ᒪᑎᔪᐤ 4:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒪᑎᔪᐤ 4:10 Iomraidhean Croise

ᑎᐱᑦ ᐅᓂᑭᒧᐅᓇ 109:6

ᑐᑐᐛᐤ ᒐᒋ ᑎᐸᔨᒥᑯᑦ ᒥᒋ ᐃᔪᐛ, ᐊᑯᔅ ᑭᔭ ᓴᐃᑕᓇ ᒋᑭ ᓂᐳᐎᔪᐛ ᐅᒥᔪᐅᓂᒡ᙮

ᐊᒃᓱᑕᔅ 23:25

ᓂᔾ, ᒥᒄ ᒋᑭ ᐎ ᐊᔭᒥᐊᔅᑐᐅᓇᐛᐤ, ᑎᐸᔨᒋᒐᓱᐤ ᒋᓴᒪᓂᑐᐤ, ᐃᑐᑎᒪᒂ ᐅ ᒋᑭ ᓱᐛᔨᑕᑯᐃᑎᓇᐛᐤ ᐊ ᒥᔨᑎᑯᒡ ᓂᐱᔾ ᑭᔭ ᒥᒋᒻ, ᑭᔭ ᒋᑭ ᑭᓄᐛᔨᒥᑎᓇᐛᐤ ᒐ ᐊᑲ ᒋ ᐊᐧᑯᓯᔭᒄ᙮

ᒪᑎᔪᐤ 16:23

ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:13

ᐊᑯᑕ ᑲ ᑕᑦ ᓇᐎᔪᐛ ᒋᓯᑲᐛ ᐊ ᑯᒂᒋᐃᑯᑦ ᒥᒋᒥᓂᑐᐛ᙮ ᒋ ᑕᔪᐛ ᐊᓐᑕ ᐊ ᑯᔅᑕᑎᑯᓯᔨᒋ ᐊᐛᓯᓴ, ᒥᒄ ᒪᒃ ᐊᓐᒋᓇ ᒋ ᐸᒋ ᐎᒋᐃᑯᐤ᙮

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

ᓗᒃ 11:18

ᐊᓐᒡ ᒪᒃ ᑲ ᓇᓴᐛᒡ ᒥᒋᒥᓂᑐᐛ, ᒪᓯᐧᑲᑐᑥᐛ ᒪᒃ, ᒥᒋᒥᓂᑐᐤ ᐅᒋᓴᐅᒋᒪᐅᓐ ᒋᑭ ᓂᓱᐅᓇᒋᑕᑭᓄᐅᔪᐤ᙮ ᐊᐅᒄ ᒪᒃ ᒋᐸ ᐃᔅᐱᔪᐤ ᑕᑈ ᐸᐃᓪᓯᐳᓪ ᐸᒋ ᒥᔨᑦ ᒥᑕᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ᐊᒐᐧᑯᒡ᙮

ᓗᒃ 13:16

ᐊᑯ ᒪᒃ ᐅ ᒍᐤ ᐃᔎᐤ ᔭᓇᐤ ᑕᑐᓴᑉ ᐱᐳᓇ ᒋᑦ ᐃᔅᐱᔅ ᒪᑯᐱᑎᑯᐤ ᒥᒋᒥᓂᑐᐛ, ᓇᒪᐎᔾ ᐊ ᐃᓯᓇᑯᓂᔪᐤ ᒐᒋ ᐊᐱᐧᑯᓇᑭᓄᐅᑦ ᐊᑎ ᐊ ᒍᐤ ᐊᔭᒥᐊᐅᒋᓯᑲᔨᒡ ?”

ᓗᒃ 22:3

ᐊᑯ ᒪᒃ ᐊᓂᔭᔪᐛ ᐸᐃᒄ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒋᓴᔅ, ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᔨᒋ ᒋ ᐱᒋᔅᑲᑯᔪᐛ ᒥᒋᒥᓂᑐᐛ᙮

ᓗᒃ 22:31

ᐊᑯ ᒪᒃ ᒋᓴᔅ ᑲ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ᑎᐸᔨᒧᒄ᙮ ᒋ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ᐃᑐᑕᒄ ᑕᐱᔅᑯᓐ ᑲᒋ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ᓴᐳᐱᔨᐊᑦ᙮

ᓗᒃ 4:8

ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒠᓐ 13:27

ᒍᑎᔅ ᐛᑎᓇᑦ ᐊᓂᔭ ᐸᒂᓯᑭᓇ ᑲ ᒥᔨᑯᑦ ᒋᓴᓴ, ᐊᑯ ᑎᐛᒡ ᑲ ᐊᑎ ᐱᒋᔅᑲᑯᑦ ᒥᒋᒥᓂᑐᐛ᙮ ᐊᑯ ᒋᓴᓴ ᒂ ᐃᑎᑯᑦ, “ᒋᐱᔾ ᑐᑕ ᐊᓐ ᑕᓐ ᒋᐸ ᑐᑕᓐ᙮”

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᐊᑈᔅᑕᓇᒡ 5:3

ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

1 ᑯᕆᓐᑎᔭᓇ 5:5

ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

1 ᑯᕆᓐᑎᔭᓇ 7:5

ᓇᒪ ᒋᐸ ᐅᒋ ᐃᑎᓇᐛᐤ ᒐ ᐊᑲ ᒋ ᐱᒪᔨᒥᑐᔭᒄ᙮ ᒥᒄ ᑭᑈ ᓂᑲᓐ ᑕᐱᔅᑯᓐ ᐃᓯ ᐊᑕᔨᑎᒧᐛᒂ ᐛᐃᐱᔅᒋᔅ ᒐ ᐊᑲ ᒋ ᐱᒪᔨᒥᑐᔭᒄ ᒥᒄ ᒐᒋ ᐊᔭᒥᐊᔭᒄ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᐊᓐᑕ ᑲ ᐃᔅᒋᔄᔭᒄ ᒐ ᐃᔅᐱᔅ ᐊᑲ ᐱᒪᔨᒥᑐᔭᒄ ᐊᑯ ᒥᓐ ᒋᐸ ᒋ ᐱᒪᔨᒥᑐᓇᐛᐤ᙮ ᐛᔅ ᓱᒐᔨᑕᑯᓯᔭᒂ ᓇᒪ ᒋᑭ ᐅᒋ ᓴᐧᑯᒋᐃᑯᐛᐤ ᒥᒋᒥᓂᑐᐤ ᓂᑎᒥᒄ ᒐᒋ ᐃᑐᐛᒄ᙮

2 ᑯᕆᓐᑎᔭᓇ 11:14

ᓇᒪ ᒪᒃ ᒋᐸ ᐅᒋ ᒥᔅᑲᑕᔨᑎᒥᐃᑯᓇᓄᐤ ᐅ ᐛᔅ ᐛᐛᒡ ᒥᒋᒥᓂᑐᐤ ᒧᔭᒻ ᐊ ᐛᔅᑐᐛᑦ ᐊᓐᒋᓐ ᒋᑭ ᒋ ᐃᓯᓇᑯᐃᓱᐤ᙮

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

2 ᑯᕆᓐᑎᔭᓇ 2:11

ᐅ ᒪᒃ ᒋᑦ ᐃᑎᓇᓄᐤ ᒐ ᐊᑲ ᒋ ᐎᔭᓯᐃᑕᐧᒄ ᒥᒋᒥᓂᑐᐤ᙮ ᐛᔅ ᒋ ᒋᔅᒐᔨᒪᓄᐤ ᑕᓐ ᐛ ᐃᑎᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:7

ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ᐅᓯᒥᑕᒄ᙮

1 ᐱᑕᕐ 5:9

ᓂᔅᑯᔅᑐᐛᐧᒄ ᒪᒃ ᒥᒋᒥᓂᑐᐤ᙮ ᐊᔨᒋᑲᐳᐅᒄ ᒋᑕᑈᑎᒧᐅᓄᐛᒡ ᐃᔅ ᐛᔅ ᒋ ᒋᔅᒐᔨᑕᓇᐛᐤ ᐊᓐᒡ ᒋᒋᓴᓄᐛᐅᒡ ᑲ ᑕᑈᑕᒡ ᐊᐅᑯᓐ ᑭᔭ ᐎᔨᐛᐤ ᐊ ᐃᓯ ᓇᒋᔅᑲᒡ ᓂᓇᐧᑲᒋᐃᐛᐅᓂᔪᐤ ᐅᑕ ᐊᔅᒋᒡ ᒧᔭᒻ ᑭᔭ ᒋᔨᐛᐤ ᑲ ᐃᓯ ᓇᒋᔅᑭᒪᒄ᙮