ᒪᑎᔪᐤ 6:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ “ᐃᔭᒂᒥᒄ ᑕᓐ ᐊ ᐃᓯ ᒥᔪᑐᑕᒐᔭᒄ᙮ ᐊᑲᐎᔾ ᓇᔅᒡ ᐎᓄᑯᐃᑎᓱᒄ ᐊᓐᑕ ᐊ ᒥᒐᑎᓇᓄᐅᒡ ᒥᒄ ᐊ ᐃᑕᔨᑎᒪᒄ ᒐᒋ ᐛᐱᒥᑕᑯᒡ ᐊᐛᓐᒋ, ᐛᔅ ᐅ ᐃᑐᑎᒪᒂ, ᐊᑲᐎᔾ ᐱᑯᓴᔨᑎᒧᒄ ᒐᒋ ᑎᐸᐊᒪᑕᒄ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ᙮”

ᒪᑎᔪᐤ 6:1 Iomraidhean Croise

ᑎᐱᑦ ᐅᓂᑭᒧᐅᓇ 112:9

ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:6

ᐊᑯ ᒋᓴᔅ ᒂ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒪᑎᔪᐤ 23:5

ᒥᓯᐛ ᒐᒂᔪᐤ ᑲ ᑐᑕᒡ ᐅᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐸᕆᓯᔨᒡ ᐱᑯᓴᔨᑎᒧᒡ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᐊᓂᔭ ᐊ ᐃᑕᔅᐱᓱᒡ ᑭᔭ ᐊ ᑕᐱᔅᑲᒡ ᒥᐅᑎᓯᔪᐤ ᒋ ᐱᑯᓴᔨᒧᐅᒡ ᒐᒋ ᐃᑕᔨᒥᑯᒡ ᐊᐛᔪᐛ ᓇᔅᒡ ᐊ ᐊᔭᒥᐊᐛᑎᓯᒡ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 5:16

ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ᒥᔪᑐᑎᒪᒄ ᐊᑯ ᒪᒃ ᒐ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ᙮”

ᒪᑎᔪᐤ 5:46

ᒐᒂᔪᐤ ᒋᐸ ᐅᒋ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ᒪᒧᓴᒋᓇᒡ ᓱᓇᔭᔪᐤ᙮

ᒪᑎᔪᐤ 5:48

ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:9

ᐊᐅᒄ ᐅ ᒐ ᐃᓯ ᐊᔭᒥᐊᔭᒄ᙮ ᓄᑕᐎᓇᓐ ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:15

ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮”

ᓗᒃ 11:35

ᐃᔭᒂᒥ ᒐ ᐊᑲ ᒋ ᑎᒂᒡ ᒋᐱᒪᑎᓯᐅᓂᒡ ᐅᓂᑎᐱᔅᒋᓯᐅᓐ, ᐊᓐᑕ ᒋᐸ ᑎᒂᓐ ᐛᔅᑕᐅᓐ᙮

ᓗᒃ 12:1

ᒪᒂᒡ ᒪᒃ ᐊᓐ ᐊ ᐃᑎᓇᓄᐅᒡ, ᒥᒐᑥᐤ ᒐᓯᐱᔪᐤ ᐃᔪᒡ ᒋ ᐛᔅᑲᑲᐳᐅᒡ ᐊ ᓂᑐᑐᐛᒡ ᒋᓴᓴ᙮ ᐊᓂᔭ ᐊ ᐃᔅᐱᔅ ᒥᒐᑎᒡ ᓇᔅᒡ ᒋ ᑎᑎᑯᐃᔅᑕᔅᑲᑐᒡ᙮ ᓂᔅᑎᒻ ᒪᒃ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᐃᔭᒂᒥᔅᑐᐛᐧᑯᒡ ᐸᕆᓯᔨᒡ ᐊᓂᔭ ᐊ ᐃᑕᔨᑕᑯᓯᒡ ᐛᔅ ᐊᔭᒥᐊᐧᑲᓱᒡ᙮ ᒧᔭᒻ ᐸᒂᓯᑭᓐ ᑲᐅᐱᔨᒡ ᑲ ᐃᑕᔨᑕᒂᒡ ᐊᑯᓐ ᐊ ᐃᑕᔨᑕᑯᓂᔨᒡ ᐊᓂᔭ ᐊ ᐃᑎᒡ᙮

ᓗᒃ 12:15

ᐊᑯ ᒋᓴᔅ ᒥᓯᐛ ᑲ ᐃᑕᑦ ᐅᔭ, “ᐃᔭᒂᒥᒄ, ᒐ ᐊᑲ ᒋ ᒧᔅᑕᓇᔨᑎᒪᒐᔭᒄ ᐊ ᐃᔅᐱᔅ ᐎ ᐊᔭᔭᒄ ᒐᒂᓐ᙮ ᐛᔅ ᑕᐸ ᐊᓂᔭ ᐊ ᐃᓯ ᐛᔪᑎᓯᑦ ᐊᐛᓐ ᒪᒃ ᓇᔅᒡ ᐊ ᐛᔪᑎᓯᒂ, ᓇᒪᔭᔪᐤ ᐊᓂᔭ ᒐ ᐃᑐᑕᑯᑦ ᒐᒋ ᐅᒋ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮”

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᒠᓐ 12:43

ᐛᔅ ᐃᐛᒃ ᒋ ᐃᑕᔨᒪᐅᒡ ᐃᔪᐛ ᒐᒋ ᓇᐊᔨᑎᒪᐊᒡ ᐃᔅᐱᔅ ᐎᔾ ᒋᓴᒪᓂᑐᐛ ᒐᒋ ᓇᐊᔨᑎᒪᐊᒡ᙮

ᒠᓐ 5:44

ᑕᓐᑕ ᒐᒋ ᐅᒋ ᑕᑈᑎᒪᒄ ᒥᒄ ᓇᐸᐤ ᐊ ᐎ ᓂᓇᐃᑎᒪᐊᒄ ᐊᑲ ᐎ ᓂᓇᐃᑎᒪᐊᒄ ᒋᓴᒪᓂᑐᐤ ?”

ᐊᑈᔅᑕᓇᒡ 3:12

ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ, ᒐᒂᓐ ᐛᒋ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ᐱᒧᑕᑦ ᐅ ᓇᐸᐤ ?

ᑲᓚᓯᔭᓇ 6:12

ᐊᓐᒡ ᑲ ᐎ ᓯᒋᒥᑕᑯᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᐎ ᓄᑯᐃᓱᐅᒡ ᐊ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᑭᔭ ᓂᑐᐛᔨᑎᒧᒡ ᒐᒋ ᒥᔽᒋᒪᑭᓄᐎᒡ᙮ ᐊᔪᐅᒄ ᐅᔭ ᐊ ᐃᑎᒡ ᒐ ᐊᑲ ᒋ ᓂᓇᐧᑲᑕᔨᒧᐊᑭᓄᐎᒡ ᐊ ᐊᔨᒧᒪᒡ ᙭ᑕ ᐅᒋᐱᔭᑎᑯᒥᔪᐛ᙮

ᐃᑉᕈᐛ 11:26

ᐊᓂᔭ ᒪᒃ ᒧᓱᔅ ᐊᒋ ᑕᑈᑕᐧᒃ, ᒋ ᐃᑕᔨᑎᒻ ᐊᔪᐛᒃ ᐊ ᒥᔽᔨᒡ ᒐᒋ ᒪᔭᔨᒪᑭᓄᐅᑦ ᐊᓂᔭ ᐅᒋ ᐊ ᒋᔅᒐᔨᒪᑦ ᐊᓂᔭ ᙭ᑕ ᒐ ᑎᑯᓯᓂᔨᒋ ᐃᔅᐱᔅ ᐎ ᒐᒋ ᐊᔭᑦ ᐛᔪᑎᓯᐅᓂᔪᐤ ᐊᓐᑕ ᐃᒋᑉᑎᒡ᙮ ᓴᔅ ᒋ ᐊᔭᔅᑯᐛᔨᑎᒻ ᒐᒋ ᐱᔅᑎᓇᐧᒃ ᒥᓯᐛ ᐊᓂᔭ ᐛᔅ ᐊᓐᑕ ᓂᑲᓄᒡ ᒋ ᐃᓯ ᐊᓱᐛᐸᑎᒻ ᐊᓂᔭ ᒐᒂᔪᐤ ᒐ ᒥᔨᑯᑦ ᒋᓴᒪᓂᑐᐛ ᐊ ᑎᐸᐊᒪᑯᑦ᙮

ᐃᑉᕈᐛ 2:1

ᐊᐅᒄ ᒪᒃ ᐊᓐ ᐛᒋ ᐃᑕᔨᑕᒂᒡ ᐊᑐᐎᔅ ᒐᒋ ᒥᒪᒋᑯᓂᒪᐧᒄ ᐊᓐ ᑕᑈᐅᓐ ᑲ ᐃᓯ ᐸᑎᒪᐧᒄ ᒐ ᐊᑲ ᒋ ᒋᐛᑲᐳᐅᔭᐧᒄ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮