ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓐ ᒪᒃ ᓂᔅᑎᒻ ᐊ ᒋᓯᑲᒡ ᐊᑲ ᐅᐱᔨᑦ ᐸᒂᓯᑭᓐ ᐊᐱᒋᐊᑭᓄᐅᑦ, ᐃᔅᐱ ᒪᒃ ᑲ ᓂᐸᐊᒡ ᐎᒪᔅᑲᒐᐤ ᒪᔭᑕᓂᓴ ᒋᓴᔅ ᒋ ᐃᑎᑯᐤ ᐅᒋᔅᒋᓄᐊᒧᐛᑭᓇ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᒐᒋ ᒥᒋᔨᓐ ᐎᒪᔅᑲᒐᐅ-ᒥᑯᓴᓐ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:12 Iomraidhean Croise

ᐊᒃᓱᑕᔅ 12:18

ᐅᔅᑭᒡ ᐱᓯᒻ ᒐ ᐊᑲ ᒧᐛᒄ ᐸᒂᓯᑭᓐ ᐊᓯᐅᔅᑎᒪᑭᓄᐅᑦ, ᐊ ᓇᐅᓴᑉ ᒋᓯᑲᒡ ᐊ ᐅᑕᑯᓯᒡ ᐅᒡ ᐃᔅᐱᔅ ᓂᓱᔪᐤ ᐊᓱ ᐸᐃᒄ ᐊ ᒋᓯᑲᒡ ᐊ ᐅᑕᑯᓯᒡ᙮

ᐊᒃᓱᑕᔅ 12:6

ᒋᑭ ᑭᓄᐛᔨᒪᐛᐤ ᒪᒃ ᐃᔅᐱᔅ ᓇᐅᓴᑉ ᐊ ᒋᓯᑲᒡ ᐊᓐ ᐱᓯᒻ: ᑭᔭ ᒥᓯᐛ ᑲ ᒪᒧᐎᒡ ᐃᔅᕋᐃᓪ ᐃᔪᒡ ᒋᑭ ᓂᐸᐊᐅᒡ ᐊᑎ ᐅᑕᑯᓯᔨᒐ᙮

ᐊᒃᓱᑕᔅ 12:8

ᒋᑭ ᒥᒍᐛᐅᒡ ᒪᒃ ᐅᐎᔭᓯᔪᐤ ᐊᓂᔭ ᐊ ᑎᐱᔅᑲᔨᒡ; ᐊ ᓯᑭᑈᓄᐎᒡ ᒋᒡ ᑭᔭ ᐊᑲ ᐅᐱᓱᐎᔨᒋ ᐸᒂᓯᑭᓇ, ᒋᒡ ᑭᔭ ᐎᓴᒋᐸᒂ ᒋᑭ ᐃᓯ ᒥᒍᐅᒡ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:1

ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:11

ᐃᔅᐱ ᒪᒃ ᐱᔭᑐᐛᒡ ᐊᔭᒥᐊᐅᒋᒪᐅᒡ ᒋ ᓯᒋᔭᐃᑯᐅᒡ ᐅᔭ ᐊ ᐃᔅᒋᔄᔨᒋ ᒋ ᐊᓱᑎᒧᐛᐅᒡ ᒐᒋ ᒥᔭᒡ ᓱᓇᔭᔪᐤ᙮ ᐊᑯ ᒍᑎᔅ ᒂ ᓂᓇᑭᑐᐛᔨᑕᐧᒃ ᑕᓐᑕ ᒐ ᓇᐃᐱᔨᒂ ᒐᒋ ᐎᔭᓯᐱᔅᑎᓇᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:13

ᒋ ᐃᑎᓴᐛᐤ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐃᑐᑕᐧᒃ ᐅᑕᓇᒡ᙮ ᐊᑯᑕ ᒐ ᓂᒋᔅᑯᐛᒄ ᓇᐸᐤ ᐊ ᐱᒧᐅᑕᑦ ᒂᐱᒂᑭᓂᔪᐤ ᐊ ᓴᑭᔅᒋᓇᐸᔨᒡ ᓂᐱᔪᐤ᙮ ᐊᐅᒄ ᒐ ᓇᓴᐛᒄ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮