ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋ ᒪᒥᔅᑲᑕᔨᑎᒥᐃᑯᐅᒡ ᒪᒃ ᐊᓂᔭ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᐛᔅ ᐊᐛᓐ ᓇᔅᒡ ᑲ ᐅᒋᒪᐛᔨᑕᑯᓯᑦ ᒋ ᐃᑎᑕᑯᓱᐤ᙮ ᓇᒪ ᐅᒋ ᐃᑎᑕᑯᓯᔪᐛ ᒧᔭᒻ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:22 Iomraidhean Croise

ᒪᑎᔪᐤ 13:54

ᐊᑯ ᐊᓐᑕ ᐊᓂᔭ ᐅᑕᓇᔪᐤ ᐛᒋᑦ ᐊᑯᑕ ᑲ ᐃᑐᑕᑦ᙮ ᐊᑯᑕ ᐊᓐᑕ ᑲ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᓂᔭ ᑲ ᐸᑕᑯᑦ ᒋ ᒥᔅᑲᓯᑕᑯᐤ ᐊ ᐃᑎᑐᔨᒋ, “ᑕᓐᑕ ᑲ ᐅᒋ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ, ᑕᓐᑕ ᑲ ᐅᒋ ᐊᔭᑦ ᑭᔭ ᐊᓂᔭ ᑭᔅᒋᐅᓂᔪᐤ ᒐᒋ ᐃᑐᑕᐧᒃ ᐊᓂᔭ ᒪᒥᔅᑲᒡ ᒐᒂᔪᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:23

ᓯᔅᒋᑯᒡ ᒪᒃ ᒋ ᐅᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᓇᐸᐤ ᒥᒋ ᐊᒐᒂ ᐊ ᐱᒋᔅᑲᑯᑦ ᐊ ᑕᑈᑦ᙮

ᓗᒃ 2:47

ᒥᓯᐛ ᒪᒃ ᐊᐛᔪᐛ ᑲ ᐸᑕᑯᑦ ᓇᔅᒡ ᒋ ᒪᒥᔅᑲᑕᔨᑎᒥᐃᑯᔪᐛ ᐅᑭᒐᑕᐛᔨᑎᒧᐅᓐ ᑭᔭ ᐊᓂᔭ ᓇᔅᒡ ᐊ ᑭᔅᒋᐅᑦ ᐊ ᐃᓯ ᐎᑎᒪᒐᑦ ᒐᒂᔪᐤ ᐊ ᑯᒂᒋᒪᑭᓄᐅᑦ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 4:32

ᒥᓯᐛ ᒋ ᒥᔅᑲᓯᑎᒧᒡ ᐊᓐᒡ ᐃᔪᒡ ᐊᓂᔭ ᑲ ᐃᓯ ᒋᔅᑯᑎᒪᒐᔨᒋ ᑲ ᐃᔅᐱᔅ ᓱᒐᔨᑕᑯᓂᔨᒡ ᐅᑦ ᐃᔨᒧᐅᓂᔪᐤ᙮

ᒠᓐ 7:46

ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᐊ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ᒋᔅᑯᑎᒪᒐᐤ ᐊ ᐃᔅᐱᔅ ᒥᔪ ᒋᔅᑯᑎᒪᒐᑦ ᐅ ᓇᐸᐤ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮