ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐊᐅᑯᓐᒡ ᐅᒡ ᒐ ᒪᔭᔨᒪᒡ ᑭᔭ ᒐ ᓯᔅᑎᒂᑕᒡ, ᑭᔭ ᒐ ᐱᓯᔅᑕᐛᒡ, ᑭᔭ ᒐ ᓂᐸᐊᒡ᙮ ᓂᔅᑐ ᒋᓯᑲᐛ ᒪᒃ ᒋ ᐅᑎᒋᐱᔨᒐ ᑲᐤ ᒋᑭ ᐅᓂᔅᑲᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:34 Iomraidhean Croise

ᑎᐱᑦ ᐅᓂᑭᒧᐅᓇ 16:10

ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ; ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 22:13

ᓂᒋ ᑕᐅᑐᓇᔨᔅᑕᑯᒡ, ᒧᔭᒻ ᐊ ᐱᒂᐧᑭᑕᑦ ᑭᔭ ᐊ ᐎᔪᑦ ᒥᓯᐱᓱᐤ᙮

ᒪᑎᔪᐤ 16:21

ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᒪᑎᔪᐤ 26:67

ᒋ ᓯᔅᑎᒂᑕᐅᒡ ᐅᑕᔅᑎᒥᐧᑯᔨᒡ ᐊᔪᐤ ᒋ ᐅᑕᒪᐛᐅᒡ ᑭᔭ ᒋ ᐅᑎᑕᒥᒂᐛᐅᒡ᙮

ᒪᑎᔪᐤ 27:63

ᐊᑯ ᒂ ᐃᑕᒡ, “ᐅᒋᒪᐤ, ᓂ ᒋᔅᒋᓯᓇᓐ ᐊᔅᒄ ᐊᒋ ᐱᒪᑎᓯᑦ ᐊᓐ ᑲ ᑭᑭᒋᔭᑦ ᐊᒋ ᐃᔅᒋᔄᑦ, ‘ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᓂᑯᐅᔭᓐ ᓂᐳᐅᓂᒡ ᐅᒡ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:63

ᐊᑯ ᒋᓴᐊᔭᒥᐊᐅᒋᒪᐤ ᒋ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊ ᐃᔅᒋᔄᑦ, “ᒐᒂᓐ ᒪᒃ ᐛᒋ ᓂᑐᐛᔨᒪᐧᑯᒡ ᑯᑎᑭᒡ ᒐ ᑎᐸᒋᒧᒡ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:65

ᐱᔅᒐ ᒪᒃ ᒋ ᓯᔅᑎᒂᑕᐅᒡ ᑭᔭ ᒋ ᐊᑯᓇᒂᐛᐅᒡ ᐊᑯ ᐛᑕᒪᐛᒡ ᐊ ᐃᑕᒡ, “ᐎ ᒋᔅᒐᔨᒻ ᐊᐛᓐ ᐛᑕᒧᐅᔅᒃ᙮” ᑲᒪᑯᓄᐛᓯᒡ ᑲ ᓇᑭᑐᐛᔨᑕᒡ ᐊᓂᔭ ᒥᒋᐛᐱᔪᐤ ᐛᑎᓇᒡ ᒋᓴᓴ ᑭᔭ ᐛᑎᑕᒥᒂᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:31

ᐛᔅ ᒪᒂᒡ ᒋ ᒋᔅᑯᑎᒧᐛᐤ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ, “ᓇᐸᐛ ᐊ ᑕᔨᒋ ᒋᑭ ᐃᓯ ᐱᔅᑎᓇᑭᓄᐤ ᐃᔪᐤ ᐅᑯᓯᓴᓐ ᒐᒋ ᓂᐸᐃᑯᑦ᙮ ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᑦ ᓂᐳᐅᓂᒡ ᐅᒡ᙮”

ᓗᒃ 23:11

ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 2:10

ᒂ ᐃᑕᑦ, “ᒥᓯᐛ ᐊᐛᓐ ᐊ ᒥᑯᓴᑦ, ᐊᓂᔭ ᒪᐅᒡ ᐊ ᒥᔽᔨᒡ ᓱᒥᓇᐳᔪᐤ ᓂᔅᑎᒻ ᐱᒥᐱᔨᑕᐤ, ᐊᑯ ᐃᔅᐱ ᐊ ᐊᑎ ᒥᔪᐧᑭᓱᔨᒋ ᐊᓂᔭ ᑲ ᐎᓴᒪᑦ, ᐊᑯ ᐊᓂᔭ ᐊᑲ ᐎᐧᑭᓂᔨᒡ ᓱᒥᓇᐳᔪᐤ ᐸᒥᐱᔨᑕᑦ᙮ ᒋᔾ ᒪᒃ ᒐᒂᓐ ᐛᒋ ᒪᔅᑕᔾ ᐱᒥᐱᔨᑕᔨᓐ ᐊᓐ ᑲ ᒥᔽᒡ ᓱᒥᓇᐳᔾ᙮”

1 ᑯᕆᓐᑎᔭᓇ 15:4

ᐎᑎᒪᒐᒥᑭᓐ ᐅ ᒥᔽᒋᒧᐅᓐ ᐊᒋ ᓇᐅᔅᑕᑭᓄᐎᒡ ᙭ ᐎᔪᐤ᙮ ᐃᔅᐱ ᒪᒃ ᑲ ᓂᔅᑐ ᒋᓯᑲᔨᒡ ᐊᑯ ᑲ ᐅᓂᔅᑲᓇᑭᓄᐅᑦ ᑲᐤ ᒐᒋ ᐱᒪᑎᓯᑦ᙮ ᐊᐅᒄ ᐅ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮