ᒪᑎᔪᐤ 8:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋ ᐸᒋ ᓇᑎᑯᐤ ᓇᐸᐛ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᔭᔨᒋ, ᒂ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊ ᑕᑦ, ᐊᑯ ᐊᑎᑯᑦ, “ᐅᑎᐸᔨᒋᒐᐤ, ᐎ ᐸᒋ ᐎᒋᐃᔨᓇ, ᒋᑭ ᒋ ᐃᑐᑕᓐ ᒐᒋ ᐸᔭᒋᓯᔭᓐ᙮”

ᒪᑎᔪᐤ 8:2 Iomraidhean Croise

ᒪᑎᔪᐤ 10:8

ᒥᓏᒋᐊᐧᑯᒡ ᑲ ᐊᐧᑯᓯᒡ, ᑭᔭ ᐅᓂᔅᑲᓇᐧᑯᒡ ᐊᓐᒡ ᑲ ᓂᐱᒡ, ᒥᓏᒋᐊᐧᑯᒡ ᒐᒋ ᐸᔭᒋᓯᒡ ᐊᓐᒡ ᑲ ᒪᔭᑎᓂᔨᒡ ᐅᒥᒋᐅᓂᔪᐤ ᑲ ᐊᔭᒡ ᑭᔭ ᐎᐎᑎᓴᐛᐧᑯᒡ ᒥᒋ ᐊᒐᐧᑯᒡ᙮ ᓴᒐᔾ ᔅᒋ ᒥᔨᑯᐅᓇᐛᐤ ᐅ ᓱᐧᑲᑎᓯᐅᓐ, ᓇᒪ ᒪᒃ ᒋᐸ ᐅᒋ ᒋᓯᐧᑲᑯᐅᓇᐛᐤ ᐅ ᐊ ᐃᑐᑎᒪᒄ᙮

ᒪᑎᔪᐤ 13:58

ᐊᑯ ᒪᒃ ᐊᓂᔭ ᐊᑲ ᐅᒋ ᐊᔭᔨᒋ ᑕᑈᑎᒧᐅᓂᔪᐤ, ᓇᒪ ᒥᒐᑦ ᒪᒥᔅᑲᒡ ᒐᒂᔪᐛ ᐅᒋ ᐃᑐᑎᒻ ᐊᓐᑕ᙮

ᒪᑎᔪᐤ 14:33

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 15:25

ᐃᔅᐱ ᒪᒃ ᐊᓐ ᐃᔎᐤ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋᓴᓴ, ᒋ ᐸᒋ ᓂᐱᔅᑯᐱᔪᐤ ᐊᓐᑕ ᒋᓴᓴ ᐊ ᑕᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᐸᒋ ᐎᒋᐃ !”

ᒪᑎᔪᐤ 18:26

“ᐊᑯ ᐊᓂᔭ ᐅᑦ ᐊᐱᒋᐊᑭᓇ ᒂ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊᑕᑦ ᒋᓴᐅᒋᒪᐤ, ᐊᑯ ᒂ ᐃᑎᑯᑦ, ‘ᐅᒋᒪᐤ ᐊᑲᐎᔾ ᐸᑎᒪ ᐸᒋ ᒋᔄᓯᔅᑐᐎ ᐊᓱᐛᐱᒥ ᒪ, ᒥᓐ ᐛᐃᐱᔅᒋᔅ ᐊᑯ ᒥᓯᐛ ᒐ ᐱᑯᓯᓇᒪᑕᓐ ᑕᓐ ᐊᔅᐱᔅ ᒥᓯᓇᐊᒥᑕᓐ ᒐᒂᓐ᙮’ ”

ᒪᑎᔪᐤ 2:11

ᐊᑯ ᒂ ᐱᒐᒡ ᐊᓂᔭᔪᐤ ᒥᒋᐛᐱᔪᐤ ᐊᓐᑕ ᑲ ᑕᔨᒋ ᐊᐛᓴ ᐊᓯᒡ ᐅᑲᐎᔪᐛ ᒪᕆᔨᒋ᙮ ᐃᔅᐱ ᒪᒃ ᐎᔭᐱᒪᒡ ᐊᓂᔭᔪᐛ ᐊᐛᓴ ᒋ ᐅᒋᒋᐧᑯᓂᐱᔪᐅᒡ ᐊ ᐊᔭᒥᐊᔅᑐᐛᒡ᙮ ᐊᑯ ᒂ ᑯᐃᑯᓇᒡ ᐊᓂᔭ ᒥᔨᐛᐅᓇ ᑲ ᐎ ᒥᔭᒡ ᐊᓂᔭᔪᐛ ᐊᐛᓴ, ᐎᔄᐅᓱᓇᔭᐱᔎ ᒋ ᒥᔭᐅᒡ, ᑭᔭ ᑲᒋ ᐃᔎᓯᑭᓄᔨᒋ ᑲᐎᒋᒪᑯᓯᔨᒋ ᑭᔭ ᑲ ᓱᓇᔭᐎᒡ ᑐᒥᓂᑭᓂᔪᐤ ᑲᐎᒋᒪᑯᑉᓴᓯᔨᒡ᙮

ᒪᑎᔪᐤ 20:20

ᓴᐱᑎ ᒪᒃ ᐎᐛ ᒋ ᐸᒋ ᐎᒐᐛᐤ ᐅᑯᓴ, ᒂ ᐸᒋ ᓂᑐᐛᐱᒪᒡ ᒋᓴᓴ ᐊᑯ ᐊᓐ ᐃᔎᐤ ᒂ ᐊᑎ ᐅᒋᒋᐧᑯᓂᐱᔨᔅᑐᐛᑦ ᒋᓴᓴ ᐊ ᐎ ᓂᑐᐛᔨᑎᒧᐛᑦ ᒐᒂᔪᐤ᙮

ᒪᑎᔪᐤ 26:6

ᐸᑕᓂᒡ ᒋ ᑕᐤ ᒋᓴᔅ, ᐊᓐᑕ ᓴᐃᒥᓇ ᐎᒋᔨᒡ᙮ ᐅ ᓴᐃᒥᓐ ᐊ ᒪᔭᑎᓂᔨᒡ ᐊᐧᑯᓱᐅᓂᔪᐤ ᐅᓯᑲᒡ ᐛᔅᑭᒡ ᒋ ᐃᑕᐧᑯᓱᐤ᙮

ᒪᑎᔪᐤ 28:17

ᐃᔅᐱ ᒪᒃ ᐎᔭᐱᒪᒡ, ᒋ ᐊᔭᒥᐊᔅᑐᐛᐅᒡ ᐊᑎ ᐱᔅᒐ ᐊᓐᑕ ᐊ ᑎᓯᒡ ᐊᒋ ᐊᓏᑕᒡ᙮

ᒪᑎᔪᐤ 28:9

ᓯᔅᒋᑯᒡ ᒪᒃ ᒋ ᐅᒋ ᓂᒋᔅᑯᐛᐅᒡ ᒋᓴᓴ ᐊᑯ ᒂ ᐃᑎᑯᒡ, “ᐎ ᒋᔭᒪᔨᑎᒧᒄ᙮” ᐊᑯ ᒂ ᐅᒋᒋᐧᑯᓂᐱᔪᐅᒡ ᐊ ᑕᔨᒋ ᒂ ᒪᑯᓂᒺᒡ ᐅᓯᑎᔪᐛ ᐊᑯ ᒂ ᓄᒋᔅᑐᐛᒡ᙮

ᒪᑎᔪᐤ 4:9

ᐊᑯ ᐊᑕᑦ, “ᒥᓯᐛ ᐅ ᒋᑭ ᒥᔨᑎᓐ ᐸᒋ ᓂᐱᔅᑯᐱᔨᓇ ᐊ ᑕᔭᓐ, ᐊ ᐊᔭᒥᐊᔅᑐᐎᔨᓐ᙮”

ᒪᑎᔪᐤ 8:1

ᐃᔅᐱ ᒪᒃ ᒋᓴᔅ ᐱᔭᒋ ᓂᑕᒥᒋᐛᑦ ᐱᔅᑯᑎᓇᔪᐤ, ᒥᒐᑦ ᐊᐛᔪᐛ ᒋ ᓇᓴᐅᑯᐤ᙮

ᒪᑎᔪᐤ 8:25

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᑯᓇᒡ ᒋᓴᓴ ᐊ ᐃᑕᒡ, “ᐅᑎᐸᔨᒋᒐᐤ, ᐸᒋ ᐎᒋᐃᓇᓐ, ᓴᔅ ᓂᑭ ᓂᓱᐅᓇᑎᓯᓇᓐ᙮”

ᒪᑎᔪᐤ 9:18

ᒪᒂᒡ ᒪᒃ ᐅᔭ ᒋᓴᔅ ᑲ ᐃᑕᑦ, ᒋ ᐸᒋ ᓇᑎᑯᐤ ᐸᐃᒄ ᐅᒋᒪᐛ, ᒋ ᐸᒋ ᐅᒋᒋᐧᑯᓂᐱᔨᔅᑕᑯᐤ ᒪᒃ ᐊ ᐃᑎᑯᑦ, “ᒋ ᐳᓂᐱᒪᑎᓯᐤ ᓂᑕᓂᔅ ᐊᓄᒡ, ᐸᒋ ᓴᒥᓐ, ᐊᑯ ᒪᒃ ᒐ ᐱᒪᑎᓯᑦ᙮”

ᓗᒃ 4:27

ᑭᔭ ᒪᒂᒡ ᐊᔅᒄ ᐊᒋ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ᐃᓯᓂᐧᑲᓱᑦ ᒋ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ᐅᒋᑦ᙮” ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ᓂᑐᑕᑯᑦ᙮

ᒠᓐ 9:38

ᒂ ᐃᔅᒋᔄᑦ ᐊᓐ ᓇᐸᐤ, “ᒋ ᑕᑈᑕᑎᓐ ᐅᑎᐸᔨᒋᒐᐤ᙮” ᑲ ᐊᑎ ᐅᒋᒋᐧᑯᓂᐱᑦ ᐊ ᐊᔭᒥᐊᔅᑐᐛᑦ᙮

ᐊᑈᔅᑕᓇᒡ 10:14

ᐊᑯ ᐱᑕᕐ ᒂ ᐃᔅᒋᔄᑦ, “ᓇᒪ ᓂᑭ ᒋ ᑐᑕᓐ ᐅ, ᑎᐸᔨᒋᒐᓱᐤ᙮ ᓇᒪ ᓂᑕ ᓂᑭ ᐅᒋ ᒥᒋᓐ ᒐᒂᓐ ᐊ ᐊᑲ ᐃᑕᔨᑕᒂᒡ ᒐᒋ ᒥᒋᓇᓄᐅᒡ᙮”

ᐊᑈᔅᑕᓇᒡ 10:25

ᐃᔅᐱ ᒪᒃ ᐱᑕᕐ ᐊ ᐊᑎ ᐱᒐᐛᑦ ᑯᕐᓂᓕᔭᓴ ᐎᒋᔨᒡ ᒋ ᐸᒋ ᓂᑐᐛᐱᒥᑯᐤ, ᐊ ᓂᐱᔅᑯᐱᔪᐎᔨᒋ ᐅᑎᔅᑯ ᐊ ᑕᑦ ᐊ ᐅᒋᒋᐧᑯᓂᐱᐅᔅᑕᑯᑦ᙮

1 ᑯᕆᓐᑎᔭᓇ 14:25

ᒋᑭ ᓂᔅᑐᑎᒻ ᑕᑈ ᐊ ᒋᔅᒐᔨᑎᒥᔨᒋ ᒋᓴᒪᓂᑐᐛ ᑕᓐ ᐊ ᐃᑕᔨᑕᐧᒃ᙮ ᐊᑯ ᒪᒃ ᒐ ᐅᒋᒋᐧᑯᓂᐱᔪᐅᑦ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊ ᐃᔅᒋᔄᑦ, “ᒐᔅᑎᓇᔅ ᑕᐤ ᒋᓴᒪᓂᑐᐤ ᐅᑕ ᒥᓯᑕ ᐊ ᑕᔭᐧᒄ᙮”

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮