ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒋ ᐸᒋ ᓂᑐᐛᐱᒪᐅᒡ ᒪᒃ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒧᔅ ᐊ ᑕᑈᔨᓐ ᑕᓐ ᐊ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ᑭᓄᐛᐸᑎᒺᓐ ᑕᓐ ᐊ ᐃᓯ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:14 Iomraidhean Croise

ᑎᐱᑦ ᐅᓂᑭᒧᐅᓇ 120:2

ᐎᐧᑯᒋ ᓂᑦ ᐊᒐᐧᒄ, ᐅ ᑎᐸᔨᒋᒐᓱᐤ, ᑭᑭᒋᔭᐤ ᒥᑐᓂᒡ ᐅᒡ, ᑭᔭ ᐎᔭᓯᐃᐛᐤ ᒥᑕᔨᔨᒡ ᐅᒡ᙮

ᑎᐱᑦ ᐅᓂᑭᒧᐅᓇ 55:21

ᐃᔨᒧᐅᓇ ᐅᑐᓂᒡ ᑲ ᐅᒋᐱᔨᒋ ᐊᑐᐎᔅ ᒋ ᓱᔎᐛ ᐃᔅᐱᔅ ᑲᐎᔄᐛᒡ, ᒪᒃ ᓂᑐᐱᔪᐅᓂᔪᐤ ᒋ ᑎᑯᓂᔪᐤ ᐅᑕᐃᒡ: ᐅᑦ ᐃᔨᒧᐅᓇ ᐊᑐᐎᔅ ᒋ ᔪᔅᑲᔪᐛ ᐃᔅᐱᔅ ᐱᒥᔾ, ᐊᔪᐛᒡ ᒪᒃ ᐊ ᒐᒋᑯᐱᑕᑭᓄᐎᒡ ᓯᒪᑭᓇ ᐃᓯᓇᑯᓂᔪᐤ᙮

ᒪᑎᔪᐤ 22:16

ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 22:17

ᐊᑯ ᐎᑎᒧᐅᓇᓐ ᒪᒃ, ᑕᓐ ᐊᑕᔨᑎᒥᓐ, ᐃᑎᔅᑕᐤ ᐊ ᐎᓱᐛᐅᓂᒡ ᒐᒋ ᒥᔭᑭᓄᐅᑦ ᓯᓴᕐ ᕈᒻ ᒋᓴᐅᒋᒪᐤ ᐊᓂᔭ ᑎᐸᔨᒋᒐᐤ ᓱᓇᔭᔪᐤ ᑲ ᒋᓯᐧᑲᓱᔨᒋ ᐊᐛᔪᐛ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:13

ᒋ ᐃᑎᓴᐛᑭᓄᐎᒡ ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐊᕈᑦ ᐅᑦ ᐊᐱᒋᐊᑭᓇ ᐊᓐᑕ ᒋᓴᓴ ᐊ ᑕᔨᒋ ᒐᒋ ᓇᓂᑐᐤ ᐎᔭᓴᐊᒡ ᐊᑲ ᒧᔭᒻ ᒐᒋ ᐃᔅᒋᔄᔨᒋ ᒐᒂᔪᐤ᙮ ᓂᓇᐧᑯᐤ ᒐᒂᔪᐤ ᒋ ᐃᓯ ᑯᒂᒋᒪᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:15

ᓂᐸ ᒋᓯᐧᑲᓱᓇᓐ ᐊ ᑭᔭ ᒪᒃ ᓇᒪᐎᔾ ?” ᒋᓴᔅ ᒪᒃ ᒋ ᒋᔅᒐᔨᒪᐤ ᐊ ᐎ ᐎᔭᓯᐃᑯᑦ ᐅᔭ ᐊ ᐃᓯ ᑯᒂᒋᒥᑯᑦ ᐊᑯ ᒂ ᐃᑕᑦ, “ᒐᒂᓐ ᐛᒋ ᐎ ᐸᒋ ᑯᒂᒋᐃᔭᒄ ? ᐸᓱᐛᐧᒄ ᒪ ᓱᓇᔭᐱᔅᑯᔅ, ᒐ ᑭᓄᐛᐱᒥᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:45

ᐃᔅᐱ ᒪᒃ ᑲ ᑎᑯᓯᐧᒃ ᒍᑎᔅ, ᑎᐛᒡ ᒋ ᓇᑕᐤ ᒋᓴᓴ ᐊᑯ ᐊᑕᑦ, “ᒋᔅᑯᑎᒪᒐᓱᐤ᙮” ᐊᑯ ᓴᐛᔨᒪᑦ᙮

ᓗᒃ 20:22

ᐊᑯ ᒪᒃ ᓇᑐᐛᔨᒥᑕᒡ ᒐᒋ ᐎᑎᒧᐅᔭᒡ, ᐃᑎᔅᑕᐤ ᐊ, ᐎᓱᐛᐅᓂᒡ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᑲ ᒋᓯᐧᑲᓱᔨᒋ ᐊᐛᔪᐛ ?”

ᓗᒃ 23:2

ᐊᑯ ᓂᑎᒥᒄ ᑲ ᐃᓯ ᒪᒥᓯᒪᒡ ᐊ ᐃᔅᒋᔄᒡ, “ᐅ ᒪ ᓇᐸᐤ ᓂ ᒥᔅᑯᐛᓇᓐ ᐊ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ᐎᑎᒧᐛᑦ ᐎᔾ ᐊ ᐊᐎᑦ ᙭, ᒋᓴᐅᒋᒪᐤ ᐊ ᐃᑕᐃᓱᑦ᙮”

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:6

ᐊᐅᒄ ᑭᔭ ᐛᒋ ᓂᑐᐛᔨᑕᑯᓯᔨᓐ ᒐᒋ ᒋᓯᐧᑲᓱᔨᓐ ᓱᓇᔭᐤ᙮ ᒋᓴᒪᓂᑐᐛ ᐊᑐᔅᑯᐛᐅᒡ ᐊᓐᒡ ᑎᐸᔨᒐᐅᓂᒡ ᑲ ᐃᓯ ᐊᑐᔅᒐᒡ ᐊᐅᒄ ᒪᒃ ᐅᔭ ᐊ ᐃᓯ ᐊᑐᔅᒐᔅᑕᒡ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 2:2

ᐛᔅ ᒋ ᒥᔽᔨᑎᒥᐃᓇᐛᐤ᙮ ᒥᓯᒪᔨᑎᒥᐃᑎᑯᒐ ᒪᒃ, ᐊᐛᓐ ᒥᓐ ᐊ ᑕᑦ ᒐ ᒥᔽᔨᑎᒥᐃᑦ ? ᓇᒪ ᐊᐛᓐ᙮

2 ᑯᕆᓐᑎᔭᓇ 4:1

ᓇᔅᒡ ᑕᑈ ᓂᒋ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮

2 ᑯᕆᓐᑎᔭᓇ 5:11

ᐊ ᒋᔅᒐᔨᑎᒪᒡ ᒪᒃ ᒋᓴᒪᓂᑐᐤ ᐊ ᑯᔅᑕᑎᑯᓯᑦ ᐊᐅᒄ ᐛᒋ ᒐᔅᑎᓇᒋᒥᒋᒡ ᐊᐛᓐᒋ ᐊ ᑕᑈᒥᑭᓂᔨᒡ ᐊ ᐃᓯ ᐊᔨᒧᑎᒧᐅᒋᒡ ᐅᑎᐸᔨᒋᒐᐛ᙮ ᐛᔅ ᓇᔅᒡ ᓂ ᒋᔅᒐᔨᒥᑯᓇᓐ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓱᐛᒋᒡ᙮ ᓂ ᐱᑯᓴᔨᑕᓇᓐ ᒪᒃ ᑭᔭ ᒋᔨᐛᐤ ᒐᒋ ᒋᔅᒐᔨᒥᔭᒡ ᑕᓐ ᐊᓐ ᐊ ᐃᑕᔨᑕᑯᓯᔭᒡ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

1 ᑕᓴᓗᓂᔭᓇ 2:4

ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮