ᒪᑎᔪᐤ 8:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊ ᐃᑎᑯᑦ, “ᐅᑎᐸᔨᒋᒐᐤ, ᓂᑦ ᐊᐱᒋᐊᑭᓐ ᐱᒥᓯᓐ ᓂᒋᒡ ᐊᐧᑯᓯᑦ ᐊᑲ ᒋ ᐊᑎᓂᓱᑦ ᑭᔭ ᓇᔅᒡ ᐊ ᐛᐎᓯᒐᔨᑎᒥᐃᑯᑦ᙮”

ᒪᑎᔪᐤ 8:6 Iomraidhean Croise

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒪᑎᔪᐤ 8:7

ᐊᑯ ᒋᓴᔅ ᐊᑕᑦ, “ᓂᑭ ᐸᒋ ᒥᓏᒋᐊᐤ᙮”

ᒪᑎᔪᐤ 9:2

ᐃᔪᒡ ᒪᒃ ᒋ ᐸᑐᐛᐅᒡ ᒋᓴᓴ ᐊᑲ ᐊᒋᔨᒋ ᓇᐸᐛ ᓂᐸᐅᓂᒡ ᐊ ᐱᒥᓯᓂᔨᒋ᙮ ᐃᔅᐱ ᒋᓴᔅ ᒐᔅᒐᔨᑎᒺᑦ ᐊᔅᐱᔅ ᒥᔅᑎ ᑕᑈᔭᔨᑎᒥᔨᒋ ᐃᔪᐛ ᒋ ᐃᑕᐤ ᐊᓂᔭ ᓇᐸᐛ, “ᒧᒋᒐᔨᑕ ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᐊᑈᔅᑕᓇᒡ 10:7

ᐃᔅᐱ ᒪᒃ ᑲᒋ ᔅᑐᑕᔨᒋ ᐊᓂᔭ ᐊᓐᒋᓇ ᑲ ᐃᔨᒥᐃᑯᑦ, ᐊᑯ ᑯᕐᓂᓕᔭᔅ ᒂ ᐎᓴᒪᑦ ᓂᓱ ᐅᑦ ᐊᐸᒐᐊᑭᓐ, ᑭᔭ ᐸᐃᒄ ᐊᓯᒪᑭᓂᓴ ᐊ ᐊᔭᒥᐊᐛᑎᓯᔨᒋ, ᐊᓂᔭ ᒧᔅ ᑲᒋ ᓂᓇᑭᑐᐛᔨᒥᑯᑦ᙮

ᐊᑈᔅᑕᓇᒡ 8:7

ᒥᒋ ᐊᒐᐧᑯᒡ ᓱᒃ ᐊ ᑕᑈᒡ ᒋ ᐸᒋ ᐎᐎᔪᒡ ᒥᒐᑦ ᐊᐛᔪᐛ ᐊ ᑕᔨᒋ ᐊᓂᔭ ᐊᒋ ᐱᒋᔅᑯᐛᒡ᙮ ᐊᓐᒡ ᒪᒃ ᐊᑲ ᓂᔅᑐᓯᒡ, ᑭᔭ ᐊᓐᒡ ᑲ ᒪᔅᒋᓯᒡ, ᒋ ᒥᓏᒋᐊᑭᓄᐅᒡ᙮

ᐊᑈᔅᑕᓇᒡ 9:33

ᐊᑯᑕ ᑲ ᐛᐱᒪᑦ ᓇᐸᐛ ᐊᓂᔭᔅ ᐊ ᐃᓯᓂᐧᑲᓱᔨᒋ, ᐊ ᐊᑲ ᓂᔅᑐᓯᔨᒋ, ᔭᓇᐤ ᑕᑐᐳᓇ ᐊ ᐊᑲ ᐅᒋ ᐊᒥᔨᒋ ᐅᓂᐸᐅᓂᔨᒡ᙮

ᑯᓚᓯᔭᓇ 3:11

ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ᐃᓯᓇᑯᓯᔨᒋ ᐱᒋᔅᑯᐛᐤ᙮

ᑯᓚᓯᔭᓇ 4:1

ᒋᔨᐛᐤ ᑲ ᐅᒋᒪᐎᔭᒄ ᒥᓯᐛ ᑕᐱᑐᐤ ᐃᓯ ᑭᓄᐛᐱᒪᐧᑯᒡ ᒋᑦ ᐊᐱᒋᐊᑭᓄᐛᐅᒡ ᑕᓐ ᐊ ᐃᑐᑐᐛᑯᒡ ᑭᔭ ᑯᐃᔅᒄ ᐃᑐᑐᐛᐧᑯᒡ᙮ ᒋᔅᒋᓯᒄ ᑭᔭ ᒋᔨᐛᐤ ᐊ ᑕᑦ ᐊᐛᓐ ᒋᒋᒋᓯᑯᒡ ᐛᒋᒪᒥᔭᒄ᙮

1 ᑎᒧᑎ 6:2

ᐊᑯ ᒪᒃ ᒋᐅᒋᒪᒧᐛᐅᒡ ᑎᔭᑈᑎᒧᐛᐛᒂ ᐊᑲᐎᔾ ᒋᑭ ᐅᒋ ᐃᑐᑐᐛᐛᐅᒡ ᒐ ᐊᑲ ᒋ ᒋᔅᑕᔨᒪᑯᒡ ᒥᒄ ᐊᓂᔭ ᐊ ᒋᔅᒐᔨᒪᑯᒡ ᐊ ᐎᐧᑲᓂᓯᑐᑐᐛᑯᒡ᙮ ᐃᔭᐱᒡ ᐊᑐᐎᔅ ᒋᐸ ᒥᔪ ᐊᑐᔅᑯᐛᐛᐅᒡ ᒐᒋ ᐎᒋᐊᑯᒡ ᐅᒡ ᒋᐧᑲᓂᓱᐛᐅᒡ ᑲ ᓴᒋᐊᑭᓄᐎᒡ᙮ ᐊᐅᒄ ᒪᒃ ᐅ ᒋᐸ ᐃᓯ ᒋᔅᑯᑎᒪᒐᓇᐛᐤ ᑭᔭ ᒋᐸ ᐃᓯ ᑭᒐᔅᒋᒧᓇᐛᐤ᙮

ᐸᐃᓕᒪᓐ 1:16

ᑕᐸ ᐊᑯ ᐊᐱᒋᐊᑭᓐ ᒋᑭ ᐅᒋ ᐃᓯ ᑭᓄᐛᐱᒪᑭᓄᐤ᙮ ᐃᐛᒃ ᒋᔅᑕᔨᑕᑯᓱᐤ ᐃᔅᐱᔅ ᐊᐱᒋᐊᑭᓇ᙮ ᒧᔭᒻ ᑎᐱᔨᐛ ᒋᐧᑲᓂᓯᓄᐤ ᒋᑭ ᐃᓯ ᑭᓄᐛᐱᒪᓄᐤ᙮ ᐊᔪᐅᒄ ᐛᔅ ᑭᑈ ᓂᔾ ᐊ ᐃᓯ ᑭᓄᐛᐱᒥᒃ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔾ ᒐ ᐃᓯ ᑭᓄᐛᐱᒥᑦ, ᒧᔭᒻ ᑎᐱᔨᐛ ᒋᐧᑲᓂᔅ ᑭᔭ ᐅᑎᐸᔨᒋᒐᐤ ᐅᑦ ᐊᐱᒋᐊᑭᓇ᙮