ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒋᓴᔅ ᒋ ᑭᓄᐛᐱᒪᐤ ᐊ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ, ᐊᑯ ᒐ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:21 Iomraidhean Croise

ᒐᓂᓯᔅ 34:19

ᐛᔅ ᒋᒋᐛ ᒋ ᓴᒋᐊᐤ ᒐᑭᐸ ᐅᑕᓂᓯᔪᐛ, ᒋᔅᑎᑉ ᒐᒂᔪᐤ ᒋ ᐎ ᐃᑐᑎᒻ ᑲ ᐃᑎᓱᒥᑯᒡ ᒐᑭᐸ ᐅᑯᓯᔪᐛ᙮ ᒋᔅᒐᔨᒪᐤ ᐃᔭᐱᒡ ᒐ ᐎᒋᐃᑯᑦ ᐅᑕᐎᔭ ᒐᒋ ᓯᒋᒪᔨᒋ ᐊᓂᔭ ᓇᐸᐛ ᐊᓐᑕ ᐅᑕᓇᒡ᙮ ᐛᔅ ᐅᑕᐎᔭ ᐊᒧᕋ ᒋ ᓂᑲᓂᔅᑯᐛᔪᐛ ᐃᔪᐛ ᑭᔭ ᓇᓂᑎᒻ ᒋ ᐎ ᓇᐊᔨᑎᒪᐊᐤ ᐅᑯᓴ ᐃᔅᐱᔅ ᑯᑎᑲ ᐊᐛᔪᐛ ᐊᓐᑕ ᐊ ᐸᐃᑯᔅᑲᓇᓯᑦ᙮

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:22

ᐊᓐ ᒪᒃ ᓇᐸᐤ ᐃᔅᐱ ᐱᔭᑕᐧᒃ ᐅᔭ ᓇᔅᒡ ᒋ ᐅᒋ ᒥᒐᔨᑎᒧᐅᓇᑯᓱᐤ ᐊᑯ ᒂ ᔅᑐᑕᑦ ᐊ ᒥᒐᔨᑕᐧᒃ ᐛᔅ ᓇᔅᒡ ᑕᑈ ᒋ ᐛᔪᑎᓯᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:34

ᐊᑯ ᒋᓴᔅ ᒂ ᐎᓴᒪᑦ ᒥᒋᒪ ᒐᒋ ᐸᒋ ᓇᒋᑲᐳᔨᒋ ᐊᓂᔭ ᐊᓐᑕ ᑲ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᓗᒃ 10:42

ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 19:41

ᐊᔭᔅᒃ ᒪᒃ ᒋ ᐊᑎ ᐸᓱᐛᐸᑎᒻ ᒋᓴᔅ ᒋᕈᓯᓕᒥᔪᐤ, ᐃᔅᐱ ᒪᒃ ᐎᔭᐸᑕᐧᒃ ᒋ ᒪᑎᒻ᙮

ᓗᒃ 9:23

ᐊᑯ ᒥᓯᐛ ᒂ ᐃᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᐊᓯᑯᒻ ᒋᓯᑲᐛ ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 2:45

ᒋ ᐊᑕᐛᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯ ᒂ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ᑎᓯᒡ᙮ ᒥᒄ ᑕᓐ ᐊ ᐃᓯ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ᒥᔭᑭᓄᐅᑦ᙮

2 ᑯᕆᓐᑎᔭᓇ 12:15

ᒥᒄ ᒪᒃ ᐊ ᐃᑎᔭᓐ ᒋ ᐎ ᐎᒋᐃᑎᓇᐛᐤ᙮ ᑭᔭ ᓇᔅᒡ ᓂᑭ ᐃᑕᔨᒥᓱᓐ ᒐᒋ ᐎᒋᐃᑎᑯᒡ᙮ ᓇᒪᐎᔾ ᐊ ᒋᑭ ᐅᒋ ᐃᔅᐱᔅ ᓴᒋᐃᓇᐛᐤ ᐊᑐᐎᔅ ᓴᒋᐃᑎᑯᒐ ?

2 ᑎᒧᑎ 3:12

ᓂᐦᐃ, ᑕᑈ, ᒥᓯᐛ ᐊᐛᓐ ᑯᐃᔅᒄ ᑲ ᐎᓯ ᐱᒪᑎᓯᑦ ᑭᔭ ᓇᔅᒡ ᑲ ᐱᔅᑎᓂᓱᑦ ᐊ ᐎᒐᐛᑦ ᙭ ᒋᓴᓴ, ᒋᑭ ᑎᑯᓂᔪᐤ ᑕᓐ ᒐ ᐃᓯ ᓂᓇᐧᑲᒋᐊᑭᓄᐅᑦ,

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:10

ᐛᔅ ᐊᓐ ᐊᐛᓐ ᒥᓯᐛ ᐊᓂᔭ ᐎᓱᐛᐅᓂᔪᐤ ᑲ ᓂᓇᐃᑕᐧᒃ ᒥᒄ ᒪᒃ ᐸᐃᒄ ᒐᒂᔪᐤ ᐊᓐᑕ ᑕᓐ ᐊ ᐃᑎᔅᑕᔨᒡ ᐱᑯᓇᒐ ᒥᓯᐛ ᐊᓂᔭ ᐎᓱᐛᐅᓂᔪᐤ ᐊ ᐱᑯᓇᐧᒃ ᐃᓯᓇᑯᓱᐤ᙮

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 2:4

ᒥᒄ ᒪᒃ ᐸᐃᒄ ᒐᒂᓐ ᐊᑲ ᒥᔽᔨᑎᒪᓐ ᐊ ᐃᑎᔭᒄ, ᐊᐅᒄ ᐅ ᐊᑲ ᐃᔅᐱᔅ ᓴᒋᐃᔭᒄ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ ᑲ ᒋᒋ ᑕᑈᔭᔨᒥᔭᒄ᙮