ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐊᓐ ᒪᒃ ᒥᒋ ᐊᒐᐧᒄ ᒋ ᐃᑐᑐᐛᐤ ᐊᓂᔭ ᓇᐸᐛ ᒐᒋ ᒥᔅᑎ ᐅᒋᐱᑎᑯᔨᒋ ᑭᔭ ᒋ ᒥᔅᑎ ᐊᓯᒂᔪᐛ ᐊᑯ ᒂ ᓂᑭᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:26 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:25

ᒋᓴᔅ ᒪᒃ ᒋ ᐎᑎᒧᐛᐤ ᐊ ᐃᑕᑦ, “ᐊᑯᔅ ᐊᑲ ᒋᔅᑐᐤ᙮ ᒪᒋ ᐸᒋ ᐎᐎᔾ ᒪᒃ ᐎᔭᒡ ᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:27

ᒥᓯᐛ ᒪᒃ ᐊᐛᓐ ᒋ ᒥᔅᑲᑕᔨᑎᒥᐃᑯᐤ ᐅᔭ ᑲ ᐃᔅᐱᔨᒡ ᐊᑯ ᒂ ᑯᒂᒋᒥᑐᒡ, “ᒐᒂᓐ ᒪᒃ ᐅ ? ᐅᔅᒋ ᒋᔅᑯᑎᒪᒐᐅᓐ ᐊ ? ᐊ ᐊᔭᑦ ᐅ ᓇᐸᐤ ᑎᐸᔨᒋᒐᐅᓂᔪᐤ ! ᐛᐛᒡ ᒥᒋ ᐊᒐᒂ ᑕᑈᑕᑯᐤ ᐊ ᐛᑎᓱᒪᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:20

ᐊᑯ ᒂ ᐸᓱᐛᒡ ᐊᓂᔭ ᓇᐸᓴ ᐊᓐᑕ ᒋᓴᓴ ᐊ ᑕᔨᒋ᙮ ᐃᔅᐱ ᐊᓐ ᒥᒋ ᐊᒐᐧᒄ ᐎᔭᐱᒪᑦ ᒋᓴᓴ ᑎᐛᒡ ᒋ ᐃᑐᑐᐛᐤ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ, ᓇᔅᒡ ᐊᓐᑕ ᐊᔅᒋᒡ ᐊᒋ ᐃᓯ ᐸᒋᓯᓂᔨᒋ᙮ ᐊᑯ ᑲ ᑯᒂᑎᐱᔪᐅᑦ ᐊᓐᑕ ᐊᓐ ᓇᐸᔅ ᐊ ᐱᔅᑕᐅᑕᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:26

ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮”

ᓗᒃ 11:22

ᐅᑎᑎᑯᑦ ᒪᒃ ᐊᐛᔪᐛ ᐅᔅᑕ ᐊ ᓱᒋᓯᔨᒋ ᐃᔅᐱᔅ ᐎᔾ ᒋᑭ ᒋ ᓴᐧᑯᒋᐃᑯᐤ᙮ ᐊᑯ ᒪᒃ ᒥᓯᐛ ᒐ ᐅᑎᓂᒥᔨᒋ ᐊᓂᔭᔪᐛ ᐅᓂᑐᐱᔪᐅ-ᐊᐱᒋᑕᐅᓇ ᐊᓂᔭ ᑲ ᐎ ᐃᓯ ᒪᒥᓯᑐᑕᐧᒃ ᒐᒋ ᐅᒋ ᑭᓄᐛᔨᒥᑎᓱᑦ᙮ ᐊᑯ ᒪᒃ ᒥᓯᐛ ᐊᓂᔭ ᑕᓐ ᑲ ᐃᓯ ᐊᔭᑦ, ᒥᓯᐛ ᒋᑭ ᐃᓯ ᒪᑎᓄᐛᐱᔨᑕᔪᐛ᙮”

ᓗᒃ 9:39

ᒪᓯᐃᑯᐤ ᓇᓂᑯᑎᓂᔾ ᒥᒋ ᐊᒐᒂ ᐊ ᐃᑐᑕᑯᑦ ᓯᔅᒋᑯᒡ ᒐᒋ ᐊᓯᒂᑦ᙮ ᐊᑯ ᒪᒃ ᑭᔭ ᐊ ᐅᒋᐱᑎᑯᑦ ᒪᓐ ᓇᔅᒡ ᐛᔅ ᒋ ᐱᔅᑕᐅᑕᑎᒻ᙮ ᓇᔅᒡ ᓂᓇᐧᑲᑕᔨᑎᒥᐃᑯᐤ ᐅᔭ ᒥᒋ ᐊᒐᒂ ᐊᑲ ᒪᒃ ᐎ ᓂᑭᑎᑯᑦ᙮

ᓗᒃ 9:42

ᒪᒂᒡ ᒪᒃ ᐊ ᐸᒋ ᓇᑕᑦ ᐊᓂᔭ ᒋᓴᓴ ᐊᓐ ᓇᐸᔅ, ᒥᒋ ᐊᒐᒂ ᓇᔅᒡ ᒋ ᐛᐱᓂᑯᐤ ᐊᑯ ᒂ ᐃᑐᑕᑯᑦ ᒐᒋ ᐅᒋᐱᑎᑯᑦ᙮ ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒂ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᐊᑯᑕ ᒪᒃ ᑲ ᐊᑎ ᒥᓏᑎᓯᑦ ᐊᓐ ᓇᐸᔅ᙮ ᐊᑯ ᒋᓴᔅ ᒂ ᒋᐛᒥᔭᑦ ᐊᓂᔭ ᓇᐸᐛ ᐊᓂᔭᔪᐛ ᐅᑯᓯᔪᐛ᙮