ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᒥᓯᐛ ᒪᒃ ᐊᐛᓐ ᒋ ᒥᔅᑲᑕᔨᑎᒥᐃᑯᐤ ᐅᔭ ᑲ ᐃᔅᐱᔨᒡ ᐊᑯ ᒂ ᑯᒂᒋᒥᑐᒡ, “ᒐᒂᓐ ᒪᒃ ᐅ ? ᐅᔅᒋ ᒋᔅᑯᑎᒪᒐᐅᓐ ᐊ ? ᐊ ᐊᔭᑦ ᐅ ᓇᐸᐤ ᑎᐸᔨᒋᒐᐅᓂᔪᐤ ! ᐛᐛᒡ ᒥᒋ ᐊᒐᒂ ᑕᑈᑕᑯᐤ ᐊ ᐛᑎᓱᒪᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:27 Iomraidhean Croise

ᒪᑎᔪᐤ 15:31

ᒋ ᒥᔅᑲᑕᔨᑎᒧᒡ ᒪᒃ ᐊᓐᒡ ᐃᔪᒡ ᐊ ᐛᐱᒪᒡ ᐊᓂᔭ ᐊᑲ ᓂᑕᐛᔨᒋ ᐊ ᐃᔨᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ ᐊ ᒥᔪᓇᑯᓯᔨᒋ, ᑭᔭ ᐊᓂᔭ ᐊᑲ ᓂᑕᐅᑕᔨᒋ ᐊ ᐱᒧᑕᔨᒋ, ᑭᔭ ᐊᓂᔭ ᐊᑲ ᐛᐸᑎᒥᔨᒋ ᐊ ᐛᐸᑎᒥᔨᒋ᙮ ᐊᑯ ᒪᒃ ᑲ ᒪᒥᒋᒪᒡ ᒋᓴᒪᓂᑐᐛ ᐊᓂᔭ ᒍᐤ ᐃᔪᐛ ᒂ ᒪᒥᒋᒪᔨᒋ᙮

ᒪᑎᔪᐤ 8:9

ᓂᔾ ᑭᔭ ᑕᐅᒡ ᓄᒋᒪᒥᒡ ᐊ ᐱᓯᒋᐃᒂᐤ᙮ ᑭᔭ ᑕᐅᒡ ᐊᓯᒪᑭᓂᓯᒡ ᓂᔾ ᐊ ᐛᐎᓱᒥᒂᐤ᙮ ᐊ ᐃᑎᒃ ᒪᒃ ᐸᐃᒄ ᐊᓯᒪᑭᓂᔅ ‘ᓇᑕ ᐃᑐᑕ,’ ᑎᐛᒡ ᐊᑯᑕ ᐊ ᐃᑐᑕᑦ ᑭᔭ ᑯᑎᒃ ᒪᒃ ᐊ ᐃᑎᒃ, ‘ᐊᔅᑎᒻ,’ ᑎᐛᒡ ᑎᑯᓯᓄᐤ᙮ ᐊᑯ ᑭᔭ ᐊ ᐃᑎᒃ ᓂᑦ ᐊᐱᒋᐊᑭᓐ ‘ᐅ ᒪ ᐃᑐᑕ,’ ᐊᔪᐅᒄ ᐊᓂᔭ ᐊ ᐃᑐᑕᐧᒃ᙮”

ᒪᑎᔪᐤ 9:33

ᐃᔅᐱ ᒪᒃ ᒋᓴᔅ ᑲ ᐎᐎᑎᓴᐛᑦ ᐊᓂᔭ ᒥᒋ ᐊᒐᒂ, ᐊᑯ ᒂ ᐃᔨᒥᑦ ᐊᓐ ᓇᐸᐤ ᐊᑲ ᐅᒋ ᓂᑕᐛᑦ᙮ ᒥᓯᐛ ᒪᒃ ᐊᐛᓐᒋ ᒋ ᒥᔅᑲᑕᔨᑎᒧᒡ ᐅᔭ ᑲ ᐃᔅᐱᔨᒡ᙮ ᐊ ᐃᔅᒋᔄᒡ ᒪᒃ, “ᓇᒪ ᓂᑕ ᓂ ᐅᒋ ᐛᐸᑕᓇᓐ ᒪᒥᔅᑲᒡ ᒐᒂᓐ ᐊ ᐃᔅᐱᔨᒡ ᐅᑕ ᐃᔅᕋᐃᓕᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:26

ᐊᓐ ᒪᒃ ᒥᒋ ᐊᒐᐧᒄ ᒋ ᐃᑐᑐᐛᐤ ᐊᓂᔭ ᓇᐸᐛ ᒐᒋ ᒥᔅᑎ ᐅᒋᐱᑎᑯᔨᒋ ᑭᔭ ᒋ ᒥᔅᑎ ᐊᓯᒂᔪᐛ ᐊᑯ ᒂ ᓂᑭᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:28

ᐊᑯᑕ ᒪᒃ ᑲ ᐊᑎ ᒥᓯᑕᐱᔨᒡ ᐊ ᐃᓯ ᐊᔨᒧᒪᑭᓄᐅᑦ ᒋᓴᔅ ᒥᓯᐛ ᐊᓐᑕ ᑲᓕᓕ ᐊᔅᒋᒡ ᐃᑕᒐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:24

ᒋ ᑯᔅᑯᐛᔨᑎᒥᐃᑯᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ᐊᔨᒧᑎᒥᔨᒋ ᒋᓴᓴ ᒥᒄ ᒪᒃ ᐃᔭᐱᒡ ᒋ ᐊᑎ ᐃᔨᒧᐤ ᒋᓴᔅ ᐊ ᐃᔅᒋᔄᑦ, “ᓂᑦ ᐊᐛᓯᒥᑎᒄ, ᑕᑈ ᐊᔪᐛᒃ ᐊᔨᒥᓂᔪᐤ ᐊᐛᓐ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:32

ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋᕈᓯᓕᒥᒡ ᒋ ᐃᑐᑕᐅᒡ, ᐊᓂᔭ ᒪᒃ ᐊ ᐊᑎ ᐱᒧᑕᒡ ᒋᓴᔅ ᒋ ᐊᑎ ᓂᑲᓄᑕᐤ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᒥᔅᑲᑕᔨᒪᐅᒡ ᒋᓴᓴ ᒋᕈᓯᓕᒥᒡ ᐊ ᐎ ᐃᑐᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐸᒋ ᐱᒧᑕᒡ ᒋ ᓴᒋᓱᐅᒡ ᐊᓐᑕ ᒐᒋ ᐃᑐᑕᒡ᙮ ᐊᑯ ᒋᓴᔅ ᐃᔭᒡ ᒂ ᐃᑐᑕᐊᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐎᑎᒧᐛᑦ ᑕᓐ ᒐ ᐃᔅᐱᔨᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:5

ᒂ ᐱᒐᒡ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ᙮ ᒋ ᐛᐱᒪᐅᒡ ᐅᔅᒋᓂᒋᓱᐛ ᐊᐱᔨᒋ ᒥᔪᓂᒡ ᐃᑕᒐ, ᐊ ᒋᔅᑭᒥᔨᒋ ᐊ ᐛᐸᔨᒡ ᐊ ᒋᓏᑭᓂᔨᒡ ᐊᑯᐱᔪᐤ, ᒋ ᓴᒋᓱᐅᒡ ᒪᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:6

ᒋ ᐃᑎᑯᐅᒡ ᒪᒃ, “ᐊᑲᐎᔾ ᓴᒋᓯᒄ᙮ ᒋ ᓇᓂᑐᐛᔨᒪᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ, ᐊᓐ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᒋ ᐅᓂᔅᑲᐤ, ᓇᒪ ᑕᐤ ᐅᑕ᙮ ᑭᓄᐛᐸᑎᒺᐧᒄ ᒪ ᐊᓐᑕ ᑲ ᐱᒥᓯᒪᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:37

ᒥᓯᐛ ᒪᒃ ᐊᐛᔪᐛ ᑲ ᐸᑎᒥᔨᒋ ᐅᔭ ᓇᔅᒡ ᒋ ᒥᔅᑲᑕᔨᑎᒥᐃᑯᔪᐛ᙮ ᒋ ᐃᔅᒋᔄᔪᐛ ᒪᒃ, “ᒥᓯᐛ ᒐᒂᔪᐤ ᒋ ᒥᔪᑐᑎᒻ᙮ ᐛᐛᒡ ᒋ ᐃᑐᑎᒧᐛᐤ ᐊᑲ ᐸᑎᒥᔨᒋ ᒐᒋ ᐸᑎᒥᔨᒋ ᑭᔭ ᐊᓂᔭᔪᐛ ᐊᑲ ᓂᑕᐛᔨᒋ ᒐᒋ ᓂᑕᐛᔨᒋ᙮”

ᓗᒃ 4:36

ᑕᑈ ᒪᒃ ᒋ ᒥᔅᑲᑕᔨᑎᒧᒡ ᒥᓯᐛ ᐊᓐᒡ ᑲ ᑭᓄᐛᐱᒡ ᐊ ᐃᔅᒋᔄᒡ, “ᒐᒄ ᐃᔨᒧᐅᓂᔪᐤ ᐅᔭᔪᐤ ᑲ ᐊᐱᒋᑕᑦ ? ᑕᑈ ᓱᒋᐱᔪᐤ ᐅᑦ ᐃᔨᒧᐅᓐ ᑭᔭ ᑕᑈ ᐊᔪᐛᒃ ᐅᒋᒪᐛᔨᑕᑯᓱᐤ ᒥᒄ ᐊ ᐃᓯ ᐎᐎᔨᒋ ᒥᒋ ᐊᒐᒂ ᐊ ᐎᐎᑎᓴᐛᑦ᙮”

ᓗᒃ 9:1

ᒋᓴᔅ ᒋ ᒪᒧᐤ ᐎᓴᒪᐤ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᒂ ᒥᔭᑦ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ ᑭᔭ ᒐᒋ ᒥᓏᒋᐊᔨᒋ ᓂᓇᐧᑯᐤ ᐊ ᐃᑕᔅᐱᓇᔨᒋ ᐊᐛᔪᐛ᙮

ᐊᑈᔅᑕᓇᒡ 17:19

ᐊᑯ ᒂ ᐃᑐᑕᐊᒡ ᑈᓪ ᐊᓐᑕ ᐊ ᒪᒧᐎᓇᓄᐎᒡ ᐊᕆᐅᐸᑲᔅ ᑲ ᐃᓯᓂᐧᑲᑕᔨᒡ ᐊᑯ ᒂ ᐃᑕᒡ, “ᓂ ᐎ ᒋᔅᒐᔨᑕᓇᓐ ᐅ ᑲ ᐅᔅᑲᒡ ᒋᔅᑯᑎᒪᒐᐅᓐ ᑕᓐ ᐊ ᐃᓯ ᒋᔅᑯᑎᒪᒐᔨᓐ᙮