ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᐸᑎᒧᒡ ᐅᔭ ᐊᒋ ᐃᔅᒋᔄᔨᒂᓂ᙮ ᐊᓂᔭ ᒪᒃ ᒥᓯᐛ ᐊᐛᔪᐛ ᐊ ᒥᔅᑲᓯᑎᒥᔨᒋ ᑕᓐ ᑲ ᐃᓯ ᒋᔅᑯᑎᒪᒐᔨᒋ ᒋᓴᓴ ᒋ ᓴᒋᓱᐅᒡ ᐅᒡ ᒋᓴᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒥᓯᓇᐃᒐᓱᐅᒡ ᐊᑯ ᑲ ᓇᓂᑐ ᒋᔅᒐᔨᑕᒡ ᑕᓐ ᒐᒋ ᐃᑎᒡ ᒐᒋ ᓂᐸᐊᑭᓄᔨᒋ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:18 Iomraidhean Croise

ᒪᑎᔪᐤ 21:15

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒋᔄᐃᑯᐅᒡ ᐊᓂᔭ ᒋᓴᓴ ᐊ ᐛᐱᒪᒡ ᒥᓯᐛ ᐊᓂᔭ ᒪᒥᔅᑲᒡ ᒐᒂᔪᐤ ᐊ ᐃᑐᑎᒥᔨᒋ᙮ ᑭᔭ ᒋ ᐛᐧᑲᒥᑯᐅᒡ ᐊᓂᔭ ᐊᐛᓴ ᐊ ᐃᓯ ᑕᑈᔨᒋ ᐊᓐᑕ ᐱᑎᑭᒥᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, “ᒪᒥᒋᒪᑕᐤ ᒋᓴᔅ ᑎᐱᑦ ᐅᑯᓴ,” ᐊ ᐃᔅᒋᔄᔨᒋ᙮

ᒪᑎᔪᐤ 7:28

ᐃᔅᐱ ᒪᒃ ᒋᓴᔅ ᑲᒋ ᐃᔅᒋᔄᑦ ᐅᔭ ᑕᓐ ᑲ ᐎ ᐃᔅᒋᔄᑦ, ᒥᓯᐛ ᐊᓂᔭ ᐊᐛᔪᐛ ᓇᔅᒡ ᒋ ᒥᔅᑲᑕᔨᑎᒥᑯᔪᐛ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:22

ᒋ ᒪᒥᔅᑲᑕᔨᑎᒥᐃᑯᐅᒡ ᒪᒃ ᐊᓂᔭ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᐛᔅ ᐊᐛᓐ ᓇᔅᒡ ᑲ ᐅᒋᒪᐛᔨᑕᑯᓯᑦ ᒋ ᐃᑎᑕᑯᓱᐤ᙮ ᓇᒪ ᐅᒋ ᐃᑎᑕᑯᓯᔪᐛ ᒧᔭᒻ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:32

ᒋᑭ ᐃᑕᓄᐤ ᐊ ᒪᒃ, ‘ᓇᐸᐛ ᑲ ᐃᑎᑯᑦ᙮’ ” ᒋ ᐛᐛᓇᔨᑎᒧᒡ ᑕᓐ ᒐᒋ ᐃᓯ ᐎᑎᒧᐛᒡ ᐊᒋ ᑯᔅᑕᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮ ᐛᔅ ᒥᓯᐛ ᒋ ᑕᑈᑎᒥᔪᐛ ᑕᑈ ᐊᒋ ᐅᒋᔅᒋᐛᐃᒐᓱᔨᒋ ᐊᓂᔭᐧᑲ ᒠᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:12

ᐊᓂᔭ ᒪᒃ ᐊᐛᔪᐛ ᑲ ᐃᔨᒪᐊᑦ ᒋᓴᔅ ᒋ ᐎ ᒪᑯᓂᑯᐤ ᐛᔅ ᒋ ᒋᔅᒐᔨᒥᑯᐤ ᐎᔨᐛᐤ ᐊ ᐎ ᑲᔅᑕᐅᑯᒡ ᐛᒋ ᐎᑎᒥᔨᒋ ᐅᔭ ᑎᐸᒋᒧᐅᓂᔪᐤ᙮ ᒥᒄ ᒪᒃ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᐛᔅ ᒋ ᒥᒐᑎᔪᐛ᙮ ᐊᑯ ᓂᑕᐛᒡ ᒂ ᔅᑐᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:6

ᐊᑯ ᐊᓐᒡ ᐸᕆᓯᔨᒡ ᒋ ᐊᑎ ᐎᐎᔪᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᐊᑯ ᑎᐛᒡ ᑲ ᓂᑐᐛᐱᒪᒡ ᐊᓂᔭᔪᐛ ᐊᐛᔪᐛ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᒧᐎᒡ᙮ ᒋ ᐊᔨᒧᑎᒧᒡ ᑕᓐ ᒋᐸ ᒋ ᐃᑐᐅᒡ ᒐᒋ ᓂᐸᐊᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:20

ᐛᔅ ᐊᕈᑦ ᒋ ᑯᔅᑕᐤ ᐊᓂᔭ ᒠᓇ, ᐊᒋ ᒋᔅᒐᔨᒪᑦ ᐊ ᑯᐃᔅᑯᑕᑎᓯᔨᒋ ᑭᔭ ᐊ ᐸᔭᒋᓯᔨᒋ᙮ ᐊᐅᒄ ᒪᒃ ᐅᔭ ᐛᒡ ᐊᑲ ᐅᒋ ᐎ ᐱᒪᔨᒪᑦ᙮ ᒋ ᒥᔽᔨᒪᐤ ᐊ ᓂᑐᑐᐛᑦ ᐊᑎ ᒧᔅ ᐊᒋ ᒥᑯᔅᑲᑕᔨᑎᒥᐃᑯᐛᑦ ᑕᓐ ᑲ ᐃᔅᒋᔄᔨᒋ ᑕᑥᐤ ᐊ ᓂᑐᑐᐛᑦ᙮

ᓗᒃ 19:47

ᐊᓯᑯᒻ ᒋᓯᑲᐛ ᒪᒃ ᒋ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᓂᔭᔪᐛ ᒪᒃ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒋ ᐎ ᓂᐸᐃᑯᐤ᙮

ᓗᒃ 2:47

ᒥᓯᐛ ᒪᒃ ᐊᐛᔪᐛ ᑲ ᐸᑕᑯᑦ ᓇᔅᒡ ᒋ ᒪᒥᔅᑲᑕᔨᑎᒥᐃᑯᔪᐛ ᐅᑭᒐᑕᐛᔨᑎᒧᐅᓐ ᑭᔭ ᐊᓂᔭ ᓇᔅᒡ ᐊ ᑭᔅᒋᐅᑦ ᐊ ᐃᓯ ᐎᑎᒪᒐᑦ ᒐᒂᔪᐤ ᐊ ᑯᒂᒋᒪᑭᓄᐅᑦ᙮

ᓗᒃ 20:19

ᐊᓐᒡ ᒪᒃ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑎᐛᒡ ᒋ ᐎ ᒪᑯᓇᐅᒡ ᒋᓴᓴ᙮ ᐛᔅ ᒋ ᒋᔅᒐᔨᒪᐅᒡ ᐎᔨᐛᐤ ᐊᒋ ᐊᔨᒧᒥᑯᒡ ᑲ ᐎᑎᒥᔨᒋ ᐊᓂᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒄ ᒪᒃ ᓇᒪ ᐅᒋ ᒪᑯᓇᐅᒡ ᐊᒋ ᑯᔅᑕᒡ ᐊᓂᔭ ᐃᔪᐛ᙮

ᓗᒃ 4:22

ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᒠᓐ 7:19

ᓇᒪᐎᔾ ᐊ ᒧᓱᔅ ᒋ ᐅᒋ ᒥᔨᑯᐛᐤ ᐊᓂᔭ ᐎᓱᐛᐅᓂᔪᐤ ᑲ ᐊᔭᐛᒄ᙮ ᓇᒪ ᒪᒃ ᐛᐛᒡ ᐸᐃᒄ ᐊᓐᑕ ᐊ ᑎᓯᔭᒄ ᒋ ᓂᓇᐃᑕᓇᐛᐤ ᐊᓐ ᐎᓱᐛᐅᓐ᙮ ᒐᒂᓐ ᒪᒃ ᐛᒋ ᐎ ᐸᒋ ᓂᐸᐃᔭᒄ ?”

ᒠᓐ 7:46

ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᐊ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ᒋᔅᑯᑎᒪᒐᐤ ᐊ ᐃᔅᐱᔅ ᒥᔪ ᒋᔅᑯᑎᒪᒐᑦ ᐅ ᓇᐸᐤ᙮”

ᐊᑈᔅᑕᓇᒡ 24:25

ᐃᔅᐱ ᒪᒃ ᐊ ᐊᑎ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ᐅᑎᒋᐱᔨᒡ ᐊ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ᑎᐸᔅᑯᓇᔨᒋ, ᒋ ᑯᔅᑕᒍᐤ ᐱᓕᑭᔅ, ᐊᑯ ᒂ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ᐎᓴᒥᑕᓐ᙮”