ᒪᑎᔪᐤ 8:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᒋᓴᔅ ᐊᑕᑦ, “ᐊᑲᐎᔾ ᐊᐛᓐ ᒋᑭ ᐅᒋ ᐎᑎᒧᐛᐤ ᑕᓐ ᑲ ᐃᔅᐱᔨᓐ, ᔅᑐᑕ ᒪᒃ, ᑎᐛᒡ ᓂᑐᐛᐱᒻ ᐊᔭᒥᐊᐅᒋᒪᐤ ᓇᔅᒡ ᒐ ᓇᓂᑐ ᒋᔅᒐᔨᒥᔅᒃ᙮ ᐊᑯ ᒐ ᐱᔅᑎᓂᒥᓐ ᐊᓐ ᒥᔨᐛᐅᓐ ᒋᐸ ᐱᔅᑎᓇᓐ ᐊᓂᔭ ᒧᓱᔅ ᑲ ᐃᑎᓱᐛᑦ ᒋᐸ ᐱᔅᑎᓇᑭᓄᐅᔪᐤ᙮ ᐊᑯᑕ ᒐ ᐅᒋ ᐛᐸᑎᔨᐛᔨᓐ ᑕᑈ ᐊᑯ ᐊ ᒥᓏᑎᓯᔨᓐ᙮”

ᒪᑎᔪᐤ 8:4 Iomraidhean Croise

ᒪᑎᔪᐤ 10:18

ᒋᑭ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᒪᑎᔪᐤ 16:20

ᐊᑯ ᒂ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐎᔾ ᐊ ᐊᐎᑦ ᙭᙮

ᒪᑎᔪᐤ 17:9

ᒪᒂᒡ ᒪᒃ ᐊ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ᐃᑎᑯᐅᒡ ᔭᐃᑕᔾ ᒐ ᐊᑲ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ᐛᐸᑕᒡ ᐸᑐᔅ ᒋ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᒪᑎᔪᐤ 5:17

“ᐊᑲᐎᔾ ᐃᑕᔨᑎᒧᒄ ᐊᒋ ᐸᒋ ᑎᑯᓯᓂᔭᓐ ᒐᒋ ᓂᓱᐅᓇᒋᑕᔭᓐ ᒧᓱᔅ ᐅᐎᓱᐛᐅᓐ ᑭᔭ ᐊᓂᔭ ᑲ ᐃᓯ ᒋᔅᑯᑎᒪᒐᒡ ᐅᒋᔅᒋᐛᐃᒐᓱᒡ᙮ ᓇᒪ ᓂ ᐅᒋ ᑎᑯᓯᓐ ᒐᒋ ᓂᓱᐅᓇᒋᑕᔭᓐ, ᒪᒃ ᓂᒋ ᑎᑯᓯᓐ ᑕᑈ ᒐᒋ ᐃᔅᐱᔨᒡ ᑕᓐ ᑲ ᐃᓯ ᒋᔅᑯᑎᒪᒐᒡ᙮

ᒪᑎᔪᐤ 6:1

“ᐃᔭᒂᒥᒄ ᑕᓐ ᐊ ᐃᓯ ᒥᔪᑐᑕᒐᔭᒄ᙮ ᐊᑲᐎᔾ ᓇᔅᒡ ᐎᓄᑯᐃᑎᓱᒄ ᐊᓐᑕ ᐊ ᒥᒐᑎᓇᓄᐅᒡ ᒥᒄ ᐊ ᐃᑕᔨᑎᒪᒄ ᒐᒋ ᐛᐱᒥᑕᑯᒡ ᐊᐛᓐᒋ, ᐛᔅ ᐅ ᐃᑐᑎᒪᒂ, ᐊᑲᐎᔾ ᐱᑯᓴᔨᑎᒧᒄ ᒐᒋ ᑎᐸᐊᒪᑕᒄ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ᙮”

ᒪᑎᔪᐤ 9:30

ᒋ ᒥᓏᒋᐊᑭᓄᐅᒡ ᒪᒃ ᐊᑯ ᒂ ᐛᐸᑕᒡ᙮ ᐊᑯ ᒋᓴᔅ ᐊᑎᓱᒪᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:9

“ᐃᔭᒂᒥᒄ ᐛᔅ ᒋᑭ ᑕᐅᒡ ᐊᓐᒡ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ᐸᐱᓯᔅᑕᐅᑯᔭᒄ᙮ ᒋᑭ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ᓇᓴᐅᔭᒄ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:12

ᒋᓴᔅ ᒪᒃ ᓱᒃ ᒋ ᐃᔨᒪᐊᐤ ᐊ ᐃᑕᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ ᐊᐛᓐ ᐊ ᐊᐎᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:43

ᒋᓴᔅ ᒪᒃ ᒋ ᐃᑎᓱᒪᐤ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᑕᓐ ᑲ ᐃᔅᐱᔨᒡ᙮ ᐊᑯ ᒂ ᐃᑕᑦ ᒐᒋ ᒥᔭᑭᓄᔨᒋ ᐊᓂᔭ ᐃᔎᓴ ᒐᒂᔪᐤ ᒐᒋ ᒥᒋᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:11

ᐊᑲ ᒪᒃ ᐎ ᐱᑎᑲᐃᑯᔭᒂ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒪᒂ ᐊᓐ ᐅᑕᓇᐤ ᒐ ᐸᐳᓯᑕᓯᒧᔭᒄ᙮ ᐊᐅᒄ ᒐ ᐃᑎᔭᒄ ᐊ ᓄᑯᑕᔭᒄ ᐊ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊᓐᑕ ᑲ ᑕᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:36

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐃᔪᐛ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ ᐊᒋ ᐃᔅᐱᔨᒡ᙮ ᒥᒄ ᒪᒃ ᐊᑎᓱᐧᒄ ᐊᒋ ᒋᑕᐊᒧᐛᑦ, ᐊᑐᐎᔅ ᒋ ᐱᐸᒪᒋᒧᔪᐛ ᐊ ᐛᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:30

ᐊᑯ ᒋᓴᔅ ᒂ ᐃᑎᓱᒪᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:9

ᐊᓂᔭ ᒪᒃ ᐊ ᐊᑎ ᓂᑎᒋᐛᒡ ᐱᔅᑯᑎᓇᔪᐤ ᒋᓴᓴ ᒋ ᐃᑎᓱᒥᑯᐅᒡ, “ᐊᑲᐎᔾ ᐊᐛᓐ ᐅᒋ ᐎᑎᒧᐛᐧᒄ ᐅ ᑲ ᐃᔅᐱᔨᒡ ᐸᑐᔅ ᒋ ᐅᓂᔅᑲᒐ ᐃᔪᐤ ᐅᑯᓯᓴᓐ ᓂᐳᐅᓂᒡ ᐅᒡ᙮”

ᓗᒃ 17:14

ᒋᓴᔅ ᒪᒃ ᐃᔅᐱ ᐎᔭᐱᒪᑦ ᒋ ᐃᑕᐤ, “ᒪᒋᒄ, ᓂᑐᐛᐱᒪᐧᒄ ᐊᔭᒥᐊᐅᒋᒪᐤ, ᒐᒋ ᒋᔅᒐᔨᒥᑕᒄ ᑕᑈ ᐊ ᒥᓏᑎᓯᔭᒄ᙮” ᒪᒂᒡ ᒪᒃ ᐊ ᐃᔅᐱᓯᐱᔨᒡ ᐊ ᓂᑐᐛᐱᒪᒡ ᐊᔭᒥᐊᐅᒋᒪᐛ, ᒋ ᒥᓏᑎᓯᐅᒡ᙮

ᓗᒃ 21:13

ᐅ ᒪᒃ ᐃᑐᑕᑯᐅᔭᒂ, ᐊᑯᑕ ᒐ ᐅᒋ ᒥᔪᐱᔭᒄ ᒐᒋ ᐎᑎᒧᐛᑯᒡ ᒥᔽᒋᒧᐅᓂᔪᐤ ᐊᓐᒡ ᐅᒋᒪᐅᒡ᙮

ᓗᒃ 4:41

ᒥᒐᑦ ᒪᒃ ᐃᔪᒡ ᒋ ᐎᐎᔅᑲᑯᐅᒡ ᒥᒋ ᐊᒐᒂ ᐊ ᐃᓯ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ᒋᔅᒐᔨᒥᑯᐤ ᐎᔾ ᐊ ᐊᐎᑦ ᙭᙮

ᓗᒃ 5:14

ᒋᓴᔅ ᒪᒃ ᒋ ᐃᑎᓱᒪᐤ ᐊ ᐃᑕᑦ, “ᐊᑲᐎᔾ ᐎᑎᒧᐤ ᐊᐛᓐ ᑕᓐ ᑲ ᐃᔅᐱᔨᓐ᙮ ᒪᒋ, ᓄᑯᐃᓱᐤ ᐊᓄᒡ ᒍᐤ ᐊᔭᒥᐊᐅᒋᒪᐤ ᐊ ᑕᑦ ᒐ ᐛᐱᒥᔅᒃ ᐊᒋ ᒥᓏᒋᐃᑯᔨᓐ᙮ ᑭᔭ ᒐ ᐱᔅᑎᓂᒐᔨᓐ ᐊᓐ ᒐᒂᓐ ᐊᓂᔭ ᒧᓱᔅ ᑲ ᐃᑎᓱᐛᑦ ᒐ ᐱᔅᑎᓂᑲᓄᐎᒡ᙮ ᐅ ᒪᒃ ᐃᑎᔨᓇ ᒥᓯᐛ ᐊᐛᓐ ᒋᑭ ᒋᔅᒐᔨᑎᒻ ᑕᑈ ᓇᔅᒡ ᐊᒋ ᐸᔭᒋᐃᑯᔨᓐ᙮”

ᓗᒃ 8:56

ᐊᓂᔭ ᒪᒃ ᐅᓂᒋᐃᑯᔪᐛ ᓇᔅᒡ ᒋ ᑯᔅᑯᐱᔪᐛ᙮ ᐊᑯ ᒂ ᐃᑎᑯᒡ ᒋᓴᓴ ᒐ ᐊᑲ ᒋ ᐎᑎᒧᐛᒡ ᐊᐛᔪᐛ ᑕᓐ ᑲ ᐃᔅᐱᔨᒡ᙮

ᓗᒃ 9:21

ᐊᑯ ᒋᓴᔅ ᒂ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐊᓂᔭ ᐎᑎᒧᐛᔨᒋ ᑯᑎᑲ ᐊᐛᔪᐛ᙮

ᒠᓐ 5:41

“ᓇᒪ ᓂ ᐃᑐᑕᓐ ᒐᒂᓐ ᓇᐸᐤ ᒐᒋ ᐅᒋ ᐸᒋ ᒋᔅᑕᔨᒥᑦ᙮

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᒠᓐ 8:50

ᓇᒪ ᓂ ᓇᓂᑐᐛᔨᑕᓐ ᑕᓐᑕ ᒐᒋ ᐅᒋ ᒋᔅᑕᔨᒥᑯᔭᓐ᙮ ᒥᒄ ᒪᒃ ᑕᐤ ᐊᐛᓐ ᐊ ᓂᑐᐛᔨᑕᐧᒃ ᒐᒋ ᒋᔅᑕᔨᒥᑯᐅᒡ, ᐎᔾ ᒪᒃ ᐊᐅᒄ ᑕᐸᔅᑯᓇᑦ ᐊᓂᔭ ᐊᐛᔪᐛ ᐊᑲ ᒋᔅᑕᔨᒥᔨᒋ᙮