ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:22 Iomraidhean Croise

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:21

“ᑭᔭ ᐃᑎᑕᒂ ᐊᐛᓐ, ‘ᐃᑕᐱᒄ ᒪ, ᐊᐅᒄ ᐛᔅ ᐅ ᙭,’ ᒪᒃ ᐃᑎᑯᐅᔭᒂ, ‘ᒪᓇ ᙭,’ ᐊᑲᐎᔾ ᒋᑭ ᐅᒋ ᑕᑈᑕᓇᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:23

ᐃᔭᒂᒥᒄ ᒪᒃ᙮ ᓴᔅ ᓂᑲᓐ ᔅᒋ ᐎᑎᒪᑎᓇᐛᐤ ᒐ ᐃᔅᐱᔨᒋ ᐅᔭ ᒐᒂᔪᐛ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:6

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒠᓐ 4:48

ᒋ ᐃᑎᑯᐤ ᒪᒃ ᒋᓴᓴ, “ᓇᒪ ᓂᑕ ᒋᑭ ᐅᒋ ᐎ ᑕᑈᑕᓇᐛᐤ ᐸᑐᔅ ᐛᐱᒥᔭᒂ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᔭᓐ ᑭᔭ ᐊ ᐃᑐᑎᒪᓐ ᐊ ᒪᒥᔅᑲᑕᔨᑕᒂᒋ ᒐᒂᔪᐛ᙮”

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

1 ᒠᓐ 2:18

ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ᒋᓯᑲᔨᒡ᙮ ᔅᒋ ᐎᑎᒪᑯᐅᓇᐛᐤ ᒐ ᑎᑯᓯᐧᒃ ᐊᓐ ᐊᐛᓐ ᑲ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ᓱᒐᔨᒧᑐᑐᐛᑦ ᒋ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ᒪᔅᑕᔾ ᒋᓯᑲᔨᒡ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

1 ᒠᓐ 2:26

ᒋ ᒥᓯᓇᐊᒪᑎᓇᐛᐤ ᐊ ᐊᔨᒧᑎᒪᑎᑯᒡ ᐊᓐᒡ ᑲ ᐎ ᐎᔭᓯᒥᑕᑯᒡ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”