ᒪᑎᔪᐤ 4:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋᓴᔅ ᒪᒃ ᒋ ᐃᑕᐤ, “ᒥᒄ ᒪᒃ ᐃᑎᔅᑕᐤ ᑭᔭ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᑲᐎᔾ ᒋᑭ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”

ᒪᑎᔪᐤ 4:7 Iomraidhean Croise

ᑎᐱᑦ ᐅᓂᑭᒧᐅᓇ 106:14

ᒪᒃ ᓇᔅᒡ ᒋ ᒥᒋᐃᑕᔨᑎᒧᒡ ᐸᐧᑯᑎᔅᑭᒥᑲᒡ; ᑭᔭ ᒋ ᑯᒂᒋᐊᐅᒡ ᒋᓴᒪᓂᑐᐛ ᐊᓐᑕ ᐊ ᒋᐛᑕᔨᑕᑯᓂᔨᒡ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 78:18

ᒋ ᑯᒂᒋᐊᐅᒡ ᒪᒃ ᒋᓴᒪᓂᑐᐛ ᐅᑕᐃᐛᒡ, ᐊ ᓂᑐᑎᒪᒡ ᒥᒋᒥᔪᐤ ᐅᒥᒋᐃᑕᔨᑎᒧᐅᓄᐛᐤ ᐅᒡ᙮

ᑎᐱᑦ ᐅᓂᑭᒧᐅᓇ 78:41

ᓂᐦᐃ, ᐊ ᒋᐛᑲᐳᐅᒡ ᒋ ᑯᒂᒋᐊᐅᒡ ᒋᓴᒪᓂᑐᐛ, ᑭᔭ ᒋ ᐊᐱᔅᑕᐃᒥᒪᐅᒡ ᐅᐸᔭᒋᓯᒥᔪᐤ ᐃᔅᕋᐃᓚ᙮

ᑎᐱᑦ ᐅᓂᑭᒧᐅᓇ 78:56

ᐃᔭᐱᒡ ᒪᒃ ᒋ ᑯᒂᒋᐊᐅᒡ ᑭᔭ ᒋ ᒋᔄᐊᐅᒡ ᑲ ᒪᐅᒡ ᒋᔅᑎᓯᔨᒋ ᒋᓴᒪᓂᑐᐛ, ᓇᒪ ᑭᔭ ᐅᒋ ᑭᓄᐛᔨᑎᒺᐅᒡ ᐅᑎᐸᒋᒧᐅᓂᔪᐤ;

ᑎᐱᑦ ᐅᓂᑭᒧᐅᓇ 95:9

ᐃᔅᐱ ᒍᑕᐎᐛᐅᒡ ᑲ ᑯᒂᒋᐃᒡ, ᐊᑎᐸᔨᒥᒡ, ᑭᔭ ᑲ ᐛᐸᑕᒡ ᓂᑦ ᐃᑐᐅᓂᔪᐤ᙮

ᐊᒃᓱᑕᔅ 17:2

ᐊᑯ ᐃᔪᒡ ᒂ ᐊᓏᔨᒪᒡ ᒧᓱᓴ ᐊ ᐃᑕᒡ, “ᐸᒋ ᒥᔨᓇᓐ ᓂᐱᔾ ᒐ ᒥᓂᔭᒡ᙮” ᐊᑯ ᒧᓱᔅ ᐊᑕᑦ, “ᒐᒂᓐ ᐛᒋ ᐊᓏᔨᒥᔭᒄ ? ᒐᒂᓐ ᐛᒋ ᑯᒂᒐᐊᒄ ᑎᐸᔨᒋᒐᓱᐤ ?”

ᐊᒃᓱᑕᔅ 17:7

ᐊᑯ ᒪᓴ (ᑯᒂᒋᐃᐛᐅᓐ ᐊ ᐃᓇᓄᐅᒡ) ᑭᔭ ᒪᕆᐸ (ᐊᓏᔨᒐᓄᐅᓐ ᐊ ᐃᓇᓄᐅᒡ) ᒂ ᐃᓯᓂᐧᑲᑕᐧᒃ ᒧᓱᔅ ᐊᓂᔭ ᐃᑕᐅᓂᔪᐤ ᐛᔅ ᐊᒋ ᑯᒂᒐᐊᒡ ᐃᔅᕋᐃᓪ ᐃᔪᒡ ᑎᐸᔨᒋᒐᓱᐛ ᐊ ᐃᔅᒋᔄᒡ, “ᑕᐤ ᐊ ᑎᐸᔨᒋᒐᓱᐤ ᐊ ᑕᐛᐧᒄ ᑭᔭ ᒪᒃ ᓇᒪ ᑕᐤ ᐊ ?”

ᒪᑎᔪᐤ 21:16

ᐊᑯ ᒂ ᐃᑕᒡ ᐊᓂᔭ ᒋᓴᓴ, “ᒋ ᐸᑐᐛᐅᒡ ᐊ ᑕᓐ ᐊ ᐃᔅᒋᔄᒡ ?” ᒋᓴᔅ ᒂ ᐃᑕᑦ, “ᓂ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ᐃᑎᔅᑕᒡ, ᒋᓴᒪᓂᑐᐤ ᒋ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ᒪᒥᒋᒥᑯᑦ” ?

ᒪᑎᔪᐤ 21:42

ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮ ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒪᑎᔪᐤ 4:4

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᓇᒪ ᒥᒄ ᐸᒂᓯᑭᓇ ᐊ ᒧᐛᑦ ᐊᐛᓐ ᒋᑭ ᒋ ᐅᒋ ᐱᒪᑎᓯᐤ, ᒥᒄ ᐊᓂᔭ ᒥᓯᐛ ᑲ ᐃᔅᒋᔄᑦ ᒋᓴᒪᓂᑐᐤ ᐊᓐᑕ ᐅᑦ ᐃᔨᒧᐅᓂᒡ ᐊᔪᐅᒄ ᐊᓂᔭ ᒐ ᐱᒪᒋᐃᑯᑦ᙮”

ᓗᒃ 4:12

ᒋᓴᔅ ᒪᒃ ᒋ ᐃᓯ ᐎᑎᒧᐛᐤ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᒋᐸ ᐅᒋ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”

ᐊᑈᔅᑕᓇᒡ 15:10

ᒧᔭᒻ ᐊ ᐎ ᑯᒂᒋᐊᒄ ᒋᓴᒪᓂᑐᐤ ᐊᐅᑯᓐ ᐊ ᐃᑎᔭᒄ᙮ ᒋᑦ ᐊᔭᒥᐊᐛᐅᒡ ᐊᓂᔭ ᐊ ᓯᒋᒪᑯᒡ ᐅᒡ ᑲ ᑕᑈᐅᒐᔨᒪᒡ ᒋᓴᓴ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑐᑕᒡ ᒧᓱᓴ ᐅᐎᓱᐛᐅᓂᔪᐤ ᐛᐛᒡ ᐊᓂᔅᒐ ᒋᐧᑲᓂᓯᓄᐅᒡ ᐊᑲ ᐅᒋ ᑐᑕᒡ ᑭᔭ ᒋᔭᓄᐤ ᐊᑲ ᐛᐛᒡ ᒋ ᐃᑐᑎᒪᐧᒄ᙮

ᐊᑈᔅᑕᓇᒡ 5:9

ᐊᑯ ᐱᑕᕐ ᒂ ᐊᑎ ᐃᑕᑦ, “ᒐᒂᓐ ᑕᐱᔅᑯᓐ ᒋᓇᐸᒻ ᐛᒋ ᒋ ᐃᑕᔨᑎᒥᐃᑯᔭᒄ ᒐᒋ ᑯᒂᒋᐃᒪᑯ ᐅᑎᐸᔨᒋᒐᐤ ᐅᑦ ᐊᒐᒂ ? ᐊᓐᒡ ᓇᐸᐅᒡ ᑲ ᓇᐃᐧᑯᐛᒡ ᒋᓇᐸᒪ ᓴᔅ ᒋ ᑎᑯᓯᓄᐅᒡ, ᓇᑕ ᒋᐱᔎᒡ ᓂᐳᐅᒡ᙮ ᑭᔭ ᒋᔾ ᒋᑭ ᐎᐎᑕᐃᑯᒡ ᒧᔭᒻ ᒋᓇᐸᒻ ᑲ ᐃᓯ ᐎᐎᑕᐊᑭᓄᐅᑦ᙮”

1 ᑯᕆᓐᑎᔭᓇ 10:9

ᑭᔭ ᐊᑲᐎᔾ ᒋᑭ ᐅᒋ ᑯᒂᒋᐊᐛᐤ ᐅᑎᐸᔨᒋᒐᐤ ᒧᔭᒻ ᑕᓐ ᑲ ᐃᑎᒡ ᐱᔅᒐ ᐊᓐᒡ ᐊᐛᓐᒋ᙮ ᒋᓇᐱᒂ ᒪᒃ ᒋ ᓂᐸᐃᑯᐅᒡ᙮

ᐃᑉᕈᐛ 3:9

ᐊᑯᑕ ᒪᒃ ᐊᓐᑕ ᓄᐅᒡ ᓂᒋ ᑯᒂᒋᐃᑯᐅᒡ ᐊᓂᔭᐧᑲ ᒋᐛᐧᑯᒪᑭᓄᐛᐅᒡ ᒐᒋ ᓂᑐ ᒋᔅᒐᔨᑕᒡ ᑕᓐ ᒐᒋ ᐃᔅᐱᔅ ᐃᑐᑐᒧᐛᒂ ᐊᑲ ᐱᓯᒋᑕᒡ, ᐊᑎ ᒪᒃ ᐊᒋ ᐛᐸᑕᒡ ᑕᓐ ᑲ ᐃᔅᐱᔅ ᒪᒥᔅᑲᒡ ᐃᑐᐅᒡ ᐊᓐᑕ ᐊ ᑕᒡ ᓇᐎᔪᐛ ᐱᐳᓇ ᐃᔅᐱᔅ᙮