ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᐊᓂᔭ ᒪᒃ ᐊ ᒋᓯᑲᔨᒡ ᐊᑯᑕ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᐊᑯ ᐊᓐ ᒥᓐ ᐊ ᒋᓯᑲᒡ ᐊᐅᒄ ᐊᓂᔭ ᐅᑦ ᐊᔭᒥᐊᐅᒋᓯᑲᒧᐛᐤ ᒍᐤ ᐃᔪᒡ᙮ ᐊᑯ ᒍᓯᑉ, ᐊᕆᒪᑎᔭᒡ ᑲ ᐅᒋᑦ, ᐊᓐ ᓇᐸᐤ ᑲ ᐊᓯᓄᐛᑕᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᒂ ᐊᑎ ᓂᑐᐛᐱᒪᑦ ᑈᓚᑕ ᐊᑲ ᓇᔅᒡ ᑯᔅᑕᒋᑦ, ᒂ ᑯᒂᒋᒪᑦ ᒐᒋ ᒥᔭᑭᓄᐅᑦ ᒋᓴᓴ ᐎᔭᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:43 Iomraidhean Croise

ᒪᑎᔪᐤ 19:30

ᒥᒄ ᒪᒃ ᒥᒐᑦ ᐊᓐᒡ ᐊ ᒋᔅᑕᔨᑕᑯᓯᒡ ᑲ ᐃᑕᔨᒪᑭᓄᐎᒡ ᓇᒪ ᒋᑭ ᐅᒋ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᑭᔭ ᒥᒐᑦ ᐊᓐᒡ ᑲ ᐃᑕᔨᒪᑭᓄᐎᒡ ᐊ ᐊᑲ ᒋᔅᑕᔨᑕᑯᓯᒡ ᒋᑭ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”

ᒪᑎᔪᐤ 20:16

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᒐ ᐅᒋ ᐅᑕᒡ ᐃᓯ ᐱᔅᑎᓇᑭᓄᐅᒡ ᐊᓐᒡ ᓂᑲᓄᒡ ᑲ ᐃᑕᐃᓱᒡ ᐊᑯ ᐊᓐᒡ ᒪᔅᑕᔾ ᑲ ᐃᓯ ᐱᔅᑎᓂᓱᒡ ᓂᑲᓄᒡ ᒋᑭ ᐃᓯ ᐱᔅᑎᓇᑭᓄᐅᒡ᙮ ᒥᒐᑦ ᒪᒃ ᑕᑈᑕᑭᓄᐎᒡ, ᒥᒄ ᓇᒪ ᒥᒐᑐᐅᒡ ᐛᑎᓇᑭᓄᐎᒡ᙮”

ᒪᑎᔪᐤ 27:57

ᐃᔅᐱ ᒪᒃ ᐊ ᐊᑎ ᐅᑕᑯᓯᔨᒡ ᒋ ᑎᑯᓯᓄᐤ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ᙮ ᓇᔅᒡ ᒋ ᐛᔪᑎᓯᐤ ᐅ ᓇᐸᐤ᙮ ᐊᓐᑕ ᒪᒃ ᐅᑕᓇᔪᐤ ᐊᕆᒪᑎᔭ ᑲ ᐃᓯᓂᐧᑲᑕᔨᒡ ᐊᑯᑕ ᑲ ᐅᒋᑦ᙮ ᒋ ᓇᓴᐛᐤ ᑭᔭ ᐎᔾ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:54

ᐱᑕᕐ ᒪᒃ ᐛᔪᐎᔅ ᐊᓐᑕ ᒋ ᐅᒋ ᐱᒧᑕᐤ᙮ ᑲ ᐊᑎ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᑎᑯᓂᔨᒡ᙮ ᒋ ᐎᑎᐱᒪᐤ ᐊᐱᒋᐊᑭᓇ ᑭᔭ ᒋ ᑎᐅᓱᐤ ᐃᔅᑯᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:44

ᑈᓚᑦ ᒪᒃ ᒋ ᒥᔅᑲᑕᔨᑎᒡ ᐊ ᐸᑕᐧᒃ ᓴᔅ ᐊᒋ ᓂᐱᔨᒋ ᒋᓴᓴ᙮ ᒋ ᐎᓴᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᐊᑯ ᒂ ᑯᒂᒋᒪᑦ ᓴᔅ ᑲ ᓂᐱᒂᓂ ᒋᓴᓴ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᓗᒃ 2:38

ᒪᒂᒡ ᒪᒃ ᐊᓐᑕ ᐊ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ᐱᒐᐤ ᐅ ᒋᓴᐃᔎᔅ᙮ ᒋ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ᑕᔨᒋ, ᐊᓂᔭ ᑲ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮

ᓗᒃ 23:50

ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ,

ᓗᒃ 23:51

ᑭᔭ ᐎᔾ ᒋ ᐊᓱᐛᐸᑎᒻ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐᒋ ᐅᑎᒋᐱᔨᒡ ᑭᔭ ᒋ ᐎᒋᐃᐛᐤ ᒍᐤ ᐃᔪᐛ ᐊ ᓂᑲᓂᔅᑯᐛᑭᓄᔨᒋ᙮ ᓇᒪ ᒪᒃ ᐅᒋ ᓇᐊᔨᑎᒻ ᑕᓐ ᑲ ᐃᓯ ᐃᑕᔨᑎᒥᔨᒋ ᒐ ᐃᑐᑐᐛᔨᒋ ᒋᓴᓴ ᑭᔭ ᓇᒪ ᐅᒋ ᓂᔅᑯᒧᐤ ᒐᒋ ᐃᑐᑐᐛᑭᓄᔨᒋ ᐊᓂᔭ ᑕᓐ ᑲ ᐃᑐᑐᐛᑭᓄᔨᒋ᙮

ᒠᓐ 19:38

ᐸᑎᒪ ᒪᒃ ᒍᓯᑉ, ᐊᕆᒪᑎᔭᒡ ᑲ ᐅᒋᑦ ᓇᐸᐤ ᒋ ᓂᑐᐛᔨᑎᒧᐛᐤ ᑈᓚᑕ ᒋᓴᓴ ᐎᔭᔪᐤ ᒐᒋ ᓇᐅᔅᑕᐛᑦ᙮ ᒍᓯᑉ ᒪᒃ ᒋᒧᑦ ᒋ ᑕᑈᔭᔨᒪᐤ ᒋᓴᓴ ᐛᔅ ᒋ ᑯᔅᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᓂᔅᑯᒧᐤ ᒪᒃ ᑈᓚᑦ ᑕᓐ ᑲ ᐃᓯ ᓂᑐᐛᔨᑎᒥᔨᒋ ᒍᓯᐸ᙮ ᐊᑯ ᒪᒃ ᒍᓯᑉ ᒂ ᐅᑎᓂᒺᑦ ᒋᓴᓴ ᐎᔭᔪᐤ ᒂ ᔅᑐᑕᐛᑦ᙮

ᐊᑈᔅᑕᓇᒡ 13:50

ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮

ᐊᑈᔅᑕᓇᒡ 17:12

ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮

ᐱᓕᐱᔭᓇ 1:14

ᑭᔭ ᐊ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮