ ᓇᔅᒡ ᒪᒃ ᐎᐱᒡ ᐊ ᒐᒋᓴᐸᔭᔨᒡ ᐊᓐᒡ ᐃᔎᐅᒡ ᒋ ᐃᑐᑕᐅᒡ ᐊᓐᑕ ᑲ ᐛᑎᒂᐱᔅᑲᐃᑭᓄᐎᒡ ᐊᓂᔭ ᑲ ᐊᔭᔅᑯᔅᑕᒡ ᐊ ᐎᒋᒪᑯᓯᔨᒋ ᒐᒂᔪᐛ ᒐᒋ ᑐᒥᓇᒡ ᐊᓂᔭ ᒥᔭᔪᐤ᙮

ᒠᓐ 19:25

ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮

ᒠᓐ 19:31

ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᓇᒪ ᐅᒋ ᓂᑐᐛᔨᒪᐅᒡ ᐊᓂᔭᔪᐛ ᐊ ᓂᔅᑎᔨᒋ ᑲ ᒋᔅᑕᔎᑕᑭᓄᔨᒋ ᓇᐸᐛ ᐊᔅᒄ ᒐᒋ ᐃᑎᑯᒋᓂᔨᒋ ᐛᐸᓂᔨᒐ ᐛᔅ ᐊᐅᒄ ᐊᓂᔭ ᒐ ᒋᓴᐊᔭᒥᐊᐅᒋᓯᑲᔨᒡ, ᐊᑯ ᒂ ᐃᑕᒡ ᑈᓚᑕ ᒐᒋ ᐃᑎᓱᐛᔨᒋ ᒐᒋ ᓇᑥᑲᑕᐛᑭᓄᔨᒋ ᐊᓂᔭᔪᐛ ᓇᐸᐛ, ᑭᔭ ᒐᒋ ᓂᑎᓂᑲᓄᔨᒋ ᐎᔪᐛᐛ ᒐᒋ ᓇᐅᔅᑕᑭᓄᔨᒋ᙮