ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᑭᔭ ᑕᑥᐤ ᓂᐳᔨᓇ ᐊ ᐊᔭᒥᐊᔨᓐ, ᐛᐸᔨᑎᒧᐤ ᐊᓐ ᐊᐛᓐ ᑲ ᐅᓂᑐᑕᔅᒃ, ᑭᔭ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᑭᔭ ᐎᔾ ᒐ ᐛᐸᔨᑎᒪᔅᒃ ᒋᒥᒋᑥᐅᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:25 Iomraidhean Croise

ᒪᑎᔪᐤ 5:23

ᐊᑯ ᒪᒃ ᒧᔭᒻ ᐎ ᒥᔨᑕ ᒋᓴᒪᓂᑐᐤ ᒥᔨᐛᐅᓂᔪᐤ ᐱᔅᑎᓂᒐᐅᓇᐱᔅᑯᒡ, ᒋᔅᒋᔨᓇ ᒪᒃ ᒋᒡ ᐃᔪᐤ ᐊ ᐅᓂᑐᑕᔅᒃ,

ᒪᑎᔪᐤ 6:12

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᒪᑎᔪᐤ 6:5

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᒋᑭ ᓂᔅᐱᑐᐛᐛᐅᒡ ᐊᓐᒡ ᑲ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ᓇᓂᐳᐅᒡ ᐊ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮

ᓗᒃ 18:11

ᐊᑯ ᐊᓐ ᐸᕆᓯ ᒋ ᐸᐃᑯᑲᐳᐤ ᐊ ᐃᓯ ᐊᔭᒥᐊᑦ, ‘ᒋᓴᒪᓂᑐᐤ, ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᑦ ᐊᓇ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ᙮

ᓗᒃ 18:13

“ᐊᑯ ᒪᒃ ᐊᓐ ᓇᐸᐤ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ, ᐃᔅᐱ ᐊ ᐊᔭᒥᐊᑦ ᐛᔪᐎᔅ ᐊᓐᑕ ᒋ ᐅᒋᑲᐳᐤ ᐊᓐᑕ ᑲ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ᑯᓯᑯᑕᐊᐤ᙮ ᒋ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ᒋᔅᑎᒪᒐᔨᒥ ᐊ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ ᐃᔅᐱ ᑲᒋ ᐃᓯ ᑎᐸᒋᒧᑦ᙮

ᓗᒃ 6:37

“ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᓂᓱᐅᓇᒋᒧᐛᒄ ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒥᑯᐛᐤ ᒋᓴᒪᓂᑐᐤ᙮ ᐛᐸᔨᑎᒪᒐᒄ ᐊᑯ ᑭᔭ ᒋᔨᐛᐤ ᒐ ᐛᐸᔨᑎᒪᑕᒄ ᒋᓴᒪᓂᑐᐤ᙮

ᐃᐱᓯᔭᓇ 4:32

ᒋᐸ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ᔪᔅᐸᑎᓯᓇᐛᐤ᙮ ᑭᔭ ᒋᐸ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮

ᑯᓚᓯᔭᓇ 3:13

ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ᐅᓂᑐᑕᑐᔭᒄ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ᐛᐸᔨᑎᒪᑕᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:13

ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 11:4

ᐅᒡ ᒪᒃ ᓂᓱ ᐊᐱᒋᐊᑭᓐᒡ, ᐊᐅᑯᓐᒡ ᐊᓐᒡ ᑲ ᓂᓱᑲᐳᐅᒡ ᐊᓕᑉ ᒥᔅᑎᑯᒡ ᑭᔭ ᐊᐅᑯᓐᒡ ᐊᓐᒡ ᐊᓂᔭᔪᐛ ᓂᓱ ᐛᔅᑕᓂᐱᒪᑭᓇᑎᒂ ᐅᑎᔅᑯᐤ ᒋᓴᒪᓂᑐᐤ ᐊ ᑕᑦ ᑲ ᑎᑯᓂᔨᒋ, ᐊᓂᔭᔪᐛ ᒥᓯᐛ ᐊᔅᒋᔪᐤ ᑲ ᐅᒋᒪᐅᑐᑎᒥᔨᒋ᙮