ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᔅ ᐊᑐᐎᔅ ᒋ ᐊᑎ ᐃᔨᒪᐊᐤ ᐊᓂᔭᔪᐛ ᓂᑲᓐ ᐊᔭᒥᐊᐅᒋᒪᐛ ᑭᔭ ᒥᓯᓇᐃᒐᓱᐛ ᐊ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᓱᒥᓇᑎᒂ ᐊᒋ ᓂᑕᐅᒋᐊᑦ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐊᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒂ ᐃᑐᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:1 Iomraidhean Croise

ᒪᑎᔪᐤ 13:3

ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒪᒃ ᒋ ᐊᐱᒋᑕᐤ ᒋᓴᔅ ᐊ ᐛᐎᑎᒧᐛᑦ ᒥᒐᑦ ᒐᒂᔪᐛ, ᐊᑯ ᐊᑕᑦ, “ᐸᐃᒂᐤ ᓇᐸᐤ ᒋ ᓂᑕᐅᒋᑕᐤ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 21:28

“ᒋᑭ ᑎᐸᒋᒧᔅᑕᑎᓇᐛᐤ ᒐ ᒪᒥᑐᓇᔨᑎᒪᒄ ᒪᒃ᙮ ᒋ ᑕᐤ ᐸᐃᒂᐤ ᓇᐸᐤ ᑲ ᓂᓯᔨᒋ ᐅᑯᓴ᙮ ᐊᑯ ᒂ ᓂᑐᐛᐱᒪᑦ ᐊᓂᔭ ᐛᔅᑕᓯᒪᐎᔨᒋ ᐊᑯ ᒂ ᐃᑕᑦ, ‘ᓂᑯᓴ, ᐃᑐᑕᒪ ᑭᔭ ᐊᓄᒡ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᑭᔭ ᒐ ᐊᑐᔅᒐᔨᓐ᙮’ ”

ᒪᑎᔪᐤ 21:33

ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮

ᒪᑎᔪᐤ 21:34

ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᒋ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮

ᒪᑎᔪᐤ 25:14

“ᒥᓐ ᒪᐅ ᒐ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ ᑎᑯᓯᒐ ᐃᔪᐤ ᐅᑯᓯᓴᓐ᙮ ᒧᔭᒻ ᓇᐸᐤ ᐛᔪᐤ ᐊᔅᒋᒡ ᐊ ᐃᑐᑕᑦ, ᐊ ᐎᓴᒪᑦ ᒪᒃ ᐅᑦ ᐊᐱᒋᐊᑭᓇ ᐊᑯ ᐊᑕᑦ ᒐ ᓂᓇᑭᑐᐛᐸᑎᒥᔨᒋ ᐊᓂᔭ ᐊ ᐃᓯ ᑎᐱᔨᐛᐅᓯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:33

ᐊᑯ ᒂ ᐃᑕᒡ ᒋᓴᓴ, “ᓇᒪ ᓂ ᒋᔅᒐᔨᒪᓇᓐ ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮” ᒋᓴᔅ ᒋ ᐃᑕᐤ, “ᑭᔭ ᓂᔾ ᓇᒪ ᒋᑭ ᐅᒋ ᐎᑎᒪᑎᓇᐛᐤ ᐊᐛᓐ ᑲ ᐸᒋ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:34

ᐊᑯᓐ ᒧᔭᒻ ᐊ ᐃᓯᓇᒂᒡ ᐃᔪᐤ ᐛᔪᐤ ᐊ ᐎ ᐃᑐᑕᑦ᙮ ᐃᔅᐱ ᒐ ᓂᑭᑕᐧᒃ ᐎᒡ ᐅᑦ ᐊᐱᒋᐊᑭᓇ ᒥᔭᐤ ᒐ ᐅᒋᒪᐎᔨᒋ ᒪᒂᒡ ᐊᑲ ᑕᒐ᙮ ᒥᓯᐛ ᐸᐸᐃᒄ ᐎᑎᒧᐛᐤ ᒐ ᐃᑕᐱᑎᓯᔨᒋ᙮ ᑭᔭ ᐊᓂᔭᔪᐛ ᑲ ᑭᓄᔎᑎᐛᔨᒋ ᐃᑎᓱᒪᐤ ᐃᔭᒂ ᒐᒋ ᓂᓇᑭᑐᐛᐸᑎᒥᔨᒋ ᐃᔎᑕᒥᔪᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:23

ᐊᑯ ᒋᓴᔅ ᒂ ᐎᓴᒪᑦ ᐊᑯ ᒂ ᐃᔨᒪᐊᑦ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ᐊᐱᒋᑕᑦ, “ᑕᓐᑕ ᒐᒋ ᐅᒋ ᐎᐎᑎᓴᐛᑦ ᒥᒋᒥᓂᑐᐤ ᒥᒋᒥᓂᑐᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:2

ᒥᔅᑎ ᒪᒃ ᒋ ᒋᔅᑯᑎᒧᐛᐤ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ᐊᐱᒋᑕᑦ᙮ ᒋ ᐃᑕᐤ ᒪᒃ,

ᓗᒃ 15:13

ᓇᒪ ᓇᐅᔅ ᒂ ᐊᑎ ᑎᒪᒋᓇᐧᒃ ᒥᓯᐛ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᓐ ᐅᓯᒥᒪᐤ ᐊᑯ ᐊᓐᑕ ᐛᔪᐤ ᐊᔅᒋᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᒪᔅᑎᓇᐧᒃ ᐅᓱᓇᔭᓂᒻ ᐊ ᒋᔎᐱᒪᑎᓯᑦ᙮

ᓗᒃ 19:12

“ᓇᐸᐤ ᓇᔅᒡ ᐊ ᒋᔅᑕᔨᑕᑯᓯᑦ, ᒋ ᐃᑐᑕᐤ ᐊᓐᑕ ᐛᔪᐤ ᐊᔅᒋᒡ ᒐᒋ ᒋᓴᐅᒋᒪᐅᐊᑭᓄᐅᑦ ᑭᔭ ᒥᓐ ᑲᐤ ᑲ ᐸᒋ ᒋᐛᑦ᙮

ᓗᒃ 22:9

ᒋ ᐃᑎᑯᐤ ᒪᒃ, “ᑕᓐᑕ ᓇᑐᐛᔨᑎᒥᓐ ᒐᒋ ᐊᔭᔅᑯᔅᑕᔭᒡ ?”

ᓗᒃ 8:10

ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”

ᐊᑈᔅᑕᓇᒡ 7:38

ᐊᐅᒄ ᐅ ᒧᓱᔅ ᒋ ᑕᐤ ᒪᒧᐤ ᑭᔭ ᐎᔾ ᐊᓐᑕ ᐸᐧᑯᑎᔅᑭᒥᑲᒡ ᒪᒂᒡ ᑲ ᑕᒡ ᐊᓐᑕ ᐊᓐᒡ ᐛᔅᑭᒡ ᒋᑦ ᐃᔨᒥᓄᒡ᙮ ᑭᔭ ᒋ ᑕᐤ ᐊᓐᑕ ᓴᐃᓇᐃ ᐱᔅᑯᑎᓇᒡ ᐊᓐᑕ ᑲ ᐃᔨᒥᐃᑯᑦ ᐊᓐᒋᓇ᙮ ᐎᔾ ᒧᓱᔅ ᒋ ᒥᔭᑭᓄᐤ ᒐᒋ ᐊᓱᐎᑎᒪᑕᒄ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᒐ ᐊᑲ ᓂᑕ ᐳᓂᐱᔨᒡ᙮”